1 Kɔrɛntɩ 1:6 - New Testament

⁶ Mbʋ́ pʋyɔɔ yɔ, Krɩstʋ tɔm ndʋ́ ɖisusi-mɩ yɔ, tɩcaɣ mɩ-taa camɩyɛ.

1 Kɔrɛntɩ 1:6 ပူးပေါင်းရင်းမြစ်များ

Maarkɩ 16:20

Pʋwayɩ lɛ, ɛ-tɔmkpɛlɩkɩyaa ñɛɖɛɛ nɛ posusuu Laŋhɛzɩyɛ Tɔm paa le. Kɩpaɣlʋ sɩŋaɣnɩ-wɛ pa-tʋmɩyɛ taa nɛ ɛtɩŋɩɣnɩ hama lakasɩ ndɩ ndɩ yɔɔ nɛ ɛwɩlɩɣ se tɔm ndʋ́ posusuu yɔ, tɩkɛ toovenim.

Tʋma Labʋ 11:17

Yee Ɛsɔ ɛlabɩ-wɛ kʋjɔʋ kʋɖʋmʋʋ ŋgʋ́ ɖɩwɛnɩ lidaʋ Kɩpaɣlʋ Yesu Krɩstʋ yɔɔ nɛ ɛlabɩ-ɖʋ yɔ lɛ, ma anɩ nɛ manɖɩkɩ-ɩ nʋmɔʋ?»

Tʋma Labʋ 11:21

Ɛlɛ́, Fezuu Kiɖeɖeu ha patɩŋa Ɛsɔ ɖoŋ nɛ ɛyáa sakɩyɛ wɛnɩ lidaʋ ɛ-yɔɔ nɛ pɛlɛɣzɩ wɛtʋ.

Tʋma Labʋ 18:5

Silaasɩ nɛ ɛ-taabalʋ Timootee pɔkɔm palɩɩnɩ Masedonii nɛ patalɩ Pɔɔlɩ cɔlɔ Kɔrɛntɩ lɛ, pɩha-ɩ waɖɛ nɛ esusuu Laŋhɛzɩyɛ Tɔm alɩwaatʋ kpeekpe nɛ eheyiɣ Yuda ñɩma ḿbá se Yesu lɛ Weyi Ɛsɔ Lɩzaa Yɔ.

Tʋma Labʋ 20:21

Meheyi Yuda ñɩma nɛ mbá pɛtɛkɛ Yuda ñɩma yɔ se pɛlɛɣzɩ wɛtʋ Ɛsɔ ɛsɩndaa nɛ pɛwɛnɩ lidaʋ ɖa-Kɩpaɣlʋ Yesu yɔɔ.

Tʋma Labʋ 20:24

Ɛlɛ́, mañɩtaa mɛntɛ man-tʋmɩyɛ nɖɩ́ Kɩpaɣlʋ Yesu ɖʋ-m yɔ yɔ, me-wezuu tɛkɛnɩ-m pʋyʋ. Ńɖɩ́ lɛ se: monsusi Ɛsɔ lootiye Laŋhɛzɩyɛ Tɔm.

Tʋma Labʋ 22:18

nɛ mana Kɩpaɣlʋ nɛ eheyiɣ-m se: ‹Kʋyɩ kpaka nɛ ŋlɩɩ Yeruusalɛm tɛtʋ wayɩ lɔŋ, mbʋ́ pʋyɔɔ yɔ, Yuda ñɩma ɛɛkaɣ tisuu mɔn-tɔm ndʋ́ ŋheyiɣ-wɛ yɔ.›

Tʋma Labʋ 23:11

Papɩsɩnɩ-ɩ nɛ ɖoó yu lɛ, Kɩpaɣlʋ wolo ɛ-cɔlɔ nɛ eheyi-i se: «Đɔkɩ ña-tɩ kpam! Ɛzɩma mbʋ́ ŋlɩzɩ ma-aseɣɖe Yeruusalɛm yɔ, ḿbʋ́ ɖɔɖɔ pʋwɛɛ se ŋlɩzɩ-ɖɩ Room.»

Tʋma Labʋ 28:23

Peeɖe Pɔɔlɩ nɛ ɛyáa ḿbá paɖʋ kɩyakʋ se pakatɩ ɖama. Pɩtalɩ ki-wiye lɛ, powolo sakɩyɛ ɛ-tɛ nɛ ɛkɛdɩ-wɛ Ɛsɔ Kewiyaɣ tɔm wɩsɩ nɛ sikpem: ɛtɩŋaɣnɩ Mooyiizi paɣtʋ nɛ náyaa takayɩsɩ taa tɔm pɔ-yɔɔ nɛ ɛñɩnɩɣ se petisi Yesu tɔm.

Room 15:19

Ɛlabɩ ɖɔɖɔ hama lakasɩ ndɩ ndɩ nɛ ɛwɩlɩ Fezuu Kiɖeɖeu ɖoŋ. Ḿbʋ́ monsusi Krɩstʋ Laŋhɛzɩyɛ Tɔm siŋŋ, kpaɣ Yeruusalɛm nɛ puwolo pɩsɩɩnɩ Iliirii.

2 Kɔrɛntɩ 12:12

Alɩwaatʋ ndʋ́ malakaɣ tʋmɩyɛ mɩ-tɛ yɔ, mɔnɖɔkaɣ man-tɩ pɩtɩŋa pɩ-taa nɛ Ɛsɔ tɩŋɩɣnɩ mɔ-yɔɔ nɛ ɛlakɩ ɛ-hama lakasɩ ndɩ ndɩ. Ḿbʋ́ wɩlɩɣna se mɛnkɛ Krɩstʋ tiyiyu.

Galaatɩ 3:5

Ɩɖɔŋ paɣtʋ yɔɔ yɔɔ Ɛsɔ ha-mɩ e-Fezuu Kiɖeɖeu nɛ ɛlakɩ hama lakasɩ mɩ-hɛkʋ taa yaa we? Pɩtɛkɛ ḿbʋ́! Ɩnɩ Laŋhɛzɩyɛ Tɔm nɛ itisi-tʋ yɔɔ ɛha-mɩ-kʋ.

2 Tesalooniki 1:10

Puwiye ńɖɩ́ lɛ, ɛkɔŋ se pɩtɩŋnɩ ɛ-ñɩma yɔɔ nɛ ɛ-hɩɖɛ sɛɛ nɛ mbá pɛwɛnɩ lidaʋ ɛ-yɔɔ yɔ, patɩŋa payɩ payɩɣyɩ-ɩ. Ŋgʋ́, mɩ mitisi aseɣɖe nɖɩ́ ɖɩlɩzaa yɔ.

1 Timootee 2:6

Ɛkpaɣ ɛ-maɣmaɣ ɛ-tɩ nɛ ɛhɛyɩ ɛyáa yɔɔ se puholi patɩŋa payɩ: ḿbʋ́ lɩzɩnɩ aseɣɖe alɩwaatʋ ndʋ́ Ɛsɔ ɖʋwa yɔ se Ɛsɔ ɛnʋ e-liu wɛɛ se ɛya ɛyáa tɩŋa payɩ ñʋʋ.

2 Timootee 1:8

Pʋ-yɔɔ lɛ, fɛyɛ ɛtaakpa-ŋ nɛ ɖa-Kɩpaɣlʋ yɔɔ aseɣɖe lɩzʋʋ yaa weyi ma paɖʋ salaka ɛ-yɔɔ yɔ mɔ-yɔɔ. Ɛlɛ́, Yesu Laŋhɛzɩyɛ Tɔm yɔɔ lɛ, tisi nɛ pɩtɩŋnɩ ɖoŋ weyi Ɛsɔ ha-ŋ yɔ ɛ-yɔɔ nɛ ŋtɔɔ kʋñɔŋ ɖɔɖɔ ɛzɩ ma yɔ.

Wɩlʋʋ 1:2

Ɛ́lɛ́ lɩzɩnɩ mbʋ́ pɩtɩŋa payɩ ɛnawa yɔ pɩ-aseɣɖe: ɛlɩzɩ-ɖɩ Ɛsɔtɔm nɛ nɖɩ́ Yesu Krɩstʋ ñalɩzaa yɔ pɔ-yɔɔ.

Wɩlʋʋ 1:9

Ma mɩ-taabalʋ Yohanɛɛsɩ lɛ, ma nɛ mɩ ɖɩtɔkɩnɩ kʋñɔŋ nɛ kewiyaɣ nɛ ɖɩñakɩ pana ɖa nɛ Yesu ɖɛ-kpɛndʋʋ taa. Monsusi Ɛsɔtɔm nɛ malɩzɩ Yesu aseɣɖe yɔɔ pɛkɛzɩ-m tɛtʋ ɛjaɖɛ nɖɩ́ lɩm cɔ-ɖɩ pɩta nɛ payaɣ-ɖɩ se Patmoosi yɔ ɖɩ-taa.

Wɩlʋʋ 12:11

Pɩtɩŋnɩ Heɣa calɩm nɛ aseɣɖe nɖɩ́ ɖa-taabalaa lɩzaa yɔ pɔ-yɔɔ nɛ pawabɩ-ɩ. Đɔɖɔ lɛ, patakpaɣ pe-wezuu payaa pʋyʋ nɛ petisi se yee paa sɩm yɔ, pasɩ.

Wɩlʋʋ 12:17

Peeɖe ɛ-pana kpanɩ halʋ ɛnʋ nɛ ewolo eyouni e-liɖe taa ñɩma mbá pakazaa yɔ. Ḿbá ɖɔmnɩ Ɛsɔ paɣtʋ yɔɔ nɛ palɩzɩ Yesu yɔɔ aseɣɖe.

Wɩlʋʋ 19:10

Peeɖe mɔntɔlɩ ɛ-naŋgbanzɩ tɛɛ se moluŋ ɛ-tɛɛ. Ɛlɛ́, eheyi-m se: «Taala ḿbʋ́! Mɛnkɛ Ɛsɔ tʋmlaɖʋ ɛzɩ ña nɛ ña-taabalaa mbá pɔɖɔkɩ aseɣɖe nɖɩ́ Yesu lɩzaa yɔ. Ɛsɔ tɛɛ pʋwɛɛ se ŋluŋ!» Aseɣɖe nɖɩ́ Yesu lɩzɩɣ yɔ, ńɖɩ́ seɣtiɣni náyaa.

Wɩlʋʋ 6:9

Pʋwayɩ lɛ, Heɣa ŋ́gá kɛkpɛzɩ nesi ñɩɣʋ kagbaanzɩ ñɩmbʋ nɛ manaɣ lone nɖɩ́ palaɣ ɖɩ-taa yɔ, ɖɩ-tɛɛ mbá paakʋ-wɛ yɔ pa-ciyamnaa. Ɛsɔtɔm nɛ aseɣɖe nɖɩ́ palɩzaa yɔ, pɔ-yɔɔ paakʋ-wɛ.