1 Kɔrɛntɩ 1:30 - New Testament

³⁰ Ŋgʋ́, Ɛsɔ kpɛndɩ mɩ nɛ Krɩstʋ Yesu. Ɛsɔ ɛnʋ eyebina se ɛkɛ ɖɔ-lɔŋsɩnɖɛ. Ɛ-yɔɔ Ɛsɔ tɩŋnaa nɛ ɛpɩsɩ-ɖʋ kʋtʋʋzaa nɛ ɖɩpɩsɩ ɛ-ñɩma nɛ ɛya ɖa-ñʋʋ.

1 Kɔrɛntɩ 1:30 ပူးပေါင်းရင်းမြစ်များ

Maatiyee 1:21

Ɛlʋlʋʋ pɩɣa ŋ́gá lɛ, ŋyaa-kɛ se Yesu, mbʋ́ pʋyɔɔ yɔ, ŋ́gá kɔŋnɩ ɛyáa ñʋʋ yabʋ nɛ kalɩzɩ-wɛ pa-kɩwɛɛkɩm taa.»

Luka 11:49

Pʋ-yɔɔ Ɛsɔ yɔɔdɩ mɩ-tɔm nɛ lɔŋsɩnɖɛ se: ‹Mentiyiɣni-wɛ ɛyáa nabɛyɛ nɛ náyaa. Ɛlɛ́, pakʋʋ pa-taa lɛlaa nɛ pɛwɛɛ lɛlaa wayɩ kaŋ kaŋ.›

Luka 21:15

Mbʋ́ pʋyɔɔ yɔ, ma-maɣmaɣ mahaɣnɩ-mɩ lɔŋ nɛ ɩyɔɔdɩ nɛ mi-koyindinaa taa nɔɔyʋ ɛɛpɩzɩ ecosi yaa ɛkʋ mɩ-tɔm ndʋ́ ɩyɔɔdaa yɔ.

Yohanɛɛsɩ 1:18

Nɔɔyʋ tana Ɛsɔ wiɖiyi kaʋ. Ɛlɛ́, ɛ-Pɩyalʋ ɛgbamɩyɛ nɖɩ́ ɖɩ nɛ Caa pɛwɛ ɖama taa nɛ ɖɩkɛ Ɛsɔ yɔ, ńɖɩ́ wɩlɩnɩ-ɖʋ mbʋ́ Ɛsɔ kɛnaa yɔ.

Yohanɛɛsɩ 14:6

Ɛlɛ́, Yesu heyi-i se: «Ma lɛ nʋmɔʋ nɛ toovenim nɛ wezuu. Nɔɔyʋ fɛyɩ se ewoki Caa cɔlɔ nɛ ɛtatɩŋnɩ mɔ-yɔɔ.

Yohanɛɛsɩ 17:26

Meyeba nɛ pasɩm-ŋ, mɛwɛɣ pʋ-yɔɔ tam. Peeɖe pɔsɔɔlʋʋ ɖama ɛzɩ ŋsɔɔlʋʋ-m yɔ nɛ ma nɛ wɛ ɖɩwɛɛ ɖama taa.»

Yohanɛɛsɩ 17:8

Mbʋ́ pʋyɔɔ yɔ, meheyi-wɛ tɔm ndʋ́ ŋheyi-m yɔ nɛ petisi-tʋ. Pana toovenim se ñɔ-cɔlɔ malɩnaa nɛ petisi se ñetiyini-m.

Yohanɛɛsɩ 8:12

Yesu tasɩ ɛyáa samaɣ heyuu se: «Ma lɛ ɛyáa kpeekpe ñalɩmɩyɛ. Weyi ɛtɩŋɩɣ ma-wayɩ yɔ, ɛɛɖɔŋ cɩkpɛndʋʋ taa kaʋ. Ɛlɛ́, ehikiɣ ñalɩmɩyɛ nɖɩ́ ɖɩhaɣ wezuu yɔ.»

Tʋma Labʋ 26:18

Mentiyiɣ-ŋ se ŋwolo ŋkuli pɛ-ɛsɛ nɛ ŋlɩzɩ-wɛ cɩkpɛndʋʋ taa nɛ ŋwoni-wɛ ñalɩmɩyɛ taa. Lɩzɩ-wɛ ɖɔɖɔ Satanɩ nesi taa nɛ ŋwoni-wɛ Ɛsɔ cɔlɔ. Yee pɛwɛnɩ lidaʋ mɔ-yɔɔ lɛ, Ɛsɔ kpeɣ-wɛ pa-kɩwɛɛkɩm nɛ ɛha-wɛ ñɩm mbʋ́ ɛsɩwa se ɛhaɣ ɛ-ñɩma yɔ.› »

Room 1:17

Toovenim lɛ, ńdʋ́ wɩlɩɣnɩ tam ɛzɩma mbʋ́ Ɛsɔ tʋʋzaa nɛ ɛtɩŋɩɣnɩ ɛyáa lidaʋ wɛnaʋ ɖeke koŋ yɔɔ nɛ ɛpɩsɩɣ-wɛ kʋtʋʋzaa yɔ. Pʋwɛ ɛzɩ pamaʋ Ɛsɔtɔm Takayaɣ taa yɔ. Pamawa se: «Weyi ɛkɛ kʋtʋʋzʋ e-lidaʋ wɛnaʋ yɔɔ yɔ, ɛwɛɣ wezuu.»

Room 11:36

Mbʋ́ pʋyɔɔ yɔ, ɛ-cɔlɔ pɩtɩŋa pɩlɩɣna. Ɛnʋ yebina nɛ pɩtɩŋa pʋwɛɛ se pɩkɛ ɛ-ñɩm. Ɛsɔ hɩɖɛ ɛsɛɛ paa ɖooye! Pɩla ḿbʋ́!

Room 12:5

Ḿbʋ́ ɖɔɖɔ paa ɖɩɖɔwa yɔ, ɖɩwɛ ɛzɩ tomnaɣ kʋɖʋmaɣ ɖa nɛ Krɩstʋ ɖɛ-kpɛndʋʋ taa nɛ ɖatɩŋa payɩ ɖɩɖɔkɩ ɖama ɛzɩ ɛyʋ tomnaɣ hɔɔlɩŋ ɖɔkʋʋnɩ ɖama yɔ.

Room 16:11

Ɩsɛɛ Eroodiyɔɔ weyi ɛkɛ Yuda tʋ ɖɔɖɔ ɛzɩ ma yɔ nɛ Narsiisi hɔʋ taa ñɩma mbá pɛkɛ Kɩpaɣlʋ ñɩma yɔ.

Room 16:7

Ɩsɛɛ Andronikuusi nɛ Yuuniyaasɩ mbá pɛkɛ Yuda ñɩma ɖɔɖɔ ɛzɩ ma yɔ. Ma nɛ wɛ paaɖʋ salaka. Pɛkɛ Krɩstʋ tiyiyaa mbá ɛyáa sɩm-wɛ siŋŋ yɔ. Pɛkɛ Krɩstʋ ñɩma nɛ pʋcɔ pɩtalɩnɩ-m.

Room 4:25

Đa-kɩwɛɛkɩm yɔɔ eyeba nɛ pakʋ-ɩ, ɛlɛ́, efezi-i se ɛpɩsɩ-ɖʋ kʋtʋʋzaa.

Room 4:6

Ḿbʋ́ ɖɔɖɔ Daaviidi yɔɔdɩ weyi Ɛsɔ pɩsɩ-ɩ kʋtʋʋzʋ yɔ ɛ-tɩ hiɣu tɔm. Ŋgʋ́, ɛ́lɛ́ taakpaɣ ɛ-tʋmɩyɛ nɛ ɛ́yáa pʋyʋ. Ɛyɔɔdaa se:

Room 5:19

Toovenim lɛ, ɛzɩma mbʋ́ pɩtɩŋnɩ ɛyʋ kʋɖʋm koŋ kaañamtʋ yɔɔ nɛ ɛyáa sakɩyɛ pɩsɩ kɩwɛɛkɩm laɖaa yɔ, ḿbʋ́ ɖɔɖɔ pɩtɩŋɩɣnɩ ɛyʋ kʋɖʋm koŋ ñamtʋ yɔɔ nɛ Ɛsɔ pɩsɩ ɛyáa sakɩyɛ kʋtʋʋzaa.

Room 5:21

Yee ḿbʋ́ ɛzɩma mbʋ́ pɩtɩŋnɩ sɩm yɔɔ nɛ ɖɩwɛɛ kɩwɛɛkɩm nesi taa yɔ, ḿbʋ́ ɖɔɖɔ pɩtɩŋɩɣnɩ Ɛsɔ tʋʋzʋʋ yɔɔ nɛ ɖɩwɛɛ e-nesi taa se pɩtɩŋnɩ ɖa-Kɩpaɣlʋ Yesu Krɩstʋ lootiye yɔɔ nɛ ɖihiɣ wezuu maatɛŋ.

Room 8:1

Tɔm ńdʋ́ tɩtɩŋa tɩ-yɔɔ lɛ, lɛɛlɛɛyɔ paatasɩɣ kʋʋ mbá pa nɛ Krɩstʋ Yesu palabɩ nɔɔ kʋɖʋmaɣ yɔ pɔ-tɔm kaʋ.

Room 8:23

Pɩtasɩɩnɩ mbʋ́ ɛlaba yɔ pi-ɖeke. Ɛlɛ́, mbá ɖa ɛcalɩnɩ haʋ e-Fezuu Kiɖeɖeu nɛ kɩwɛɛ ɖɔ-cɔlɔ yɔ, ɖisisiɣ ɖɔɖɔ ɖa-taa nɛ ɖɩɖaŋ se Ɛsɔ ɛpɩsɩ-ɖʋ e-piya nɛ ɛya ɖa-ñʋʋ kpaagbaa kpem.

Room 8:9

Mɩ lɛ, ɩɩcakɩ wezuu ɛzɩ pɩkɛdɩnaʋ mɩ-maɣmaɣ yɔ, ɩcakɩ-kʋ ɛzɩ pɩkɛdɩnaʋ Fezuu Kiɖeɖeu yɔ. Mbʋ́ pʋyɔɔ yɔ, Fezuu Kiɖeɖeu wɛ mɩ-cɔlɔ. Yee Krɩstʋ Fezuu ɛfɛyɩ nɔɔyʋ cɔlɔ yɔ, ɛtɛkɛ Krɩstʋ tʋ.

1 Kɔrɛntɩ 1:2

Đɩmaɣ-kɛ mbá mɩ ɩkɛ Ɛsɔ ŋgbɛyɛ taa ñɩma Kɔrɛntɩ yɔ. Ɛya-mɩ se pɩtɩŋnɩ Krɩstʋ yɔɔ nɛ ɩcaɣ wezuu ɛzɩ pɩkɛdɩnaʋ-ɩ yɔ. Pɩtɩŋnɩ mɩ nɛ Krɩstʋ Yesu mɩ-kpɛndʋʋ yɔɔ nɛ ɩkɛ ɛ-ñɩma. Đɩmaɣ-kɛ mɩ nɛ mbá patɩŋa payɩ pɛwɛ paa le nɛ payaɣ ɖa-Kɩpaɣlʋ Yesu Krɩstʋ hɩɖɛ yɔ. Yesu Krɩstʋ lɛ pa-Kɩpaɣlʋ. Ɛnʋ ɖɔɖɔ lɛ ɖa-Kɩpaɣlʋ.

1 Kɔrɛntɩ 1:24

Ɛlɛ́, mbá Ɛsɔ yawa yɔ, paa pɛkɛ Yuda ñɩma yaa pɛtɛkɛ Yuda ñɩma yɔ, Krɩstʋ ɛnʋ, ɛkɛnɩ-wɛ Ɛsɔ ɖoŋ nɛ Ɛsɔ lɔŋsɩnɖɛ.

1 Kɔrɛntɩ 12:18

Ɛsɔ ɖʋnɩ paa piliŋa ŋgá tomnaɣ yɔɔ ḿbʋ́ ɛzɩ e-liu wɛʋ yɔ.

1 Kɔrɛntɩ 12:27

Mɩtɩŋa payɩ ɩkɛ Krɩstʋ tomnaɣ nɛ paa mɩ-taa weyi ɛkɛ tomnaɣ ŋ́gá ke-piliŋa.

1 Kɔrɛntɩ 12:8

Pʋ-yɔɔ kɩha ɖa-taa nabɛyɛ lɔŋsɩnɖɛ se pɔyɔɔdɩna, nɛ kɩha lɛlaa lɛɣtʋ se paba ɛyɔɔdɩna ɖɔɖɔ.

1 Kɔrɛntɩ 4:15

Mbʋ́ pʋyɔɔ yɔ, paa ɩɩwɛnɩ wɩlɩyaa sakɩyɛ nɛ pawɩlɩɣ-mɩ Krɩstʋ tɔm yɔ, ɩɩpɩzɩɣ ɩwɛnɩ caanaa sakɩyɛ. Mbʋ́ pʋyɔɔ yɔ, mɔnkɔmnɩ monsusi-mɩ Krɩstʋ Yesu Laŋhɛzɩyɛ Tɔm nɛ pɩtɩŋnɩ pʋ-yɔɔ nɛ manpɩsɩ ɛzɩ mɩ-caa yɔ.

1 Kɔrɛntɩ 6:11

Ḿbʋ́ mɩ-taa lɛlaa lakaɣ. Ɛlɛ́ lɛɛlɛɛyɔ, Ɛsɔ ñalɩ mɩ-kɩwɛɛkɩm nɛ ɛpɩsɩ-mɩ ɛ-ñɩma nɛ pɩtɩŋnɩ e-Fezuu Kiɖeɖeu yɔɔ nɛ ɩkɛ kʋtʋʋzaa ɛ-ɛsɩndaa Kɩpaɣlʋ Yesu Krɩstʋ yɔɔ.

2 Kɔrɛntɩ 12:2

Mansɩm Krɩstʋ tʋ nɔɔyʋ, pɩtalɩ pɩnzɩ hiu nɛ naanza yɔ Ɛsɔ kpazʋʋ-ɩ ɛ-cɔlɔ ɖooo ɛsɔdaa yɔ. Mantatɩlɩ se toovenim pɩkpazɩ-ɩ yaa ɛ-kalɩzaɣ ɖeke kpana. Ɛsɔ ɖeke sɩmna.

2 Kɔrɛntɩ 4:6

Mbʋ́ pʋyɔɔ yɔ, Ɛsɔ weyi ɛtɔm se: «Ñalɩmɩyɛ ɛñalɩ cɩkpɛndʋʋ taa» yɔ, ɛnʋ ɖɔɖɔ yebina nɛ ɛ-ñalɩmɩyɛ ñalɩ ɖa-laŋa taa. Ńɖɩ́ yekina se ɖɩtɩlɩ e-koboyaɣ ŋgá kañɩlɩsɩɣ Krɩstʋ ɛsɩndaa yɔ.

Galaatɩ 1:4

Krɩstʋ ɛnʋ ɛhanɩ ɛ-maɣmaɣ ɛ-tɩ ɖa-kɩwɛɛkɩm yɔɔ se ɛlɩzɩ-ɖʋ lɛɛlɛɛyɔ kedeŋa kɩdɛkɛdɩm nesi taa. Ɛlabɩ ḿbʋ́ ɛzɩ ɖa-Caa Ɛsɔ liu wɛʋ yɔ.

Galaatɩ 3:13

Pɩwɩlɩɣ se Ɛsɔ tɛm ɖɔ-tɔm kʋʋ. Ɛlɛ́, Krɩstʋ pɩsɩnɩ weyi Ɛsɔ wɩlɩ kpalʋʋ yɔ. Ɛlɛ́ɣzɩ ɖo-lone taa se ɛ́lɛ́ ɛtaatasɩ-ɖʋ-kʋ wɩlʋʋ. Ḿbʋ́ ɛlaba nɛ ɛya ɖa-ñʋʋ. Pʋwɛ ḿbʋ́, mbʋ́ pʋyɔɔ yɔ, pama ka-taa ɖɔɖɔ se: «Weyi popuzuu-i tɩʋ yɔɔ yɔ, ɛnʋ Ɛsɔ wɩlɩɣ kpalʋʋ.»

Efɛɛzɩ 1:10

Alɩwaatʋ talɩɣ lɛ, ɛlabɩ-pʋ: ekpeɣliɣ mbʋ́ pɩtɩŋa payɩ pʋwɛ ɛsɔdaa nɛ tataa yɔ wiyaʋ kʋɖʋm koŋ tɛɛ. Ɛnʋ lɛ Krɩstʋ.

Efɛɛzɩ 1:14

Ŋ́gʋ́ wɩlɩɣnɩ ɖɔɖɔ se ɛhaɣ-ɖʋ ñɩm mbʋ́ ɛɛñɔɔzaa se ɛcɛlɩɣ-ɖʋ puwiye nɖɩ́ eholuu mbá ehiɣa se pasa e-koboyaɣ yɔ.

Efɛɛzɩ 1:7

Đa nɛ ɩ ɖɛ-kpɛndʋʋ taa Ɛsɔ tɩŋnɩ ɛ-calɩm yɔɔ nɛ eholi-ɖʋ kɩdɛkɛdɩm nesi taa nɛ ekpeɣ-ɖʋ ɖa-kɩwɛɛkɩm. Ḿbʋ́ wɩlɩɣna se e-lootiye fɛyɩ ɖaɣʋ.

Efɛɛzɩ 2:10

Mbʋ́ pʋyɔɔ yɔ, Ɛsɔ tɩŋnɩnɩ ɖa nɛ Krɩstʋ Yesu ɖɛ-kpɛndʋʋ yɔɔ nɛ ɛlabɩ-ɖʋ-kʋ se ɖɩla tʋma kɩbana wena ɛɛñɔɔzɩ ɖooo lɔŋ se ɖɩlabɩ-yɛ yɔ.

Efɛɛzɩ 4:30

Ɩtaapɩsɩ Fezuu Kiɖeɖeu hɔyɛ, ŋ́gʋ́ lɛ mayaɣ ŋgá ɛñɩɣ mɩ-yɔɔ se ɛɛlɩzɩ-mɩ pɩ-taa puwiye nɖɩ́ ɛkɔŋ yɔ.

Efɛɛzɩ 5:26

Ɛlabɩ ḿbʋ́ se ɛtɩŋnɩ lɩm nɛ tɔm pɔ-yɔɔ nɛ eyele pɛwɛɛ cɩɖɩcɩɖɩ nɛ papɩsɩ Ɛsɔ ñɩma.

Koloosi 1:14

Ɛ́lɛ́ holini-ɖʋ nɛ ɖa-kɩwɛɛkɩm taa nɛ ekpeɣ-ɖʋ-pʋ.

Koloosi 3:16

Iyele ɖɔɖɔ nɛ Krɩstʋ tɔm su mɩ-taa ɖo: ɩkpɛlɩkɩ ɖama nɛ ɩka ɖama ñʋŋ taa nɛ mɩ-lɔŋsɩnɖɛ tɩŋa. Itee hendu nɛ ɩsa Ɛsɔ nɛ mɩ-laŋɩyɛ tɩŋa pilim e-lootiye yɔɔ: ɩyaa keɣsi nɛ itee-i hendu ndʋ́ ndʋ́ e-Fezuu Kiɖeɖeu wɩlɩɣ-mɩ yɔ.

1 Tesalooniki 5:23

Ɛsɔ laŋhɛzɩyɛ tʋ maɣmaɣ eyele nɛ ɩtɛzɩ wɛʋ cɩɖɩcɩɖɩ. Ɛɖɔkɩ mɩ-kalɩzasɩ nɛ mi-ciyamnaa nɛ mi-tomnasɩ camɩyɛ nɛ pataana kawanaɣ nakɛyɛ pɔ-yɔɔ puwiye nɖɩ́ Kɩpaɣlʋ Yesu Krɩstʋ kɔŋ yɔ.

Tiiti 2:14

Ɛ-maɣmaɣ ɛha ɛ-tɩ se pɩlɩzɩ-ɖʋ kɩdɛkɛdɩm tɩŋa payɩ taa nɛ ɛpɩsɩ-ɖʋ ɛyáa mbá pɛwɛ cɩɖɩcɩɖɩ nɛ pɛkɛ e-ɖeke koŋ ɛ-ñɩma nɛ pɩlakɩ-wɛ hʋnʋm se pala tʋma kɩbana yɔ.

Ebree 9:12

Krɩstʋ sʋ kpaagbaa sʋʋ lone nɖɩ́ ɖɩkɩlɩ kaɖɛ yɔ ɖɩ-taa. Ɛsʋwaɣ lɛ, ɛtɛkpɛndɩnɩ tuliŋ nɛ neɣna pa-calɩm. Ɛlɛ́, ɛ-maɣmaɣ ɛ-calɩm ɛsʋnaa. Ḿbʋ́ ɛlaba nɛ ɖihiɣ ñʋʋ yabʋ maatɛŋ.

Yakubu 1:5

Yee mɩ-taa nɔɔyʋ ɛfɛyɩnɩ lɔŋ yɔ, ɛsʋlʋmɩ Ɛsɔ, ɛhaɣ-ɩ. Mbʋ́ pʋyɔɔ yɔ, ɛhaɣ paa weyi nɛ laŋɩyɛ kɩbanɖɛ, ɛɛkalɩɣ.

1 Pɩyɛ 1:2

Caa Ɛsɔ kalɩzɩ-mɩ ɛzɩ ɛɛɖʋʋ yɔ se ɩkɛ ɛ-ñɩma. E-Fezuu Kiɖeɖeu ɖoŋ yebina nɛ ɩkɛ ḿbʋ́ nɛ ɩña Yesu Krɩstʋ. Mbʋ́ pʋyɔɔ yɔ, ɛ-calɩm pɔsɔ-mɩ se ɩpɩzɩ ɩwɛɛ cɩɖɩcɩɖɩ Ɛsɔ ɛsɩndaa. Mɛnsɛ-mɩ: Caa Ɛsɔ ɛtɛzɩ-mɩ labʋ lootiye nɛ ɛtɛzɩ mɩ-laŋa hɛzʋʋ.

2 Pɩyɛ 1:1

Ma Siimɔɔ Pɩyɛ weyi ɛkɛ Yesu Krɩstʋ tʋmlaɖʋ nɛ e-tiyiyu yɔ, mamaɣnɩ takayaɣ kanɛ. Mamaɣ-kɛ mbá mɩ ɩwɛnɩ lidaʋ ɛ-yɔɔ ɖɔɖɔ ɛzɩ ɖa yɔ. Yesu Krɩstʋ weyi ɛkɛ ɖa-ñʋʋ yaɖʋ nɛ ɖɛ-Ɛsɔ yɔ, ɛtʋʋzaa yɔɔ eyebi se ɩwɛnɩ-kʋ. Lidaʋ ŋ́gʋ́, kɩkɛnɩ ɖatɩŋa payɩ pʋyʋ sɔsɔ.

1 Yohanɛɛsɩ 5:6

Yesu Krɩstʋ maɣmaɣ kɔmnɩ kedeŋa yɔɔ nɛ palabɩ-ɩ lɩm sɔʋ sɔnzɩ nɛ pɛkpɛdɩ ɛ-calɩm. Pɩtɛkɛ lɩm sɔʋ sɔnzɩ ńzɩ́ si-ɖeke sɩwɩlɩɣnɩ weyi ɛkɛnaa yɔ, ɛlɛ́, sɩ nɛ calɩm kpɛdʋʋ pawɩlɩɣnɩ weyi ɛkɛnaa yɔ. Fezuu Kiɖeɖeu maɣmaɣ lɩzɩɣ aseɣɖe se pɩkɛ toovenim: ŋ́gʋ́ lɛ toovenim tʋ.

Wɩlʋʋ 14:4

Pɩtɛ ɛyáa ḿbá lɛ mbá petepisi pa-tɩ nɛ halaa yɔ, pototukuni-wɛ kaʋ. Paa Heɣa ewoki le yɔ, patɩŋɩɣ-kɛ. Payabɩ pa-ñʋʋ nɛ ɛyáa hɛkʋ taa se pɛkɛ ɛzɩ kajalaɣ kʋmtʋ ndʋ́ pahaɣ Ɛsɔ nɛ Heɣa yɔ.

Wɩlʋʋ 5:9

Peteɣaɣ hendu kɩfatʋ natʋyʋ. Ńdʋ́ lɛ se: «Heɣa, ŋmʋnaa se ŋmʋ takayaɣ nee. Ŋmʋnaa se ŋkpɛzɩ ɖenɖe pataaɖaa yɔ. Mbʋ́ pʋyɔɔ yɔ, ña Ɛsɔ yeba nɛ palaa nɛ pɩtɩŋnɩ ña-calɩm yɔɔ nɛ ŋya ɛyáa ñʋʋ cejewee tɩŋa taa, kʋnʋmɩŋ tɩŋa taa, samaɣ tɩŋa taa, ajɛya tɩŋa taa nɛ ŋwoni-wɛ Ɛsɔ cɔlɔ.