1 Kɔrɛntɩ 1:23 - New Testament

²³ Piyele ɖa lɛ, ɖisusuu Krɩstʋ weyi pakam-ɩ kaamaŋkaɣ yɔɔ yɔ ɛ-tɔm. Tɔm ńdʋ́, tɩkɛnɩ Yuda ñɩma mbʋ́ putuuluu-wɛ yɔ nɛ tɩkɛnɩ mbá pɛtɛkɛ Yuda ñɩma yɔ ɛzɩ kɩmɛlɛndʋ tɔm yɔ.

1 Kɔrɛntɩ 1:23 ပူးပေါင်းရင်းမြစ်များ

Maatiyee 11:6

Weyi eelesiɣ e-lidaʋ mɔ-yɔɔ yɔ, ehiɣ ɛ-tɩ!»

Maatiyee 13:57

Pa-lɩmaɣza ana ayebina nɛ pa-laŋa wɛɛ kpɩzɩŋ nɛ pɩcɛyɩɣ-wɛ nɛ Yesu tɔm siŋŋ. Peeɖe eheyi-wɛ se: «Pañaŋ náyʋ paa le. Ɛlɛ́, ɛ-tɛtʋ nɛ ɛ-hɔʋ pa-taa paañaŋ-ɩ.»

Luka 2:34

Pʋwayɩ lɛ, ɛwazɩ pa nɛ Yesu pɔ-yɔɔ nɛ eheyi Yesu ɖoo Maarɩɩ se: «Ɛsɔ lɩzɩ pɩɣa kanɛ se Izrɛɛlɩ ñɩma sakɩyɛ ɛtɔlɩ nɛ lɛlaa hiɣ ñʋʋ yabʋ. Ŋ́gá wɩlɩɣnɩ ɛyáa mbʋ́ Ɛsɔ liu wɛɛ yɔ nɛ paatisiɣ kɔ-tɔm.

1 Kɔrɛntɩ 1:18

Tɔm ndʋ́ posusuu se Krɩstʋ sɩbɩ kaamaŋkaɣ yɔɔ yɔ, mbá pɛwɛ asayʋʋ nʋmɔʋ taa yɔ, panɩɣ-tʋ lɛ, tɩwɛ-wɛ ɛzɩ kɩmɛlɛndʋ tɔm yɔ. Ɛlɛ́, mbá ɖa payakɩ ɖa-ñʋʋ yɔ, tɩkɛnɩ-ɖʋ Ɛsɔ ɖoŋ.

1 Kɔrɛntɩ 1:21

Toovenim lɛ, kedeŋa ñɩma nɛ pɔ-lɔŋsɩnɖɛ patapɩzɩ patɩlɩ Ɛsɔ. Mbʋ́ pʋyɔɔ yɔ, ɛnʋ sɔɔlɩnɩ ḿbʋ́ ɛ-lɔŋsɩnɖɛ taa. Ɛlɛ́, ɛɖʋwa se ɛyakɩ mbá pɛwɛnɩ lidaʋ tɔm ndʋ́ ɖisusuu-wɛ yɔ tɩ-yɔɔ yɔ pa-ñʋʋ. Ŋgʋ́, tɔm ńdʋ́ tɩwɛ lɛlaa ɛzɩ kɩmɛlɛndʋ tɔm yɔ.

1 Kɔrɛntɩ 1:28

Ɛnʋ lɩzɩnɩ ɖɔɖɔ mbá pɛfɛyɩ wazaɣ nakɛyɛ kedeŋa yɔɔ cɩnɛ nɛ ɛyáa takpaɣ-wɛ payaa pʋyʋ nɛ pɛfɛyɩ natʋyʋ taa kpem yɔ. Ɛlɩzɩ-wɛ se papɩsɩ sɔsaa mbá pamaɣzɩɣ se pawazɩɣ pʋyʋ yɔ pɛ-ɛsɩndaa.

1 Kɔrɛntɩ 2:14

Ɛlɛ́, mbá ɛtaha-wɛ-kʋ yɔ, paapɩzɩɣ petisi toovenim tɔm ndʋ́ kiheyiɣ ɛyáa yɔ. Pamaɣzɩɣ se tɩkɛ kɩmɛlɛndʋ tɔm. Paapɩzɩɣ panɩɩ-tʋ. Mbʋ́ pʋyɔɔ yɔ, mbá Ɛsɔ ha-wɛ e-Fezuu Kiɖeɖeu yɔ pe-ɖeke papɩzɩɣna panɩɩ tɩ-tɔbʋʋ.

1 Kɔrɛntɩ 2:2

Mbʋ́ pʋyɔɔ yɔ, pʋcɔ mɔnkɔɔ mɩ-tɛ lɛ, manɖʋwa se alɩwaatʋ ndʋ́ mɛwɛɣ mɩ-tɛ yɔ, maaheyiɣ-mɩ natʋyʋ nɛ pɩtasɩnɩ Yesu Krɩstʋ tɔm. Kɔzɩkɔzɩ sɩm mbʋ́ ɛsɩbɩ kaamaŋkaɣ yɔɔ yɔ pʋ-tɔm.

1 Kɔrɛntɩ 4:10

Ei! Đɛkɛ kɩmɛlɛmɩŋ Krɩstʋ yɔɔ nɛ mɩ mɩkɛ lɔŋsɩnɖaa mɩ nɛ ɩ mɩ-kpɛndʋʋ taa! Đɛkɛ ajamaa nɛ mɩkɛ ɖoŋ tɩnaa! Patakpaɣ-ɖa payaa pʋyʋ nɛ piyele pasaŋ-mɩ!

2 Kɔrɛntɩ 4:5

Toovenim lɛ, pɩtɛkɛ ɖa-maɣmaɣ ɖɔ-tɔm ɖisusuu. Ɛlɛ́, Krɩstʋ Yesu weyi ɛkɛ Kɩpaɣlʋ yɔ ɛ-tɔm ɖisusuu. Ndʋ́ ɖɩyɔɔdʋʋ ɖa-maɣmaɣ ɖɔ-yɔɔ yɔ lɛ se: ɖɩkɛ mɩ-tʋmlaɖaa Yesu yɔɔ.

Galaatɩ 3:1

Galaatɩ ñɩma kɩmɛlɛmɩŋ mɩ! Ahɔkɩ-mɩ fadɩŋ nɛ ɩwɛɛ ḿbʋ́? Ŋgʋ́, palɩzɩ-mɩ mbʋ́ pʋ-yɔɔ Yesu Krɩstʋ sɩbɩ kaamaŋkaɣ yɔɔ yɔ pʋ-tɔm taa kpayɩ kpayɩ.

Galaatɩ 5:11

Taabalaa! Ma lɛ, yee toovenim maawɛɛ monsusuu se pʋwɛɛ se pɛpɛlɩ ɛyáa yɔ, Yuda ñɩma taawɛɛ ma-wayɩ kaŋ kaŋ ḿbʋ́. Pʋbʋ, tɔm ndʋ́ mɔyɔɔdaɣ Krɩstʋ weyi pakam-ɩ kaamaŋkaɣ yɔɔ yɔ ɛ-yɔɔ yɔ, tɩtaakɛnɩ nɔɔyʋ piti tɔm.

Galaatɩ 6:14

Ma lɛ, ɖa-Kɩpaɣlʋ Yesu Krɩstʋ sɩbʋ kaamaŋkaɣ yɔɔ yɔ, pi-ɖeke mankʋndʋʋna, nabʋyʋ fɛyɩ nɛ pɩtasɩnɩ-pʋ. Sɩm ḿbʋ́ pʋ-yɔɔ pɩtɩŋnaa nɛ kɩdɛkɛdɩm mbʋ́ pʋwɛ kedeŋa yɔɔ yɔ, pɩtatasɩ ɖoŋ nɩɩyɩ wɛnaʋ mɔ-yɔɔ nɛ ma ɖɔɖɔ mɛnkɛ sɩɖʋ pɩ-ɛsɩndaa.

Efɛɛzɩ 3:8

Weyi ma mɛnkɛ Ɛsɔ ñɩma tɩŋa taa tɔyaɣ yɔ, ɛlabɩ-m lootiye ńɖɩ́ se monsusi mbá pɛtɛkɛ Yuda ñɩma yɔ ñɩm mbʋ́ pɩfɛyɩ ɖaɣʋ yɔ pʋ-tɔm.

Ebree 12:2

Đɩkɛzɩ ɛsɛ nɛ Yesu yɔɔ: ɛnʋ sɩnɩ ɖe-lidaʋ kiɖe, ɛnʋ kɔŋnɩ-kʋ tɛzʋʋ. Etisaa nɛ pakam-ɩ kaamaŋkaɣ yɔɔ nɛ ɛsɩ. Ɛlɛ́, fɛyɛ takpa-ɩ nɛ kaamaŋkaɣ yɔɔ sɩm ḿbʋ́, mbʋ́ pʋyɔɔ yɔ, ɛnawa se ɛkɔŋ wɛʋ laŋhʋlʋmɩyɛ taa. Lɛɛlɛɛyɔ, ɛcaɣ Ɛsɔ kewiyaɣ kpelaɣ cɔlɔ lone kɩbanɖɛ taa.

1 Pɩyɛ 2:8

Pamawa ɖɔɖɔ se: «Ńɖɩ́ tuuluuni ɛyáa, ńɖɩ́ lɛ ɛwaɣ ŋgá kɛpɛɖɩɣ-wɛ yɔ.» Đituuli-wɛ, mbʋ́ pʋyɔɔ yɔ, paatisiɣ Ɛsɔtɔm. Ḿbʋ́ pɩɩtɩɩɖʋ ɖooo lɔŋ se pɩlabɩ-wɛ.