1 Kɔrɛntɩ 1:20 - New Testament

²⁰ Yee ḿbʋ́ weyi ɛmaɣzɩɣ se ɛkɛ lɔŋsɩnɖʋ yɔ, se we ɛpɩzɩɣ ɛtasɩ yɔɔdʋʋ? Nɛ weyi ɛ́lɛ́ woba sukuli yɔ? Nɛ weyi ɛ́lɛ́ maɣzɩɣ se ɛsɩm tɔm yɔɔdʋʋ camɩyɛ yɔ, ɛwazɩɣ we? Se we ɛyáa panɛ patɩŋa papɩzɩɣ patasɩ yɔɔdʋʋ ɖɔɖɔ? Paawazɩɣ pʋyʋ, mbʋ́ pʋyɔɔ yɔ, Ɛsɔ wɩlaa se kedeŋa ñɩma lɔŋsɩnɖɛ kɛ kɩmɛlɛndʋ.

1 Kɔrɛntɩ 1:20 ပူးပေါင်းရင်းမြစ်များ

Maatiyee 13:22

Lɛlaa wɛ ɛzɩ kpaŋsɔɔ taa ɖenɖe pee tɔlaa yɔ. Pɛtɛŋ Ɛsɔtɔm nɩʋ lɛ, kedeŋa yɔɔ cɩnɛ lɩmaɣza wena akʋʋ ɛyáa yɔ nɛ ñɩm mbʋ́ pɩkɛdɩɣnɩ ɛyáa yɔ, pɩ-lɩmaɣza sʋʋ pa-taa nɛ paɖɩɣ-tʋ nʋmɔʋ nɛ paawɛɣnɩ kɛzɛɣa.

Yohanɛɛsɩ 12:31

Lɛɛlɛɛyɔ, alɩwaatʋ talaa se pahʋʋnɩ kedeŋa ñɩma. Lɛɛlɛɛyɔ, pʋwɛɛ se pɔɖɔɔnɩ kedeŋa wiyaʋ.

Tʋma Labʋ 17:18

Peeɖe lɔŋsɩnɖaa mbá pɛkɛ Epikuri nɛ Sitoyiisi pa-aŋgba taa ñɩma yɔ, powobi Pɔɔlɩ cɔlɔ nɛ pa nɛ ɩ pɔyɔɔdʋʋ nɛ pa-taa lɛlaa tɔŋ se: «Abalʋ kɔkɔɖɛ yaɖʋ ɛnɛ, se we ɛyɔɔdʋʋ yee?» Lɛlaa ñanɩ ɛyɔɔdaɣ Yesu sɩm nɛ e-fem pɔ-tɔm ḿbʋ́ lɛ, paba ñɔtɔŋ se: «Paa pɩɩla ɛzɩma, agɔlɩma kɩfana tɔm ɛyɔɔdʋʋ.»

Room 1:20

Toovenim lɛ, ɖooo ɛzɩ Ɛsɔ labʋ kedeŋa yɔ, ɛlabɩ-kɛ labʋ mbʋ́ yɔ, piyeba nɛ panaɣ ɛ-wɛtʋ ndʋ́ paanaɣ yɔ kaŋŋ nɛ e-ɖoŋ weyi ɛfɛyɩ tɩnaɣ yɔ nɛ mbʋ́ ɛkɛnaa kpem yɔ.

Room 1:22

Pakpazaɣ pa-tɩ se pɛkɛ lɔŋsɩnɖaa nɛ papɩsɩ kpaanzɩyaa.

1 Kɔrɛntɩ 1:19

Pama Ɛsɔtɔm Takayaɣ taa se: «Menɖeziɣ mbá pamaɣzɩɣ se pɛwɛnɩ lɔŋsɩnɖɛ yɔ pɔ-lɔŋsɩnɖɛ nɛ mamʋʋzɩ mbá pamaɣzɩɣ se pɛwɛnɩ lɛɣtʋ yɔ pɛ-lɛɣtʋ.»

1 Kɔrɛntɩ 1:26

Taabalaa, ɩcɔnɩ ɩna mbʋ́ ɩɩkɛwa nɛ pʋcɔ Ɛsɔ yaa-mɩ yɔ. Mbá ɛyáa kpakaɣ se lɔŋsɩnɖaa yaa ɖoŋ tɩnaa yaa sɔsaa yɔ, pataaɖɔɔ mɩ-taa.

1 Kɔrɛntɩ 1:27

Ɛlɛ́, Ɛsɔ lɩzɩ mbá ɛyáa kpakɩɣ se kɩmɛlɛmɩŋ yɔ nɛ ɛɖʋnɩ lɔŋsɩnɖaa fɛyɛ. Ɛlɩzɩ ɖɔɖɔ mbʋ́ pʋwɛ ɛjandʋ kedeŋa yɔɔ yɔ nɛ ɛɖʋnɩ mbʋ́ pʋwɛ ɖoŋ yɔ fɛyɛ.

1 Kɔrɛntɩ 1:28

Ɛnʋ lɩzɩnɩ ɖɔɖɔ mbá pɛfɛyɩ wazaɣ nakɛyɛ kedeŋa yɔɔ cɩnɛ nɛ ɛyáa takpaɣ-wɛ payaa pʋyʋ nɛ pɛfɛyɩ natʋyʋ taa kpem yɔ. Ɛlɩzɩ-wɛ se papɩsɩ sɔsaa mbá pamaɣzɩɣ se pawazɩɣ pʋyʋ yɔ pɛ-ɛsɩndaa.

1 Kɔrɛntɩ 11:32

Ɛlɛ́, Kɩpaɣlʋ hʋʋnɩ-ɖʋ nɛ ɛhɔŋ ɖa-nɩŋgbaŋʋʋ se ɛñɔɔzɩ-ɖʋ nɛ pataakɔɔ pakʋ mbá paañaŋ Krɩstʋ yɔ pɔ-tɔm nɛ pɩkpɛndɩnɩ-ɖʋ.

1 Kɔrɛntɩ 2:6

Ŋgʋ́, lɔŋsɩnɖɛ tɔm ɖisusuu ɛyáa mbá papɩ Ɛsɔ nʋmɔʋ taa siŋŋ yɔ. Ɛlɛ́, pɩtɛkɛ kedeŋa ñɩma lɔŋsɩnɖɛ yaa kedeŋa awiya mbá pɔkɔŋ labʋ asayʋʋ yɔ pa-ñɩnɖɛ.

1 Kɔrɛntɩ 2:8

Kedeŋa awiya taa nɔɔyʋ tasɩ lɔŋsɩnɖɛ ńɖɩ́. Mbʋ́ pʋyɔɔ yɔ, yee paasɩm-ɖɩ yɔ, pataaka Kɩpaɣlʋ weyi ɛtɩnɩ koboyaɣ yɔ kaamaŋkaɣ yɔɔ.

1 Kɔrɛntɩ 3:18

Nɔɔyʋ ɛtaacɛtɩ ɛ-tɩ yem. Yee mɩ-taa nɔɔyʋ ɛmaɣzɩɣ se ɛwɛnɩ kedeŋa lɔŋsɩnɖɛ yɔ, pʋdʋ ɛpɩsɩ ɛzɩ kɩmɛlɛŋ yɔ. Peeɖe ɛkɛɣ lɔŋsɩnɖʋ toovenim taa.

1 Kɔrɛntɩ 3:19

Mbʋ́ pʋyɔɔ yɔ, kedeŋa lɔŋsɩnɖɛ kɛ kɩmɛlɛndʋ Ɛsɔ ɛsɩndaa. Pʋwɛ ɛzɩ pamaʋ Ɛsɔtɔm Takayaɣ taa se: «Ɛsɔ kpaɣ lɔŋsɩnɖaa nɛ pa-maɣmaɣ pɛ-cɛtɩm» yɔ.

1 Kɔrɛntɩ 6:2

Ɩtatɩlɩ se Ɛsɔ ñɩma kɔŋnɩ hʋnaʋ kedeŋa ñɩma tɔm naa we? Yee mɩ pʋwɛɛ se ɩhʋʋnɩ kedeŋa ñɩma tɩŋa payɩ lɛ, pɩlabɩ ɛzɩma ɩɩpɩzɩɣ ɩhʋʋ tɔm cikpetu yɔ?

Yakubu 4:4

Mɩ, ɩwɛ ɛzɩ acɛyɛ tɩnaa yɔ! Ɩtatɩlɩ se yee nɔɔyʋ ɛsɔɔlɩ kedeŋa ñɩm kpem yɔ, ɛpɩsɩɣ Ɛsɔ koyindu naa we? Pʋ-yɔɔ lɛ, weyi ɛsɔɔlʋʋ kedeŋa ñɩm yɔ, ɛpɩsɩɣ Ɛsɔ koyindu kpaagbaa.