1 Kɔrɛntɩ 1:2 - New Testament

² Đɩmaɣ-kɛ mbá mɩ ɩkɛ Ɛsɔ ŋgbɛyɛ taa ñɩma Kɔrɛntɩ yɔ. Ɛya-mɩ se pɩtɩŋnɩ Krɩstʋ yɔɔ nɛ ɩcaɣ wezuu ɛzɩ pɩkɛdɩnaʋ-ɩ yɔ. Pɩtɩŋnɩ mɩ nɛ Krɩstʋ Yesu mɩ-kpɛndʋʋ yɔɔ nɛ ɩkɛ ɛ-ñɩma. Đɩmaɣ-kɛ mɩ nɛ mbá patɩŋa payɩ pɛwɛ paa le nɛ payaɣ ɖa-Kɩpaɣlʋ Yesu Krɩstʋ hɩɖɛ yɔ. Yesu Krɩstʋ lɛ pa-Kɩpaɣlʋ. Ɛnʋ ɖɔɖɔ lɛ ɖa-Kɩpaɣlʋ.

1 Kɔrɛntɩ 1:2 ပူးပေါင်းရင်းမြစ်များ

Tʋma Labʋ 10:36

Ɩtɩlɩ se Ɛsɔ tiyini Yesu Krɩstʋ se ɛkɔɔ eheyi Izrɛɛlɩ ñɩma Laŋhɛzɩyɛ Tɔm. Yesu Krɩstʋ ɛnʋ lɛ ɛyáa tɩŋa payɩ Kɩpaɣlʋ.

Tʋma Labʋ 15:9

Ɛtɔsɔɔlɩ Yuda ñɩma ɖa nɛ pɩkɩlɩ-wɛ, mbʋ́ pʋyɔɔ yɔ, mbá patɩŋa payɩ pɛwɛnɩ lidaʋ ɛ-yɔɔ yɔ, ɛñalɩ pa-kɩwɛɛkɩm.

Tʋma Labʋ 18:1

Pʋwayɩ lɛ, Pɔɔlɩ kʋyɩ Atɛɛnɩ nɛ ewolo Kɔrɛntɩ tɛtʋ taa.

Tʋma Labʋ 22:16

Anaanɩyaasɩ tɛm-m heyuu ḿbʋ́ lɛ, ɛpɔzɩ-m se lɛɛlɛɛyɔ, ɛbɛ manɖaŋaa ɖɔɖɔ yɔ? Pʋwɛɛ se mowolo palabɩ-m lɩm sɔʋ sɔnzɩ nɛ mentendi Kɩpaɣlʋ nɛ ɛñalɩ-m man-kɩwɛɛkɩm.»

Tʋma Labʋ 26:18

Mentiyiɣ-ŋ se ŋwolo ŋkuli pɛ-ɛsɛ nɛ ŋlɩzɩ-wɛ cɩkpɛndʋʋ taa nɛ ŋwoni-wɛ ñalɩmɩyɛ taa. Lɩzɩ-wɛ ɖɔɖɔ Satanɩ nesi taa nɛ ŋwoni-wɛ Ɛsɔ cɔlɔ. Yee pɛwɛnɩ lidaʋ mɔ-yɔɔ lɛ, Ɛsɔ kpeɣ-wɛ pa-kɩwɛɛkɩm nɛ ɛha-wɛ ñɩm mbʋ́ ɛsɩwa se ɛhaɣ ɛ-ñɩma yɔ.› »

Tʋma Labʋ 9:13

Anaanɩyaasɩ cosi-i se: «Kɩpaɣlʋ! Ɛyáa sakɩyɛ heyi-m abalʋ ɛnʋ ɛ-tɔm nɛ pɛkɛdɩ-m ɛzaɣ́tʋ ndʋ́ ɛlabɩ ña-ñɩma mbá pɛwɛ Yeruusalɛm yɔ.

Tʋma Labʋ 9:14

Ɛkɔm cɩnɛ yɔ, cɔjɔnaa sɔsaa hanɩ-ɩ waɖɛ se ɛkɔɔ ɛkpa mbá patɩŋa payɩ poluŋuu ñɛ-tɛɛ yɔ nɛ ɛhɔkɩ-wɛ.»

Tʋma Labʋ 9:21

Pɩɩɖɩɣzɩ mbá patɩŋa panɩ ɛ-tɔm ńdʋ́ yɔ nɛ pɔpɔzʋʋ pa-tɩ se: «Pɩtɛkɛ abalʋ ɛnɛ ɛɛwɛnɩ mbá poluŋuu Yesu tɛɛ yɔ pa-wayɩ kaŋ kaŋ Yeruusalɛm yaa we? Pɩtɛkɛ ɛnʋ kɔmnɩ cɩnɛ faŋŋ se ɛkpa-wɛ nɛ ɛhɔkɩ-wɛ nɛ ewoni cɔjɔnaa sɔsaa cɔlɔ yaa we?»

Room 1:7

Room ñɩma mbá mɩ Ɛsɔ sɔɔlɩ-mɩ siŋŋ nɛ ɛ́yáa-mɩ se ɩkɛ ɛ-ñɩma yɔ, mɩtɩŋa payɩ mamaɣ takayaɣ kanɛ. Đa-Caa Ɛsɔ nɛ Kɩpaɣlʋ Yesu Krɩstʋ palabɩ-mɩ lootiye nɛ pɛhɛzɩ mɩ-laŋa!

Room 10:12

Pʋ-yɔɔ lɛ, tayʋʋ nabʋyʋ fɛyɩ Yuda ñɩma nɛ mbá pɛtɛkɛ Yuda ñɩma yɔ pɛ-hɛkʋ taa: patɩŋa pa-Kɩpaɣlʋ kʋɖʋm, ɛhaɣ ɛ-ñɩm mbá payaɣ-ɩ se ɛsɩnɩ-wɛ yɔ patɩŋa.

Room 3:22

Ńdʋ́ lɛ se: mbá patɩŋa payɩ pɛwɛnɩ lidaʋ Yesu Krɩstʋ yɔɔ yɔ, Ɛsɔ pɩsɩɣ-wɛ kʋtʋʋzaa. Mbʋ́ pʋyɔɔ yɔ, pɛfɛyɩ ndɩ nɛ ɖama:

Room 8:28

Đɩsɩm ḿbʋ́ se Ɛsɔ lakɩ tʋmɩyɛ pɩtɩŋa pɩ-taa se pʋwazɩ mbá pɔsɔɔlɩ-ɩ yɔ. Ḿbá lɛ mbá ɛya-wɛ ɛzɩ ɛɖʋʋ yɔ.

1 Kɔrɛntɩ 1:30

Ŋgʋ́, Ɛsɔ kpɛndɩ mɩ nɛ Krɩstʋ Yesu. Ɛsɔ ɛnʋ eyebina se ɛkɛ ɖɔ-lɔŋsɩnɖɛ. Ɛ-yɔɔ Ɛsɔ tɩŋnaa nɛ ɛpɩsɩ-ɖʋ kʋtʋʋzaa nɛ ɖɩpɩsɩ ɛ-ñɩma nɛ ɛya ɖa-ñʋʋ.

1 Kɔrɛntɩ 10:32

Mi-wezuu caɣʋ taa lɛ, itaayele nɛ pɩtɩŋnɩ mɩ-yɔɔ nɛ Yuda ñɩma yaa mbá pɛtɛkɛ Yuda ñɩma yɔ yaa Ɛsɔ ñɩma pa-taa nɔɔyʋ tɔlɩ nʋmɔʋ ŋgʋ́ ɛɖɔŋ yɔ kɩ-taa.

1 Kɔrɛntɩ 12:27

Mɩtɩŋa payɩ ɩkɛ Krɩstʋ tomnaɣ nɛ paa mɩ-taa weyi ɛkɛ tomnaɣ ŋ́gá ke-piliŋa.

1 Kɔrɛntɩ 8:6

Paa ḿbʋ́ yɔ, ɖa ɖanawa se Ɛsɔ kʋɖʋm koŋ wɛna. Ɛnʋ lɛ ɖa-Caa. Ɛnʋ labɩnɩ pɩtɩŋa payɩ, ɛnʋ tɩnɩ-ɖʋ ɖe-wezuu caɣʋ taa. Kɩpaɣlʋ kʋɖʋm koŋ ɖɔɖɔ ɖɩwɛna. Ɛnʋ lɛ Yesu Krɩstʋ weyi Ɛsɔ tɩŋnɩ ɛ-yɔɔ nɛ ɛla mbʋ́ pɩtɩŋa payɩ pʋwɛ kedeŋa yɔɔ cɩnɛ yɔ. Ɛnʋ hanɩ-ɖʋ wezuu.

2 Kɔrɛntɩ 1:1

Ma Pɔɔlɩ weyi Ɛsɔ liu wɛɛ se mɛnkɛ Krɩstʋ Yesu tiyiyu yɔ nɛ taabalʋ Timootee ɖɩmaɣnɩ-mɩ takayaɣ kanɛ. Đɩmaɣ-kɛ mbá mɩ ɩkɛ Ɛsɔ ŋgbɛyɛ taa ñɩma Kɔrɛntɩ yɔ nɛ Ɛsɔ ñɩma lɛlaa mbá patɩŋa payɩ pɛwɛ Akayɩ egeetiye tɩŋa taa yɔ.

2 Kɔrɛntɩ 4:5

Toovenim lɛ, pɩtɛkɛ ɖa-maɣmaɣ ɖɔ-tɔm ɖisusuu. Ɛlɛ́, Krɩstʋ Yesu weyi ɛkɛ Kɩpaɣlʋ yɔ ɛ-tɔm ɖisusuu. Ndʋ́ ɖɩyɔɔdʋʋ ɖa-maɣmaɣ ɖɔ-yɔɔ yɔ lɛ se: ɖɩkɛ mɩ-tʋmlaɖaa Yesu yɔɔ.

Efɛɛzɩ 5:26

Ɛlabɩ ḿbʋ́ se ɛtɩŋnɩ lɩm nɛ tɔm pɔ-yɔɔ nɛ eyele pɛwɛɛ cɩɖɩcɩɖɩ nɛ papɩsɩ Ɛsɔ ñɩma.

1 Tesalooniki 1:1

Ma Pɔɔlɩ, ma nɛ Silaasɩ nɛ Timootee ɖɩmaɣnɩ takayaɣ kanɛ. Đɩmaɣ-kɛ Krɩstʋ ŋgbɛyɛ taa ñɩma mbá mɩ ɩwɛ Tesalooniki nɛ ɩkɛ Caa Ɛsɔ nɛ Kɩpaɣlʋ Yesu Krɩstʋ pa-ñɩma yɔ. Đɩsɛ-mɩ: Ɛsɔ ɛlabɩ-mɩ lootiye nɛ ɛhɛzɩ mɩ-laŋa!

1 Tesalooniki 4:7

Ɛsɔ tayaa-ɖʋ se ɖɩwɛɛ azuluma taa, ɛlɛ́, ɛya-ɖʋ se ɖɩwɛɛ cɩɖɩcɩɖɩ.

2 Tesalooniki 1:1

Ma Pɔɔlɩ, ma nɛ Silaasɩ nɛ Timootee ɖɩmaɣnɩ Krɩstʋ ŋgbɛyɛ taa ñɩma mbá mɩ ɩwɛ Tesalooniki nɛ ɩkɛ ɖa-Caa Ɛsɔ nɛ Kɩpaɣlʋ Yesu Krɩstʋ pa-ñɩma yɔ takayaɣ kanɛ.

1 Timootee 2:8

Pʋ-yɔɔ me-liu wɛɛ se abalaa ɛsɛɣ Ɛsɔ paa le lɛ, pakpazɩ pe-nesi ɛsɔdaa. Ɛlɛ́, kɩwɛɛkɩm nabʋyʋ ɛtaawɛɛ pɔ-yɔɔ. Nɔɔyʋ pana ɛtaakpanɩ lɛlʋ, you ɛtaawɛɛ ɖɔɖɔ.

1 Timootee 3:15

Yee mɔntɔkɔɔ lɔŋ yɔ, takayaɣ kanɛ kawɩlɩɣnɩ-ŋ ɛzɩma mbʋ́ pʋwɛɛ se pɔɖɔ Ɛsɔ hɔʋ taa yɔ. Ŋ́gʋ́ lɛ Ɛsɔ weyi ɛwɛ wezuu yɔ ɛ-ŋgbɛyɛ. Ŋ́gʋ́ ɖɔɖɔ lɛ toovenim tɔm tilimiye nɛ ti-sisika.

2 Timootee 1:9

Ɛnʋ yabɩnɩ ɖa-ñʋʋ nɛ ɛ́yáa-ɖʋ se ɖɩkɛ ɛ-ñɩma. Pɩtɛkɛ tʋma wena ɖɩlaba yɔ a-yɔɔ ɛlabɩ-ɖʋ ḿbʋ́. Ɛlɛ́, pʋcɔ ɛla kedeŋa lɛ, ɛɛɖʋwa se ɛtɩŋɩɣnɩ Krɩstʋ Yesu yɔɔ nɛ ɛlabɩ-ɖʋ lootiye.

2 Timootee 2:19

Paa ḿbʋ́ yɔ, tigiɖe nɖɩ́ Ɛsɔ sɩwa yɔ, ɖɩwɛ ɖoŋ pɩtɩɩfɛyɩ, nabʋyʋ ɛɛlakɩ-ɖɩ. Pama ɖɩ-yɔɔ se: «Kɩpaɣlʋ sɩm ɛ-ñɩma.» Pamawa ɖɔɖɔ se: «Weyi ɛkaɖɩɣ se ɛkɛ Kɩpaɣlʋ ñɩnʋ yɔ, pʋdʋ ɛha mbʋ́ pɩtatʋʋzɩ yɔ siɣ́ye.»

2 Timootee 2:22

Se ɛzaɣ́tʋ ndʋ́ evebiya nɛ pɛlaa pe-liu wɛɛ kpem se pala yɔ. Ña nɛ mbá pasaŋ Kɩpaɣlʋ nɛ laŋa kɩbana yɔ, ɩñɩnɩ mbʋ́ pʋtʋʋzaa yɔ nɛ ɩwɛnɩ lidaʋ nɛ ɩsɔɔlɩ lɛlaa nɛ ɩñɩnɩ laŋhɛzɩyɛ.

Ebree 10:10

Mbʋ́ pʋyɔɔ yɔ, Yesu Krɩstʋ labɩ mbʋ́ Ɛsɔ liu kɛwɛɛ yɔ nɛ palaa-ɩ kpaagbaa laʋ. Ḿbʋ́ hanɩ-ɖʋ waɖɛ nɛ ɖɩpɩsɩ Ɛsɔ ñɩma.

Ebree 13:12

Pʋ-yɔɔ Yesu ñasɩbɩ tɛtʋ koloŋa wayɩ se ɛñalɩ ɛyáa kɩwɛɛkɩm nɛ ɛ-maɣmaɣ ɛ-calɩm nɛ pɛwɛɛ cɩɖɩcɩɖɩ.

Ebree 2:11

Mbʋ́ pʋyɔɔ yɔ, ɛnʋ Yesu weyi ɛñalɩɣ ɛyáa kɩwɛɛkɩm yɔ nɛ mbá ɛñalɩɣ-wɛ-pʋ yɔ, patɩŋa payɩ pa nɛ ɩ pa-Caa kʋɖʋm. Pʋ-yɔɔ fɛyɛ ɛɛkpaɣ-ɩ se ɛ́yáa-wɛ se ɛ-ñɩma.

Yuudi 1:1

Ma lɛ Yuudi weyi ɛkɛ Yesu Krɩstʋ tʋmlaɖʋ nɛ Yakubu neu yɔ. Mamaɣnɩ takayaɣ kanɛ mbá mɩ Caa Ɛsɔ ya-mɩ yɔ. Mɩ ɛsɔɔlaa nɛ ɛsɩɩ-mɩ nɛ hɔɔlʋʋ se ɩkɛ Yesu Krɩstʋ ñɩma.

Wɩlʋʋ 19:16

Pama e-toko sɔsɔʋ nɛ e-yuye pɔ-yɔɔ hɩɖɛ naɖɩyɛ. Ńɖɩ́ lɛ se: awiya taa Wiyaʋ nɛ kɩpaɣlaa taa Kɩpaɣlʋ.