1 Kɔrɛntɩ 1:18 - New Testament

¹⁸ Tɔm ndʋ́ posusuu se Krɩstʋ sɩbɩ kaamaŋkaɣ yɔɔ yɔ, mbá pɛwɛ asayʋʋ nʋmɔʋ taa yɔ, panɩɣ-tʋ lɛ, tɩwɛ-wɛ ɛzɩ kɩmɛlɛndʋ tɔm yɔ. Ɛlɛ́, mbá ɖa payakɩ ɖa-ñʋʋ yɔ, tɩkɛnɩ-ɖʋ Ɛsɔ ɖoŋ.

1 Kɔrɛntɩ 1:18 ပူးပေါင်းရင်းမြစ်များ

Tʋma Labʋ 17:18

Peeɖe lɔŋsɩnɖaa mbá pɛkɛ Epikuri nɛ Sitoyiisi pa-aŋgba taa ñɩma yɔ, powobi Pɔɔlɩ cɔlɔ nɛ pa nɛ ɩ pɔyɔɔdʋʋ nɛ pa-taa lɛlaa tɔŋ se: «Abalʋ kɔkɔɖɛ yaɖʋ ɛnɛ, se we ɛyɔɔdʋʋ yee?» Lɛlaa ñanɩ ɛyɔɔdaɣ Yesu sɩm nɛ e-fem pɔ-tɔm ḿbʋ́ lɛ, paba ñɔtɔŋ se: «Paa pɩɩla ɛzɩma, agɔlɩma kɩfana tɔm ɛyɔɔdʋʋ.»

Tʋma Labʋ 17:32

Mbá pɛwɛ peeɖe yɔ, panɩ Pɔɔlɩ yɔɔdaɣ sɩɖaa fem tɔm ḿbʋ́ lɛ, pa-taa lɛlaa woŋ-i nɛ lɛlaa ñɔtɔŋ se: «Wiɖiyi lɛ, ŋŋtasɩ kɔm nɛ ŋheyi-ɖʋ-tʋ.»

Tʋma Labʋ 2:47

Pasaŋaɣ Ɛsɔ nɛ ɛyáa tɩŋa laŋa hɛɣnɩ-wɛ. Mbá Kɩpaɣlʋ yabɩ pa-ñʋʋ yɔ, pɔsɔzaɣ pɔ-yɔɔ kɩyakɩŋ tɩŋa.

Room 1:16

Mbʋ́ pʋyɔɔ yɔ, fɛyɛ ɛɛkpaɣ-m nɛ Laŋhɛzɩyɛ Tɔm ńdʋ́: tɩkɛ ɖoŋ weyi Ɛsɔ tɩŋɩɣnɩ ɩ-yɔɔ nɛ ɛya mbá patɩŋa payɩ pɛwɛɣnɩ lidaʋ ɛ-yɔɔ yɔ pa-ñʋʋ yɔ. Ɛpazɩɣnɩ Yuda ñɩma nɛ pʋkɔɔ pɩtamnɩ mbá pɛtɛkɛ Yuda ñɩma yɔ.

1 Kɔrɛntɩ 1:21

Toovenim lɛ, kedeŋa ñɩma nɛ pɔ-lɔŋsɩnɖɛ patapɩzɩ patɩlɩ Ɛsɔ. Mbʋ́ pʋyɔɔ yɔ, ɛnʋ sɔɔlɩnɩ ḿbʋ́ ɛ-lɔŋsɩnɖɛ taa. Ɛlɛ́, ɛɖʋwa se ɛyakɩ mbá pɛwɛnɩ lidaʋ tɔm ndʋ́ ɖisusuu-wɛ yɔ tɩ-yɔɔ yɔ pa-ñʋʋ. Ŋgʋ́, tɔm ńdʋ́ tɩwɛ lɛlaa ɛzɩ kɩmɛlɛndʋ tɔm yɔ.

1 Kɔrɛntɩ 15:2

Yee ɩɖɔkɩ-tʋ ḿbʋ́ camɩyɛ kpam ɛzɩ monsusuu-mɩ-tʋ yɔ yɔ, tɩyakɩ mɩ-ñʋʋ. Pɩtɛkɛ ḿbʋ́, lidaʋ ŋgʋ́ ɩɩwɛnɩ alɩwaatʋ ndʋ́ monsusi-mɩ-tʋ yɔ, kɩɩwazɩɣ-mɩ pʋyʋ.

1 Kɔrɛntɩ 2:14

Ɛlɛ́, mbá ɛtaha-wɛ-kʋ yɔ, paapɩzɩɣ petisi toovenim tɔm ndʋ́ kiheyiɣ ɛyáa yɔ. Pamaɣzɩɣ se tɩkɛ kɩmɛlɛndʋ tɔm. Paapɩzɩɣ panɩɩ-tʋ. Mbʋ́ pʋyɔɔ yɔ, mbá Ɛsɔ ha-wɛ e-Fezuu Kiɖeɖeu yɔ pe-ɖeke papɩzɩɣna panɩɩ tɩ-tɔbʋʋ.

1 Kɔrɛntɩ 2:2

Mbʋ́ pʋyɔɔ yɔ, pʋcɔ mɔnkɔɔ mɩ-tɛ lɛ, manɖʋwa se alɩwaatʋ ndʋ́ mɛwɛɣ mɩ-tɛ yɔ, maaheyiɣ-mɩ natʋyʋ nɛ pɩtasɩnɩ Yesu Krɩstʋ tɔm. Kɔzɩkɔzɩ sɩm mbʋ́ ɛsɩbɩ kaamaŋkaɣ yɔɔ yɔ pʋ-tɔm.

1 Kɔrɛntɩ 3:19

Mbʋ́ pʋyɔɔ yɔ, kedeŋa lɔŋsɩnɖɛ kɛ kɩmɛlɛndʋ Ɛsɔ ɛsɩndaa. Pʋwɛ ɛzɩ pamaʋ Ɛsɔtɔm Takayaɣ taa se: «Ɛsɔ kpaɣ lɔŋsɩnɖaa nɛ pa-maɣmaɣ pɛ-cɛtɩm» yɔ.

1 Kɔrɛntɩ 4:10

Ei! Đɛkɛ kɩmɛlɛmɩŋ Krɩstʋ yɔɔ nɛ mɩ mɩkɛ lɔŋsɩnɖaa mɩ nɛ ɩ mɩ-kpɛndʋʋ taa! Đɛkɛ ajamaa nɛ mɩkɛ ɖoŋ tɩnaa! Patakpaɣ-ɖa payaa pʋyʋ nɛ piyele pasaŋ-mɩ!

2 Kɔrɛntɩ 10:4

Mbʋ́ pʋyɔɔ yɔ, pɩtɛkɛ hɔzɩŋ weyi kedeŋa ñɩma lakɩnɩ you yɔ ɖɩlakɩna. Ɛlɛ́, weyi ɩlɩnɩ Ɛsɔ cɔlɔ yɔ ɖɩlakɩna. Ɩwɛ ɖoŋ, ɩpɩzɩɣ ɩyɔkɩ Ɛsɔ koyindinaa ɖɩmɛlɩyɛ. Ɩnʋ ɖiɖiɣzini cɛtɩm tɔm.

2 Kɔrɛntɩ 4:3

Yee Laŋhɛzɩyɛ Tɔm ndʋ́ ɖisusuu yɔ tɩ-taa ɛwɛ cɩkpɛndʋʋ ɖɔɖɔ yɔ, mbá peleki yɔ tɩwɛ cɩkpɛndʋʋ.

1 Tesalooniki 1:5

Toovenim lɛ, Laŋhɛzɩyɛ Tɔm ndʋ́ ɖisusi-mɩ yɔ, pɩtɛkɛ nɔɔ taa yem ɖɩlaba. Ɛlɛ́, pɩtɩŋnɩ Fezuu Kiɖeɖeu yɔɔ nɛ ɩna ti-ɖoŋ nɛ ɛzɩma ɖɩtaɣ-tʋ liu siŋŋ yɔ. Mɩ-maɣmaɣ ɩna ɛzɩma mbʋ́ ɖɩcaɣ wezuu mɩ-hɛkʋ taa yɔ, ɖɩlabɩ ḿbʋ́ se pɩsɩnɩ-mɩ.

2 Tesalooniki 2:10

Ɛkɔŋ tɩŋnaʋ kɩdɛkɛdɩm ndɩ ndɩ tɩŋa yɔɔ nɛ eyili mbá pɔkɔŋ lebu yɔ. Mbʋ́ pʋyɔɔ yɔ, pɔtɔsɔɔlɩ toovenim tɔm ndʋ́ pɩɩwɛɛ se tɩya pa-ñʋʋ yɔ.

Ebree 12:2

Đɩkɛzɩ ɛsɛ nɛ Yesu yɔɔ: ɛnʋ sɩnɩ ɖe-lidaʋ kiɖe, ɛnʋ kɔŋnɩ-kʋ tɛzʋʋ. Etisaa nɛ pakam-ɩ kaamaŋkaɣ yɔɔ nɛ ɛsɩ. Ɛlɛ́, fɛyɛ takpa-ɩ nɛ kaamaŋkaɣ yɔɔ sɩm ḿbʋ́, mbʋ́ pʋyɔɔ yɔ, ɛnawa se ɛkɔŋ wɛʋ laŋhʋlʋmɩyɛ taa. Lɛɛlɛɛyɔ, ɛcaɣ Ɛsɔ kewiyaɣ kpelaɣ cɔlɔ lone kɩbanɖɛ taa.

Ebree 4:12

Mbʋ́ pʋyɔɔ yɔ, Ɛsɔtɔm wɛ wezuu nɛ tɩwɛɛ ɖoŋ ɖɔɖɔ. Tɩwɛ lɔŋ nɛ pɩkɩlɩ sɛsɩ nzɩ́ sɩwɛ lɔŋ cenje yɔ. Tɩsʋʋ ɛyʋ fɩŋ fɩŋ nɛ tɩtalɩ e-ciyam nɛ ɛ-kalɩzaɣ pa-ɖɩtanɛ nɛ tɩtayɩ-wɛ. Tɩtalɩɣ ɖɔɖɔ ɛ-mɔɔ nɛ a-taa num nɛ tɩtayɩ-wɛ. Ńdʋ́ tayɩɣnɩ ɖɔɖɔ ɛ-lɩmaɣza: kɩbana hɔɔlʋʋ nɛ kɩdɛkɛdɛɛ hɔɔlʋʋ.