1 Kɔrɛntɩ 1:10 - New Testament

¹⁰ Taabalaa Yesu ŋgbɛyɛ taa ñɩma, meheyiɣ mɩtɩŋa payɩ nɛ ɖa-Kɩpaɣlʋ Yesu Krɩstʋ nɔɔ se ɩnɩɩnɩ ɖama camɩyɛ. Tayʋʋ nabʋyʋ ɛtaawɛɛ mɩ-hɛkʋ taa. Ɛlɛ́, ɩla nɔɔ kʋɖʋmaɣ nɛ ɩwɛnɩ lɩmaɣza kʋɖʋma.

1 Kɔrɛntɩ 1:10 ပူးပေါင်းရင်းမြစ်များ

Maatiyee 9:16

Yesu tasɩ-wɛ heyuu se: «Paakpakɩɣ pɩsaʋ kɩfalʋʋ hɔɔlaɣ nɛ pɔtɔnɩ wonuu kɩbɩnʋʋ. Pɩtɛkɛ ḿbʋ́, pɔcɔtʋʋ lɛ, hɔɔlaɣ ŋgá kasʋʋ nɛ kɔhɔ kɩbɩnʋʋ nɛ kɩtɛzɩ cɩyʋʋ.»

Maarkɩ 2:21

Yesu tasɩ-wɛ heyuu se: «Paakpakɩɣ pɩsaʋ kɩfalʋʋ hɔɔlaɣ nɛ pɔtɔnɩ wonuu kɩbɩnʋʋ. Pɩtɛkɛ ḿbʋ́, pɔcɔtʋʋ-kʋ lɛ, hɔɔlaɣ ŋ́gá kasʋʋ nɛ kɔhɔm-kʋ nɛ kɩtɛzɩ cɩyʋʋ.»

Maarkɩ 3:24

Yee kewiyaɣ nakɛyɛ ɛwɛɛ nɛ ka-taa ñɩma youni ɖama yɔ, kaalaɣzɩɣ yɔkʋʋ.

Yohanɛɛsɩ 10:19

Tɔm ńdʋ́ tɩ-yɔɔ lɛ, Yuda ñɩma hɛkʋ taa ɖaɣnɩ tayʋʋ.

Yohanɛɛsɩ 17:23

Ḿbʋ́ ma nɛ wɛ ɖɩwɛɣ ɖama taa nɛ ma nɛ ŋ ɖɩwɛɛ ɖama taa. Mentendiɣ-ŋ se ŋyele nɛ pala nɔɔ kʋɖʋmaɣ siŋŋ nɛ kedeŋa ñɩma tɩlɩ se ñetiyini-m. Đɔɖɔ lɛ, ŋsɔɔlɩ-wɛ ɛzɩ ŋsɔɔlʋʋ-m yɔ.

Yohanɛɛsɩ 7:43

Ḿbʋ́ tayʋʋ sʋ ɛyáa hɛkʋ taa Yesu yɔɔ.

Yohanɛɛsɩ 9:16

Pa-taa nabɛyɛ tɔŋaɣ se: «Abalʋ weyi ɛlabɩ ḿbʋ́ yɔ, ɛɛpɩzɩɣ ɛlɩnɩ Ɛsɔ cɔlɔ, mbʋ́ pʋyɔɔ yɔ, ɛɛɖɔŋ kɩyakʋ kɩhɛzʋʋ paɣtʋ yɔɔ.» Lɛlaa se: «Ɛzɩma kɩwɛɛkɩm laɖʋ pɩzɩɣ ɛla hama lakasɩ ḿbʋ́?» Peeɖe pɩtayɩ pɛ-hɛkʋ taa.

Tʋma Labʋ 4:32

Ɛyáa samaɣ ŋgá kaawɛnɩ lidaʋ yɔ, kaalabɩ nɔɔ kʋɖʋmaɣ nɛ kɛwɛnɩ lɩmaɣza kʋɖʋmɛɛ. Ka-taa nɔɔyʋ taamaɣzɩɣ ɛ-ñɩm yɔɔ se e-ɖeke ɛtɩnɩ-pʋ. Ɛlɛ́, mbʋ́ paa weyi ɛwɛna yɔ, pɩɩkɛ patɩŋa pa-ñɩm.

Room 1:13

Man-taabalaa! Me-liu wɛɛ se ɩtɩlɩ se manpam ɖʋʋ se mɔnkɔŋ mɩ-tɛ nɛ mala tʋmɩyɛ nɛ pɩlɩɩ pʋyʋ ɛzɩ malabʋ ajɛya lɛɛna taa yɔ. Ɛlɛ́, pʋwɛɛ pɩlaɣzɩɣ-m halɩ nɛ sɔnɔ.

Room 12:1

Man-taabalaa, Ɛsɔ na ɖa-pʋtɔdɩyɛ naʋ mbʋ́ yɔ pʋ-yɔɔ lɛ, meheyiɣ-mɩ se pɩlabɩ-mɩ hʋnʋm nɛ ɩkpaɣ mɩ-maɣmaɣ mɩ-tɩ pilim mi-wezuu caɣʋ taa nɛ ɩha-ɩ nɛ ɩwɛɛ ɛzɩ kpɩna wena palaɣ-ɩ yɔ. Ɩkɛ Ɛsɔ ñɩma kpaagbaa kpem nɛ mɩ-tɔm kɛdɩnɩ-ɩ. Ḿbʋ́ pʋwɛɛ kpem se iluŋ ɛ-tɛɛ.

Room 12:16

Ɩnɩɩnɩ ɖama camɩyɛ mi-wezuu caɣʋ taa. Ɩtaakpazɩ mɩ-tɩ, ɛlɛ́, ɩmaɣzɩ mbʋ́ patakpaɣ payaa pʋyʋ yɔ pʋ-yɔɔ. Ɩtaakpaɣ mɩ-tɩ se ɩkɛ lɔŋsɩnɖaa.

Room 15:30

Ɛlɛ́, man-taabalaa, ndʋ́ meheyiɣ-mɩ yɔ lɛ se ɖa-Kɩpaɣlʋ Yesu Krɩstʋ nɛ ɛzɩma mbʋ́ Fezuu Kiɖeɖeu yeba nɛ ɖɩsɔɔlɩ ɖama yɔ pɔ-yɔɔ lɛ, monkuluu-mɩ hulaɣ se ɩsɩnɩ-m nɛ ɖitendi Ɛsɔ mɔ-yɔɔ nɛ ɖa-laŋa tɩŋa.

Room 16:17

Man-taabalaa, meheyiɣ-mɩ se ɩkpa mɩ-tɩ nɛ mbá paatisiɣ tɔm ndʋ́ pawɩlɩ-mɩ yɔ nɛ pawɩlɩɣ-mɩ ndʋ́ tɩwɛnɩ ndɩ yɔ. Ḿbá cɛyɩɣnɩ Ɛsɔ ñɩma pe-lidaʋ wɛnaʋ taa nɛ patayɩɣ-wɛ. Ɩtaañɔtɩnɩ-wɛ.

1 Kɔrɛntɩ 1:11

Mbʋ́ pʋyɔɔ yɔ, Klowee tɛ ñɩma heyi-m se iyou.

1 Kɔrɛntɩ 11:18

Kajalaɣ lɛ, manɩwa se alɩwaatʋ ndʋ́ ikpeɣliɣ ɖama yɔ, tayʋʋ wɛ mɩ-hɛkʋ taa. Peheyi-m-tʋ nɛ mamaɣzɩɣ se pɩkɛɣ toovenim.

1 Kɔrɛntɩ 12:25

se tayʋʋ ɛtaawɛɛ tomnaɣ yɔɔ. Ɛlabɩ ḿbʋ́ ɖɔɖɔ se pilinzi ɛwɛnɩ lɩmaɣza kʋɖʋmɛɛ nɛ sɩtɔzʋʋ ɖama yɔɔ.

1 Kɔrɛntɩ 3:3

Mbʋ́ pʋyɔɔ yɔ, mi-wezuu caɣʋ taa lɛ, ɩlakɩ ɛzɩ ɩɩwɛʋ yɔ. Alɩwaatʋ ndʋ́ ɛsɩsɛmɩyɛ nɛ you pɛwɛ mɩ-hɛkʋ taa yɔ, ɩfɛyɩ ɛzɩ ɩɩwɛʋ yɔ yaa we? Yaa mi-wezuu caɣʋ ñɛfɛyɩ ɖɔɖɔ ɛzɩ ɛyáa lɛlaa yɔ?

1 Kɔrɛntɩ 4:16

Pʋ-yɔɔ mentendiɣ-mɩ se ɩtɩŋ ma-nʋmɔʋ.

2 Kɔrɛntɩ 10:1

Ma Pɔɔlɩ manawa se mɔn-tɔm ɛyáa yɔɔdʋʋ se mɛwɛɣ pɔ-cɔlɔ lɛ, mañaŋ pɛ-ɛsɛ. Mɛnɖɛɣ poliŋ lɛ, mañazɩɣ-wɛ. Ma-maɣmaɣ mantɩŋɩɣnɩ Krɩstʋ leleŋ nɛ ɛ-camɩyɛ lakasɩ pɔ-yɔɔ nɛ mentendiɣ-mɩ se:

2 Kɔrɛntɩ 13:11

Taabalaa, pɩlabɩ wiɖiyi! Ɩñaɣ pana nɛ ɩtɛzɩ pɩʋ Ɛsɔ nʋmɔʋ taa. Ɩhɛzɩ ɖama laŋa. Ɩla nɔɔ kʋɖʋmaɣ. Ɩwɛɛ laŋhɛzɩyɛ taa nɛ Ɛsɔ weyi ɛsɔɔlɩ ɛyáa nɛ ɛhɛzɩɣ pa-laŋa yɔ, ɛwɛɛ mɩ-cɔlɔ.

2 Kɔrɛntɩ 13:9

Paa ɖɩwɛ ɛjandʋ nɛ mɩ mɩwɛɛ ɖoŋ yɔ, pɩlakɩ-ɖʋ leleŋ. Ḿbʋ́ ɖɩsɛɣ Ɛsɔ se eyele nɛ ɩtɛzɩ kpaʋ ɖoŋ ɛ-nʋmɔʋ taa.

2 Kɔrɛntɩ 5:20

Pʋ-yɔɔ lɛ, ɖɩkɛ Krɩstʋ tiyiyaa. Ɛsɔ tɩŋɩɣnɩ ɖɔ-yɔɔ nɛ etendiɣ ɛyáa alɩwaatʋ ndʋ́ ɖiheyiɣ-wɛ se: «Đitendiɣ-mɩ, itisi nɛ mɩ nɛ Ɛsɔ iceɣ Krɩstʋ yɔɔ.

2 Kɔrɛntɩ 6:1

Yee ḿbʋ́, mbá ɖa ɖa nɛ Ɛsɔ ɖɩlakɩ tʋmɩyɛ yɔ, ɖɩsazɩɣ-mɩ se ɩtaawɛɛkɩ lootiye nɖɩ́ ɛlabɩ-mɩ yɔ yem.

Galaatɩ 4:12

Taabalaa! Mentendiɣ-mɩ se mɩ-wɛtʋ ɛwɛɛ ɛzɩ ma-ñɩndʋ yɔ, mbʋ́ pʋyɔɔ yɔ, ma ɖɔɖɔ mɛwɛ ɛzɩ mɩ yɔ. Ɩtalabɩ-m kɩdɛkɛdɩm nabʋyʋ.

Filiipu 1:27

Mbʋ́ pʋwɛɛ yɔ lɛ se: ɩɖɔ camɩyɛ ɛzɩ Krɩstʋ Laŋhɛzɩyɛ Tɔm pɔzʋʋ yɔ. Yee ḿbʋ́, paa mɔnkɔm se mana-mɩ yaa mɔntɔkɔɔ yɔ, manɩɩ se ɩɖɔkɩ mɩ-tɩ kpam ḿbʋ́ nɛ ɩwɛnɩ lɩmaɣza kʋɖʋmɛɛ nɛ laŋɩyɛ kʋɖʋmɖɩyɛ, tʋmɩyɛ nɖɩ́ ɩlakɩ se ɛyáa etisi Laŋhɛzɩyɛ Tɔm ńdʋ́ yɔ ɖɩ-taa.

Filiipu 3:16

Mbʋ́ pʋwɛɛ yɔ lɛ se: Ɛsɔ nʋmɔʋ ŋgʋ́ ɖɩɖɔŋ kɩ-taa yɔ, ɖɩwɛɛ kɩ-taa ḿbʋ́ nɛ pɩɖɛɛnɩ ɛsɩndaa.

1 Tesalooniki 5:13

Pɔ-tɔm ɛkɛdɩnɩ-mɩ siŋŋ nɛ ɩsɔɔlɩ-wɛ pa-tʋmɩyɛ yɔɔ. Laŋhɛzɩyɛ ɛwɛɛ mɩ-hɛkʋ taa.

2 Tesalooniki 2:1

Taabalaa! Đɩcaɣ ɖiheyi-mɩ ɖa-Kɩpaɣlʋ Yesu Krɩstʋ kɔm nɛ ɖikpeɣluu ɛ-cɔlɔ yɔ pɔ-tɔm. Đitendiɣ-mɩ se:

1 Timootee 5:21

Meheyiɣ-ŋ Ɛsɔ nɛ Krɩstʋ Yesu nɛ Ɛsɔ lɩzɩ e-tiyiyaa mbá yɔ pɛ-ɛsɩndaa kpayɩ se ŋɖɔ tɔm ńdʋ́ tɩ-yɔɔ camɩyɛ. Taacɔnɩ nɔɔyʋ ɛsɛ yɔɔ yem, taala nabʋyʋ ɛsɩmɩyɛ yɔɔ.

2 Timootee 4:1

Krɩstʋ Yesu kɔŋ hʋʋ ɛsɛ ñɩma nɛ sɩɖaa tɔm. Ɛnʋ kaɣnɩ kɔm nɛ ɛtɔɔ kewiyaɣ. Meheyiɣ-ŋ ɛ nɛ Ɛsɔ pɛ-ɛsɩndaa se:

1 Pɩyɛ 2:11

Mɛ-ɛgbaɣdɩnaa! Ɩkɛ agɔmaa nɛ nʋmɔɖɔnaa kedeŋa yɔɔ cɩnɛ. Pʋ-yɔɔ lɛ, ɩñaɣ pana nɛ ɩɖɔkɩ mɩ-tɩ nɛ mɩ-maɣmaɣ mɩ-wɛtʋ ɛtaahɔm-mɩ nɛ ɩla mbʋ́ ɩtaasɔɔlɩ yɔ.

1 Pɩyɛ 5:10

Paa pɩɩwɛɛ se ɩla kʋñɔŋ alɩwaatʋ pazɩ yɔ, Ɛsɔ ɛnʋ ɛ-maɣmaɣ ɛtɛzɩ-mɩ ñɔɔzʋʋ nɛ ɩpɩɩ ɛ-nʋmɔʋ taa nɛ ɩkpa ɖoŋ nɛ nabʋyʋ ɛtaaciɣdi-mɩ kaʋ. Ɛnʋ labɩnɩ-mɩ lootiye siŋŋ. Ɛnʋ ɖɔɖɔ yanɩ-mɩ se ɩsʋʋ e-koboyaɣ ŋgá kaatɛŋ wiɖiyi kaʋ yɔ ka-taa mɩ nɛ Krɩstʋ mɩ-kpɛndʋʋ taa.