Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Titə 2:11 - Dɔnɔn kə̂ Siki: Tar kə̂ aw arə təbbə

11 Mba Lubba tɔju mə-maji laa kə̂ to ddəw kə̂ dəwje tɔyn asəje ta kinga nɛ̂n kaji.

အခန်းကိုကြည့်ပါ။ ကော်ပီ

Maketuru le Lubba ke tar kabba

11 Mba Lubba tɔju me-maji laa ke to ddew ke dewje tɔyn aseje ta kingaje ne kaji.

အခန်းကိုကြည့်ပါ။ ကော်ပီ




Titə 2:11
50 ပူးပေါင်းရင်းမြစ်များ  

Yeenn a, awje rɔ gəl-dəwje tə̂ tɔyn kə̂ dɔ nangə tə̂. Ə-ddajede to njê-njaje gom tə̂ ta ə-ddajede batɛm kə ri Bɔ, ri Ngonn kə ri Ndil-mə-nda.


N̂-pa narəde nan: «Awje dɔ nangə tə̂ tɔyn, ilaje mbər Tar kə̂ Maji le arəje dəwje tɔyn.


Dâ kila mbər tar kə ri Kristə le karə gəl-dəwje tɔyn turuje nɛ̂n məde, mba karə tar majang ləde ɔru dɔde tə̂. Mbər tar le a kunn-kute Jerujalɛm tə̂.›


Baann bba dəwje tɔyn a kooje kaji kə̂ Lubba a ta kaji dəwje.»


Tar le təl to dəw ngaâ dda bbe horoje tə̂. Mə-maji laa kə tar kə̂ tɔkɔrɔ laa uta dɔɛ̂. Joo piti laa kə̂ in rɔ Lubba tə̂.


Tar le to lo-karɛ kə̂ tɔkɔrɔ. N̂-ddee dɔ nangə tə̂ ngaâ n̂-ndoko dɔ dəwje tə̂ tɔyn.


Barnabas le ddee tee ngaâ oo mə-maji kə̂ Lubba dda kə njê-mə-kunnje le a, inga rɔ-nəəl nya ngaâ ndəjəde karə dundaje məde tɔyn dɔ Əbbə-dəwje tə̂.


Dəwje kə̂ mbɔnje naan le sanrɛje naan a, marə Jiipije nya kə dəwje kə̂ toje to Jiipije ang kə̂ aw poloje Lubba unnje go Pɔl de kə Barnabas. Pɔl de kə Barnabas le n̂-paje tar darəde ngaâ n̂-ndəjəjede karə n̂-naynje kə ndɔ tɔyn ddəw mə-maji tə̂ kə̂ Lubba dda kə de.


Mba, ndu kə̂ jinga ta Əbbə-dəwje tə̂ njaa nan: ‹Mundai karə ə-ndoko horo kəsə gəl-dəwje tə̂, karə ta ə-nja kə tar kaji nəənn kɔyn nangə tə̂ tɔyn.›»


Kar kə̂ dəwje gərəje tar kə̂ tɔkɔrɔ ang bbay le. Lubba oo to nɛ̂n ang. A bbasinɛn naw bbar dəwje tɔyn kə̂ isije loje tə̂ tɔyn karə n̂-turu məde.


Moo təbbə ləm to nɛ̂n kəmʼm tə̂ ang. Nɛ̂n kə̂ m-ndiki njaa to ənga dda kula kə̂ Əbbə-dəwje Jeju inya jim tə̂ ndərəng kɔsu kɔnyɛ̂. Kula le to kula kila mbər Tar kə̂ Maji kə̂ to mə-maji lə Lubba.


Yeenn a, m-duju ta koo: Jiipije le ooje tar kə̂ dila mbəre le ang wa? Dooje tar le njaa. Makəturu lə Lubba pa nan: «Dəwje ooje ndu njê-kilaje mbər le dɔ nangə tə̂ tɔyn, dəwje kə̂ eeje kɔyn nangə tə̂ kara ooje tar le tɔ.»


A mə-maji kə̂ Lubba dda to nɛ̂n-karə-baa kə̂ to dang kə nɛ̂n kə̂ to kə dɔgɔlɛ̂ ang kə̂ Adam dda. Tɔkɔrɔ, dəwje nya oyje mba majang kə̂ dəw kə̂ kâra baa nəənn dda le. A nɛ̂n kə̂ bo uta nya to mə-maji kə̂ Lubba dda kə dəwje ngaâ arəde nɛ̂n baa ddəw tə̂ lə dəw kâra kə̂ to Jeju-Kristə.


Ddəw tə̂ lə Jeju kə̂ junnje məje jarɛ̂ le â Lubba dda nɛ̂n kə je mə-maji ngaâ n-naynje ddəwe tə̂. Yeenn bba, jaw ddaje rɔ-nəəl, mba jundaje məje to jeje kara ja kingaje piti lə Lubba.


Jaw dda kula kə Lubba le. Mba yeenn bba n-walse nya karə mə-maji kə̂ Lubba dda kə se le to baa ang.


M-ndiki ta mbətə mə-maji kə̂ Lubba dda le ang. Mba bbo dəw aw ddee gatə gatə ddəw Ndu tə̂ kəm Lubba tə̂ a, yeenn pa nan Kristə oy baa be.


Jeje kə̂ n-to tokə dəwje kə̂ oy mba nɛ̂n-ddaje kə̂ to kə dɔgɔlɛ̂ ang le, narəje təbbə kə̂ siki naan tə̂ kâra baa kə Kristə. Ddəw mə-maji tə̂ lə Lubba â aji nɛ̂n se.


Mə-maji lə Lubba â aji nɛ̂n se ddəw koo kə̂ ooje məse tə̂ saa, bbo ə-ddaje marə nɛ̂n kâra mbɛɛ̂ ang. To nɛ̂n kə̂ Lubba arəse baa.


A maji karə ə-naynje ddəw mə-kunn tə̂ le ta arje dɔɛ tə̂ arə ngəng tokə kəy kə̂ gɔlɛ̂ uwa nangə kə majɛ̂. Nɛ̂n kə̂ Tar kə̂ Maji dda arə aw undaje məse dɔɛ tə̂ le, inyaje ddəwe ang. Tar kə̂ Maji le dila mbəre darə dəwje tɔyn kə̂ dɔ nangə tə̂. Ngaâ əman Pɔl, m-ddee to nje-kula Tar kə̂ Maji le.


Tar kə̂ Maji nəənn le aw andə kandə aw nɛ̂n kə kete kete dɔ nangə tə̂ tɔyn. Kar kə̂ Tar le tee bbeê ləse le to tokə baann tɔ, unn kute ndɔ tə̂ kə̂ ooje nɛ̂n tar mə-maji kə̂ tɔkɔrɔ kə̂ Lubba dda kə se le.


Bɔjeje Lubba ndikije ngaâ ddəw mə-maji tə̂ laa n̂-dda narə jubba singa kə ndɔ tɔyn ngaâ narə junda məje dɔɛ̂ tə̂ kə majɛ̂. Yeenn a, n-dujude, ne de kə Əbbəjeje Jeju-Kristə njaa karə


A Əbbəjeje Lubba dda səm mə-maji kə̂ bo nya. Narə moo məm tə̂ ngaâ narə m-ndiki ngamarəmje ddəw mə-kâra tə̂ kə̂ m-dda kə Jeju-Kristə le.


Lubba kə̂ ndiki karə dəwje tɔyn ingaje kaji ddəm ndiki karə dəwje tɔyn gərəje nɛ̂n kə̂ tɔkɔrɔ ddəm.


N̂-tɔju mə-maji laa le bbasinɛn ddəw tə̂ lə Nje-kajije Jeju-Kristə kə̂ ddee. Jeju njaa guru singa yo ngaâ tɔju təbbə kə̂ to kə ndɔ kə ndɔ kə ddaka ddəw Tar kə̂ Maji tə̂.


A Əbbə-dəwje njaa umanʼm ngaâ arəm singa, mba karə mila mbər tar laa nya marə dəwje ngaâ ta karə dəwje kə̂ toje to Jiipije ang kara tar laa oso mbide tə̂ tɔ ngaâ nɔrum ta ənam tə̂.


Aaje kə majɛ̂ arəje marə dəw dda arə mə-maji lə Lubba due ang, bba karə dəw kâra ddee tokə marə kam kə̂ atə kə̂ aw ndu horo dəwje tə̂ ang. Dəw kə̂ baann le aw ddee kə tar horo dəwje tə̂ ddəm aw tuju dəwje ddəm.


A nɛ̂n kə̂ joo â nəənn: Jeju le Lubba dda arə n̂-ddee to dəw kə̂ ta-gɔl anjəje tə̂ mba gɔju kar bba karə ddəw mə-maji tə̂ lə Lubba noy mba dəwje tɔyn. Yeenn ngaâ bbasinɛn ninga piti kə kɔsu gaji mba koy kə̂ noy le.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ