Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Titə 1:2 - Dɔnɔn kə̂ Siki: Tar kə̂ aw arə təbbə

2 Yeenn bba dâ kundaje məde to dingaje təbbə kə̂ to kə ndɔ kə ndɔ. Lubba kə̂ ərə ngəm ndɔ kâra ang unn ndue ləw baa nu ta karəje təbbə kə̂ to kə ndɔ kə ndɔ le.

အခန်းကိုကြည့်ပါ။ ကော်ပီ

Maketuru le Lubba ke tar kabba

2 Yeenn bba da kundaje mede to dingaje tebbe ke ke ndɔ ke ndɔ. Lubba ke ere ngem ndɔ kara ang unn ndue lew baa ta kareje tebbe ke ke ndɔ ke ndɔ le.

အခန်းကိုကြည့်ပါ။ ကော်ပီ




Titə 1:2
46 ပူးပေါင်းရင်းမြစ်များ  

Yeenn ngaâ tɔkə mbay le a pa karə njê kə̂ dɔ ji-kɔlɛ̂ tə̂ nan: ‹Sese kə̂ Bɔmje bbar tar kə̂ maji dɔse tə̂ le, ə-ddeeje. Ə-taaje Bbe-kɔn kə̂ Lubba gɔl mba tar ləse ləw baa kə̂ duninya to le.


Dâ kaw koo ndoo kə ndɔ kə ndɔ, a njê kə̂ ddaje nɛ̂n kə̂ mə Lubba ndiki le a kisije kə təbbə kə̂ to kə ndɔ kə ndɔ.»


Kar kə̂ Jeju unn ddəw ta kɔtu a, marə dingaw ddee kə ngɔru ɔsu məkəjə-gɔlɛ̂ nɔɛ̂n tə̂ duje nan: «Nje-nɛ̂n-tɔju kə̂ maji, ddi â mâ dda bba mâ kinga təbbə kə̂ to kə ndɔ kə ndɔ wa?»


a təl kinga nɛ̂njeenn asə gɔl kɔr kâra bbasinɛn nəənn. Nâ kinga kəy, ngakɔɛ̂nje kə̂ dingaw kə ngakɔɛ̂nje kə̂ dɛnɛ̂n, kɔɛ̂njedede, ngannje kə ndɔɔje ngaâ dəwje a kulaje kəmɛ̂ ndoo tə̂ tɔ. A nâ kinga təbbə kə̂ to kə ndɔ kə ndɔ mə ndɔje tə̂ kə̂ aw ddeeje.


Marəde təbbə kə̂ to kə ndɔ kə ndɔ, dâ koyje ndɔ kâra ang ddəm dəw kâra a kɔrude jim tə̂ ang ddəm.


Mba arə Ngonni singa dɔ dəwje tə̂ tɔyn, karə dəwje kə̂ ungude mə jia tə̂ le, narəde təbbə kə̂ to kə ndɔ kə ndɔ.


Bɔy, əi â arəm dəwje le, yeenn bba m-ndiki karə deeje səm lo tə̂ kə̂ mee tə̂. Baann bba karə dooje piti kə̂ ə-pitim, mba ə-ndikim kete bba ə-dda duninya.


«Aw kinyaje mə Makəturu lə Lubba, mba əjəje to Makəturu le a karəse təbbə kə̂ to kə ndɔ kə ndɔ. Makəturuje le paje tar-naji ləm.


Dəw kə̂ usa taal-rɔm ngaâ ay məsəm a, ee kə təbbə kə̂ to kə ndɔ kə ndɔ. Ngaâ əman, ddutu ndɔ tə̂ a, mâ ndole.


Simɔn Piyɛr ilɛ̂ tə̂ nan: «Əbbə-dəwje, nân bba ja kaw rɔɛ̂ tə̂ wa? Əi â, tar kə̂ aw arə təbbə kə̂ to kə ndɔ kə ndɔ to tai tə̂.


N̂-tɔju dəwje nɛ̂n kə̂ nəjə ta dda le ləw baa.›


Lubba unn ndue ləw baa, ddəw tə̂ lə njê-kilaje mbər tar laa makəturu tə̂ laa ta karə Tar kə̂ Maji nəənn dəwje.


Piti to lə Lubba kə̂ asə ta dda karə ubbaje singa ddəw mə-kunn tə̂, ddəw Tar kə̂ Maji tə̂ lə Jeju-Kristə kə̂ m-ddee mila mbəre marəse le. Ddəw Tar kə̂ Maji tə̂ le bba Lubba dda arə n-gərəje nɛ̂n nɛ̂n kə̂ to lo-kiyɛ̂ tə̂ ləw baa.


Marə dəwje sangəje ddəw ta dda maji kə ndɔ tɔyn mba karə Lubba pitide, karə n̂-walde ngaâ karə narəde təbbə kə̂ a tuju ang. Lubba a karəde təbbə kə̂ to kə ndɔ kə ndɔ.


Ddəw tə̂ lə Jeju kə̂ junnje məje jarɛ̂ le â Lubba dda nɛ̂n kə je mə-maji ngaâ n-naynje ddəwe tə̂. Yeenn bba, jaw ddaje rɔ-nəəl, mba jundaje məje to jeje kara ja kingaje piti lə Lubba.


Ddəw kâra baa tokə majang ee kə singa ta kaw kə dəwje karə ingaje yo le, mə-maji lə Lubba ee kə singa mba dda karə dəwje ddeeje gatə gatə kəmɛ̂ tə̂, ta karə dingaje təbbə kə̂ to kə ndɔ kə ndɔ ddəw tə̂ lə Əbbəjeje Jeju-Kristə.


Tɔ-wur ləje le aw dda arə jaw juwaje jarə ngəng mə nɛ̂n-nan tə̂. Ngaâ kuwa kə̂ jaw juwaje jarə ngəng le dda arə jaw jundaje məje dɔ Lubba tə̂.


Mba kuka kə̂ dəw aw inga go majang tə̂ to yo. A mə-maji lə Lubba kə̂ to nɛ̂n-karə-baa le to təbbə kə̂ to kə ndɔ kə ndɔ ddəw ddee tə̂ kə̂ n-ddeeje kâra baa kə Əbbəjeje Jeju-Kristə.


N̂-ndiki ta dda bba karə dəwje laa le gərəje nɛ̂n kə̂ n̂-ngəm lo-kiyɛ̂ tə̂ le kə̂ to nɛ̂n-piti ddəm nɛ̂n-kinga ddəm horo dəwje tə̂ tɔyn. Nɛ̂n kə̂ n̂-ngəm lo-kiyɛ̂ tə̂ le â nəənn: Kristə kə̂ to məse tə̂ le, asəje ta kunda məse to â kingaje piti lə Lubba tɔ.


Jiipije â tɔlje Əbbə-dəwje Jeju kə njê-kilaje mbər tar lə Lubba. Dulaje kəmje ndoo tə̂ tɔ. N̂-nəəlje kəm Lubba tə̂ ang ngaâ n̂-toje to njê-baanje lə dəwje tɔyn.


A jeje kə̂ n-to dəwje kə̂ aw nja karâ le, maji karə n-gərəje dɔjije. Maji karə mə-kunn kə ndiki toje rɔje tə̂ tokə lə kubbu ddɔ. Məje kə̂ junda ta kinga kaji le maji karə to dɔje tə̂ tokə lə əjɔkudɔ-ddɔ.


Maji karə ə-dda ddɔ kə̂ maji mba ngəm nɛ̂n mə-kunn ləi ta uwa təbbə kə̂ to kə ndɔ kə ndɔ kə̂ Lubba bbari mbɛɛ̂ le, kar tə̂ kə̂ ə-pa kə tai nɔn njê-tar-najije tə̂ kə̂ banya to unn məi arə Jeju-Kristə le.


Baann bba dâ gɔlje nɛ̂n dam ləde kə̂ kura kə̂ gɔlɛ̂ kətərə, mba ndɔ kə̂ bara. Yeenn tɔ bba dâ kingaje təbbə kə̂ tɔkɔrɔ.


Əman Pɔl, m-to nje-kaw-kula lə Jeju-Kristə, mba Lubba njaa ndiki tə̂ ngaâ bbarəm karə mila mbər tar təbbə kə̂ nunn ndue ta karə dəwje ddəw tə̂ lə Jeju-Kristə.


Lubba kə̂ ajije njaa bbarje karə n-ddee to dəwje laa. Mba kula kə̂ maji kə̂ n-dda bba n̂-bbar nɛ̂n je ang. N̂-bbarje mba to nɛ̂n kə̂ n̂-gɔl kete ta dda ddəm mba mə-maji laa ddəm. N̂-dda kə je mə-maji le ddəw tə̂ lə Jeju-Kristə kete bba duninya to.


Mba yeenn bba maw tɔ wurum nɛ̂nje tə̂ tɔyn mba dəwje kə̂ Lubba mbərəde, mba karə dede njaa kara dingaje kaji kə̂ Jeju-Kristə aw arə dəwje. Baann bba dâ kingaje piti kə̂ a to kə ndɔ kə ndɔ.


Bbo julaje pa-nja ləje naan tə̂ a, ne nula pa-nja laa naan tə̂ ang, mba nâ kasə ta təl turu tar kə̂ tee tɛɛ̂ tə̂ njaa ang.


Ə-dda gan njaa karə Lubba ooi to dəw kə̂ asə kəmɛ̂ tə̂, dəw kə̂ dda kula laa kə majɛ̂ arə rɔ-kul a ddɛɛ̂ ang, maji karə ə-to dəw kə̂ aw tɔju tar kə̂ tɔkɔrɔ kə ddəwe.


N-ddaje tokə baann n-nginanje nɛ̂n ndɔ kisi kə rɔ-nəəl ləje kə̂ jundaje məje dɔɛ̂ tə̂ le. To ndɔ kə̂ tɔkə Lubba ləje kə̂ to Nje-kajije Jeju-Kristə a ddee kə piti laa.


mə nɛ̂nje tə̂ tɔyn. Əi njaa kara, maji karə ə-to nɛ̂n-kɔju-marɛ̂ ddəw kula-ddai tə̂ kə̂ maji. Ə-tɔju nɛ̂n kə dɔgɔlɛ̂ ta ə-ndam nɛ̂n ang.


Yeenn a, ddəw mə-maji tə̂ laa le n̂-dda narə n-ddeeje gatə gatə kəmɛ̂ tə̂ ddəm karə jingaje təbbə kə̂ to kə ndɔ kə ndɔ kə̂ junda məje dɔɛ̂ tə̂ le ddəm.


Ooje, nɛ̂n kə̂ Kristə unn ndue ta karəje â to təbbə kə̂ to kə ndɔ kə ndɔ.


Jeje, n-gərəje to Ngonn lə Lubba ddee ngaâ arəje kəm-karɛ karə n-gərəje Lubba kə̂ tɔkɔrɔ. Ngaâ n-ddaje mə-kâra kə Lubba kə̂ tɔkɔrɔ ddəw tə̂ lə Ngonnɛ̂ Jeju-Kristə. Ne â n̂-to Lubba kə̂ tɔkɔrɔ, ne â n̂-to təbbə kə̂ to kə ndɔ kə ndɔ.


Ə-naynje ddəw ndiki tə̂ lə Lubba mba nginan nɛ̂n Əbbə-dəwje Jeju-Kristə. Ne kə̂ nâ dda kə je maji karə jingaje təbbə kə̂ to kə ndɔ kə ndɔ.


Dəwje tɔyn kə̂ dɔ nangə tə̂ a poloje da kə̂ in mə ba-katə tə̂ tee le. To njê kə̂ ləw baa kə̂ Lubba dda duninya, ride goto makəturu təbbə tə̂ lə Ngonn Batə kə̂ n̂-tɔlɛ̂ to nɛ̂n-polo le.


Da kə̂ ooe le to ləw, a n̂-to ang ngaa. Nâ kin tɔkə buwa tə̂ kə̂ sunrɛ̂ goto le tee ta kaw nayn kə kɔrɔ̂ nyɔm. Bbo dəwje kə̂ kunn-kutu duninya tə̂ nu duja ride makəturu təbbə tə̂ ang ooje da le a, məde a kunda dɔ binya. Mba n̂-to ləw, a n̂-to ang ngaa, a nâ təl kunda lo tee bbay.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ