Rɔmɛnje 9:33 - Dɔnɔn kə̂ Siki: Tar kə̂ aw arə təbbə

³³ tokə Makəturu lə Lubba pa nan: «Ooje, mila marə ər kə̂ dəwje a tukaje gɔlde tə̂ tɔkə bbe tə̂ kə̂ Sinyɔ, tɔkə ər kə̂ a dda karə dəwje tosoje, dəw kə̂ unn məɛ̂ arɛ̂ a, rɔ-kul a kɔru kəmɛ̂ ang.»

Rɔmɛnje 9:33 ပူးပေါင်းရင်းမြစ်များ

Matiye 21:42

Goe tə̂ a, Jeju dujude nan: «Ə-turaje tar kə̂ Makəturu lə Lubba pa nəənn ndɔ kâra ang bbay wa? Tar kə̂ nan: ‹Ər kə̂ njê-kɔsuje kəy mbətəje, təl ddee to singa gɔl kəy kə̂ dungu nangə̂. To nɛ̂n kə̂ in rɔ Əbbə-dəwje tə̂ ngaâ to nɛ̂n-mɔri kəmje tə̂.›

Matiye 21:44

Dəw kə̂ oso dɔ ər tə̂ le a, a guru rɔɛ̂ ngaâ dəw kə̂ ər le oso dɔɛ̂ tə̂ a, a nyarɛ̂.»

Rɔmɛnje 10:1

Ngakɔnʼmje, nɛ̂n kə̂ m-ndiki nya ngaâ maw duju Lubba mbɛɛ̂, to karə ngann Ijarayɛlje ingaje kaji.

Rɔmɛnje 10:11

Makəturu lə Lubba pa nan: «Dəw kə̂ unn məɛ̂ arɛ̂ a, rɔ-kul a kɔru kəmɛ̂ ang.»

Rɔmɛnje 5:5

Məje kə̂ jundaje dɔ Lubba tə̂ le a dda karə rɔje wul ang, mba Lubba arə Ndil-mə-nda kə̂ narəje le ula ndiki laa məje tə̂ tokə bo.

Galatəje 5:11

A əman, ngakɔnʼmje, m-nayn maw mila mbər kuja ganja bbay wa? A bbo maw mila mbər kuja ganja a, mba ddi bba dəwje a kulaje kəmʼm ndoo tə̂ bbay wa? Bbo mbər kuja ganja â maw mila a, tar koy lə Kristə dɔ kakə-dəsə tə̂ a to marə jiki karə dəw tuka gɔlɛ̂ tə̂ ang ngaa.

Pilipinyɛje 1:20

Nɛ̂n kə̂ maw ngəbbə kə̂ munda məm dɔɛ̂ tə̂ nya dda arə rɔm a wul ang. A unn kute bbokənɛn nyɔm kə ləw, bbo misi kəm baa wase moy kara, pa-nja ləm a tɔju to Kristə le to nje-tɔkə-mbangə.

2 Timɔte 1:12

Gəle kə̂ nəənn le bba maw moo nɛ̂n ndoo. A rɔ-kule ddam ang, mba m-gərə dəw kə̂ munn məm marɛ̂ le kə majɛ̂ ngaâ m-gərə kə majɛ̂ to nee kə singa ta ngəm nɛ̂n kə̂ ninya mə jim tə̂ ndərəng ddutu ndɔ tə̂.

1 Jan 2:28

Baann a, ngannje kə̂ ngaji, maji karə ə-naynje ddəw mə-kâra tə̂ kə Kristə, mba karə ndɔ kə̂ n̂-ddee a, bbəəl ddaje ang ddəm karə ndɔ təl laa a, rɔ-kul uta dɔje ngaâ jarje ddəw əw saa ang ddəm.