Rɔmɛnje 9:30 - Dɔnɔn kə̂ Siki: Tar kə̂ aw arə təbbə

³⁰ Yeenn a, ja paje nan ddi wa? Dəwje kə̂ toje to Jiipije ang kə̂ aw sangəje ddəw ta ddee gatə gatə kəm Lubba tə̂ ang ddəm â Lubba oode to dəwje kə̂ gatə gatə kəmɛ̂ tə̂, mba dooje məde tə̂ saa.

Rɔmɛnje 9:30 ပူးပေါင်းရင်းမြစ်များ

Rɔmɛnje 10:10

Mba bbo dəw unn məɛ̂ a, Lubba ooe to dəw kə̂ gatə gatə. Ngaâ bbo dəw le pa tarɛ̂ kə ddaka a, Lubba ajɛ̂.

Rɔmɛnje 10:20

Ejayi kara pa tar lə Lubba le kə bbəəl ang. N̂-pa nan: «Dəwje kə̂ sangəmje ang â ingamje. Dəwje kə̂ dujumje nɛ̂n ang ddəm â m-tɔju rɔm marəde.»

Rɔmɛnje 10:6

A ta ddee gatə gatə ddəw mə-kunn tə̂ le, n̂-pa tarɛ̂ nan: Maji karə ə-pa tar nəənn məi tə̂ ang: «Nân bba a kin kaw darâ wa?» Bbo ə-pa baann a, nayn to a ta kaw kuwa Kristə darâ ddee saa nangə̂.

Rɔmɛnje 3:5

Majang kə̂ jaw dda â dəwje gərəje nɛ̂n to Lubba to gatə gatə. Yeenn a, tar ddi â ja paje wa? Ja pa nan Lubba to gatə gatə ang mba kunda kə̂ naw nundaje kə ndəy mba majang ləje wa? (Tar-pa lə dəwje â maw pa nəənn.)

Rɔmɛnje 4:11

Kete bba karə Abaraham uja ganja le, Lubba ooe to dəw kə̂ gatə gatə, mba noo məɛ̂ tə̂ saa. Goe tə̂ guku bba nuja ganja to marə əndaji kə̂ tɔju to Lubba ooe to dəw kə̂ gatə gatə ɔju dɔ mə-kunn laa. Mba yeenn bba, n̂-ddee nɛ̂n to bɔ dəwje tɔyn kə̂ ujaje ganja ang, a ooje məde tə̂. Lubba oode to dəwje kə̂ gatə gatə.

Rɔmɛnje 4:13

Lubba pa arə Abaraham kə ngakɛɛ̂jê nan, na karəde nangə nəənn to ləde. Mba nɛ̂n kə̂ Abaraham dda kə turu Ndu Lubba bba Lubba unn nɛ̂n ndue baann ang. Nunn ndue baann mba mə-kunn lə Abaraham. Mba yeenn bba, Lubba ooe nɛ̂n to dəw kə̂ gatə gatə.

Rɔmɛnje 4:22

Mba yeenn bba, Lubba ooe to dəw kə̂ gatə gatə.

Rɔmɛnje 4:9

Tar kisi maji le to mba dəwje kə̂ ujaje ganja kə karəde baa wase to mba dəwje kə̂ uja ganja ang tɔ wa? Mba n-paje nan ddəw mə-kunn tə̂ lə Abaraham â Lubba ooe nɛ̂n to dəw kə̂ gatə gatə.

Rɔmɛnje 5:1

Yeenn a, n-ddeeje gatə gatə kəm Lubba tə̂ mban mba məje kə̂ junn jarə Əbbəjeje Jeju-Kristə arə məje wul lɔm kə Lubba ddəw tə̂ laa ngaa.

Rɔmɛnje 9:14

Yeenn pa nan ddi wa? Lubba to gatə gatə ang wa? Baann ang.

Rɔmɛnje 9:31

A ngann Ijarayɛlje kə̂ aw sangəje ddəw ta ddee gatə gatə kəm Lubba tə̂ ddəw Ndu tə̂ le umanje nɛ̂n pin.

Galatəje 2:16

N-gərə to dəw ddee gatə gatə kəm Lubba tə̂ ddəw məɛ̂ tə̂ kə̂ nunn narə Jeju-Kristə, bbo ddəw ngəm Ndu tə̂ ang. Mba yeenn bba, jeje njaa kara junn məje jarə Jeju-Kristə ta ddee to dəwje kə̂ gatə gatə kəm Lubba tə̂, ddəw mə-kunn tə̂ bbo ddəw ngəm Ndu tə̂ ang. Mba, dəw a kasə ddee gatə gatə kəm Lubba tə̂ ddəw ngəm Ndu tə̂ ang.

Galatəje 3:24

Yeenn a, Ndu to nje-kaa dɔje ndərəng ndɔ ddee tə̂ lə Kristə, bba karə mə-kunn le dda arə n-ddeeje gatə gatə kəm Lubba tə̂.

Galatəje 3:8

Tɔ bbay, Makəturu lə Lubba pa kete mban nan Lubba a koo dəwje kə̂ toje to Jiipije ang to dəwje kə̂ gatə gatə kəmɛ̂ tə̂ ddəw mə-kunn tə̂ le. Mba yeenn bba, Makəturu le pa tar kə̂ maji nəənn tokə kete arə Abaraham nan: «Lubba a bbar tar kə̂ maji dɔ kəsə gəl-dəwje tə̂ tɔyn ddəw tə̂ ləi.»

Galatəje 5:5

Jeje, jaw junda məje dɔ Lubba tə̂ kə̂ a dda karə n-ddee gatə gatə kəmɛ̂ tə̂ ddəw mə-kunn tə̂. Ndil-mə-nda â a dda karə n-nginan nɛ̂ɛnn le.

Epɛjinyɛje 2:12

Oleje məse to, dɔ ndɔɛ̂ tə̂ənn, ə-gərəje Kristə ang, â kasəje ta ddee to ngann njê-bbeje kə Ijarayɛlje ang. Nɛ̂nje kə̂ Lubba unn ndue ta karə dəwje kə̂ Ijarayɛl ddəw dɔnɔn tə̂ kə̂ nɔsu kə de kara oose ang. Nɛ̂n kə̂ undaje məse dɔɛ tə̂ kâra goto. Eeje kə Lubba dɔ nangə tə̂ nəənn ang.

Pilipinyɛje 3:9

ngaâ m-dda mə-kâra saa. M-ddee gatə gatə mba məm kə̂ munn marə Kristə bbo mba ngəm kə̂ m-ngəm ndu lə Mɔyijə le ang. Lubba â to nje-karə ddəw dəw karə ddee to dəw kə̂ gatə gatə, tokə dəw le unn məɛ̂ arɛ̂.

1 Timɔte 6:11

A əi dəw lə Lubba, ə-mbətə nɛ̂njeenn ddəw əw ta ə-sangə ddəw ta to gatə gatə, ta bbəəl Lubba, ta kuwa mə-kunn karə ngəng, ta ndiki ngamarije, ta tɔ wuri ngaâ ta ə-ddee to dəw kə̂ wul pee kə dəwje.

Ebərəje 11:7

Ddəw mə-kunn tə̂ â Nowe oo tar nɛ̂nje kə̂ a ta ddeeje kə̂ Lubba pa arɛ̂. Yeenn bba, noo tar kə̂ Lubba pa arɛ̂ le to tar kə̂ tɔkɔrɔ ngaâ n̂-dda tɔkə to ta kaji nɛ̂n njê kə̂ laa. Nɛ̂n kə̂ n̂-dda le tɔju to nɛ̂n-dda lə dəwje kə̂ dɔ nangə tə̂ to nɛ̂n-dda kə̂ maji ang. Lubba ooe kəmɛ̂ tə̂ to dəw kə̂ gatə gatə mba mə-kunn laa.

1 Piyɛr 4:3

Mba ləw, unnje kar ləse mba dda nɛ̂n nɛ̂nje kə̂ dəwje kə̂ gərəje Lubba ang ndikije. Aw ddaje kaya, aw ddaje bbo nɛ̂nje kə̂ maji ang, aw ddaje bbərə lə koto, aw mbɔnje naan aw usaje, aw ayje arəje uta dɔse ngaâ aw poloje kɔrje aw ddaje nɛ̂n nɛ̂nje kə̂ asə koo kə kəm ang.