Rɔmɛnje 9:20 - Dɔnɔn kə̂ Siki: Tar kə̂ aw arə təbbə

²⁰ Əi, ə-to nân bba a kasə ta mayn tar kə Lubba wa? Jo kə̂ dubba to kubba a kasə ta pa karə nje-kubbɛ̂ le nan: «Mba ddi bba ubbam tokə be wa?» Baann ang.

Rɔmɛnje 9:20 ပူးပေါင်းရင်းမြစ်များ

Matiye 20:15

Mee kə ddəw ta dda nɛ̂n kə̂ məm ndiki kə narɛ ləm ang wa? Wase aw aam kə kəm kə̂ maji ang mba maji ləm le wa?› »

Luku 12:14

Jeju ilɛ̂ tə̂ nan: «Dingaw, nân bba undam to nje-gangə sariya horose tə̂ wase to nje-kaynse nɛ̂n wa?»

Rɔmɛnje 14:4

Əi kə̂ aw gangə sariya dɔ nje-kula tə̂ lə marə dəw nəənn le, ə-to nân wa? Bbo nje-kula le nayn aw dda kula kə majɛ̂ bbay wase n̂-dda kə majɛ̂ ang kara, to tar lə əbbeeje njaa. A nâ dda kə majɛ̂ njaa, mba Əbbə-dəwje ee kə singa ta dda karə n̂-dda kə majɛ̂.

Rɔmɛnje 2:1

A əi kə̂ aw gangə sariya dɔ njê-marije tə̂ le, ə-to nân wa kara tar a kɔru dɔi tə̂ ang. Sariya kə̂ aw gangə dɔ njê-marije tə̂ le, nayn to əi njaa aw gangə sariya dɔi tə̂ənn, mba əi kara aw dda nɛ̂n tokə lə njê-marije le tɔ.

Rɔmɛnje 2:3

Əi aw gangə sariya dɔ dəwje tə̂ kə̂ aw ddaje nɛ̂nje kə̂ baann kə̂ əi kara aw dda tɔ. A əi, əjə to â tee ta sariya tə̂ lə Lubba wa?

Rɔmɛnje 9:21

Nje-kubba jo asə dda nɛ̂n kə̂ məɛ̂ ndiki. Anjə kə̂ kâra baa njaa nâ kasə kubba nɛ̂n jo kə̂ ta wal nɛ̂n dəwje ndɔ kusu tə̂ ddəm jo dda kula kə̂ baa ddəm.

Rɔmɛnje 9:22

Lubba ndiki ta tɔju wungu laa ngaâ ta dda karə dəwje gərəje singa-mɔngu laa. A dəwje kə̂ asə karə n̂-dda wungu kə̂ de ngaâ asə karə dingaje yo le n̂-tɔ wure narəde nya.

1 Kɔrɛntinyɛje 1:20

Nje-kəm-karɛ to dda wa? Nje-gərə-Ndu to dda wa? Nje-nɛ̂n-gərə kə̂ bbasinɛn nəənn to dda wa? Lubba dda arə kəm-karɛ kə̂ duninya tə̂ nəənn təl to nɛ̂n-mbə.

1 Kɔrɛntinyɛje 7:16

Əi dɛnɛ̂n kə̂ oo məi tə̂, ə-gərə tokə baânn bba â kaji ngawije wa? Wase əi dingaw kə̂ oo məi tə̂, ə-gərə tokə baânn bba â kaji dɛnɛ̂n ləi wa?

1 Timɔte 6:5

mayn tar kə̂ kɔnyɛ̂ goto horo dəwje tə̂ kə̂ kəjə ləde to kə dɔgɔlɛ̂ ddəm tar kə̂ tɔkɔrɔ goto tade tə̂ ddəm. Dooje kunn-mə karə Lubba to ddəw nɛ̂n-kinga ləde.

2 Timɔte 2:20

Sambe kə̂ n̂-dda kə andə, wase narɛ dɔrɔ â to mə tɔkə kəy tə̂ ang. Sambe kakə kə nangə to mə tɔkə kəy tə̂ le tɔ. Marə sambeje to mba ndɔ kusu, a kəseje to mba dda nɛ̂n kulaje kə̂ baa.

Titə 2:9

Maji karə ə-pa arə bbərəje ooje ta əbbədede mə nɛ̂nje tə̂ tɔyn. Maji karə n̂-sangəje ddəw mba maji kəm əbbədede tə̂, n̂-maynje kə de tar ang,

Jakə 2:20

A əi, dəw kə̂ baa be, maji karə ə-gərə to mə-kunn kə̂ kulɛ̂ goto dda nɛ̂n kâra ang.