Rɔmɛnje 8:39 - Dɔnɔn kə̂ Siki: Tar kə̂ aw arə təbbə

³⁹ singa-mɔnguje kə̂ darâ ang ddəm singa-mɔnguje kə̂ nangə̂ ang ddəm marə nɛ̂n kə̂ Lubba dda to dda ang ddəm. Marə nɛ̂n kâra kə̂ a tinje kə ndiki lə Lubba goto. N̂-tɔjuje ndiki laa le ddəw tə̂ lə Əbbəjeje Jeju-Kristə.

Rɔmɛnje 8:39 ပူးပေါင်းရင်းမြစ်များ

Matiye 24:24

Mba kristəje kə̂ tɔkɔrɔ ang kə njê-kilaje mbər tar kə̂ tɔkɔrɔ ang a ddeeje. Dâ ddaje nɛ̂n-mɔrije kə nɛ̂nje kə̂ dum dɔ dəwje, ta bbo ddəw to a, njê kə̂ Lubba mbərəde kara dâ kərəjede tɔ.

Tar kə̂ Maji kə̂ Jan dda makəturu tə̂ 16:27

mba Bɔy le njaa ndikise. N̂-ndikise mba ə-ndikimje ngaâ ooje məse tə̂ mban to min rɔ Lubba tə̂ bba m-ddee.

Tar kə̂ Maji kə̂ Jan dda makəturu tə̂ 17:26

M-dda marə n̂-gərije ngaâ mâ dda karə n̂-təl n̂-gərije bbay bba karə ndiki kə̂ ə-ndikim to məde tə̂ ngaâ əman kara mee məde tə̂ tɔ.»

Tar kə̂ Maji kə̂ Jan dda makəturu tə̂ 3:16

«Mba Lubba ndiki duninya nya. Yeenn bba nunn Ngonnɛ̂ kə̂ kâra baa narə, karə dəwje tɔyn kə̂ ooje məde tə̂ saa naynje kə kɔrɔ̂ ang, a dingaje təbbə kə̂ to kə ndɔ kə ndɔ.

Rɔmɛnje 1:7

M-dda makəturu nəənn marə sese kə̂ eeje Rɔm, sese tɔyn kə̂ Lubba ndikise ngaâ bbarse arə ə-ddeeje to dəwje laa. Maji karə Bɔjeje Lubba kə Əbbə-dəwje Jeju-Kristə, n̂-ddaje kə se mə-maji ngaâ darəje məse wul lɔm.

Rɔmɛnje 11:33

Mə-maji lə Lubba bo nya! Kəm-karɛ laa kə nɛ̂n-gərə laa bo nya! Nân bba a kasə gərə gəl sariya kə̂ naw gangə wa? Nân bba a kasə gərə ddəw kə̂ naw dda nɛ̂n nɛ̂n wa?

Rɔmɛnje 5:8

A Lubba tɔjuje ndiki kə̂ n̂-ndikije tokə be: Kar tə̂ kə̂ n-naynje mə nɛ̂n-ddaje tə̂ kə̂ maji ang bbay le, Kristə oy mba tar ləje.

Rɔmɛnje 6:23

Mba kuka kə̂ dəw aw inga go majang tə̂ to yo. A mə-maji lə Lubba kə̂ to nɛ̂n-karə-baa le to təbbə kə̂ to kə ndɔ kə ndɔ ddəw ddee tə̂ kə̂ n-ddeeje kâra baa kə Əbbəjeje Jeju-Kristə.

Rɔmɛnje 8:1

Bbasinɛn nəənn, dəwje kə̂ ddaje mə-kâra kə Jeju-Kristə, sariya to dɔde tə̂ ang ngaa.

Rɔmɛnje 8:35

Nân bba a tinje kə ndiki lə Kristə wa? Nɛ̂n-wungu wase kəjə-tar, nɛ̂n-singa kə̂ dəwje aw ddaje kə je, bbo, ndoo, nɛ̂n-bbəəl wase yo wa?

2 Kɔrɛntinyɛje 11:3

A tokə li ərə Ɛbə le, m-bbəəl mba karə kəjə ləse təl turu ngaâ karə awje ddəw əw kə Kristə kə̂ unnje rɔse tɔyn arɛ̂je kə mə-kâra le.

2 Kɔrɛntinyɛje 2:11

Yeenn bba ta kinya karə Satan taa ddəw ləje ang. Mba n-gərə nɛ̂n kə̂ naw sangə kə majɛ̂.

Epɛjinyɛje 1:4

N̂-mbərəje ddəw tə̂ lə Kristə kete bba n̂-dda duninya, karə n-ddee to dəwje kə̂ maji tɔyn ddəm dəwje kə̂ tar to dɔde tə̂ ang ddəm kəmɛ̂ tə̂. Ddəw ndiki tə̂ laa,

Pilipinyɛje 3:12

Məjə to minga nɛ̂n kə̂ m-ndiki le mban ang wase məjə to m-ddee maji tɔyn mban ang. A maw mayn ngɔru bbay, maw nar rɔm ta kuwa nɛ̂n le kə jim, mba əman njaa kara Jeju-Kristə uwam mban.

Pilipinyɛje 3:3

Jeje â juja ganja kə̂ tɔkɔrɔ, mba jaw poloje Lubba ddəw Ndil tə̂ laa, jaw junda guje ddəw tə̂ lə Jeju-Kristə ngaâ junda məje kə dɔ rɔje tə̂ njaa ang.

Pilipinyɛje 3:8

Tɔkɔrɔ, moo nɛ̂njeenn le tɔyn to nɛ̂n kə̂ baa. Tɔkə nɛ̂n-kinga â to ta gərə Əbbəmje Jeju-Kristə. Minya nɛ̂nje tɔyn ɔju dɔ Kristə ngaâ moo nɛ̂n tɔyn tokə lə yərəw mba kinga Kristə le

2 Tesalonisinyɛje 2:4

Ne le, nâ kin ta mbətə nɛ̂nje tɔyn kə̂ dəwje aw poloje kə nɛ̂n tɔyn kə̂ daw bbar nan lubba. Nâ kaw ndərəng kaw kisi mə Kəy-polo Lubba tə̂ ngaâ nâ dda rɔɛ̂ to Lubba njaa.

1 Jan 4:16

Jeje, n-gərəje ndiki kə̂ Lubba ndikije ngaâ jooje məje tə̂ kə ndiki le. Lubba to ndiki. Dəw kə̂ nayn ddəw ndiki tə̂, nayn ddəw mə-kâra tə̂ kə Lubba ddəm Lubba nayn ddəw mə-kâra tə̂ saa ddəm.

1 Jan 4:19

Jeje, ndiki to məje tə̂, mba Lubba ndikije dɔngɔr.

Apokalisi 12:9

Dunn tɔkə da le, ne li kə̂ ləw baa kə̂ daw bbarɛ̂ nan Əsu, Satan, ne nje-kərə dəwje kə̂ dɔ nangə tə̂ tɔyn le, ne kə anjəje laa le n̂-tutade n̂-tilade dɔ nangə tə̂.

Apokalisi 13:14

Nərə dəwje kə̂ dɔ nangə tə̂ ddəw nɛ̂n-mɔrije tə̂ kə̂ darɛ̂ singa karə n̂-dda dɔ kəm da tə̂ kə̂ in mə maann tə̂ tee le, narə dəwje le ddaje marə kɔr kə̂ unn da-rɔ da kə̂ inga do tɔkə kiya, a nayn kəm baa le.

Apokalisi 19:20

Duwa da le kə nje-kila mbər tar kə̂ tɔkɔrɔ ang le. Ne kə̂ dda nɛ̂n-mɔrije nɔɛ̂n tə̂ bba nərə nɛ̂n njê kə̂ əndaji da laa to əngo-nɔnde tə̂ ngaâ aw poloje ətaar laa le. Dungude joo kəm, kəm baa ndakə puru supərə tə̂ kə̂ aw ɔn.

Apokalisi 2:24

«A see kəsə dəwje kə̂ Tiyatir, sese kə̂ ə-mbətəje ta kunn go nɛ̂n-tɔju kə̂ maji ang le ngaâ ə-mbətəje ta ndo nɛ̂n kə̂ dəwje le aw bbarje nan ‹nɛ̂nje lə Satan kə̂ iyaje rɔde› le, mâ kunda marə nɛ̂n-koto dɔse tə̂ ang.

Apokalisi 20:3

Nilɛ̂ tɔkə buwa tə̂ kə̂ sunrɛ̂ goto le ngaâ nutu tɛɛ̂, n̂-lətə ta buwa le dɔɛ̂ tə̂ mba karə nərə gəl-dəwje ang ngaa ndərəng mba bbal doro kâra le. Goe tə̂ a, dâ tute mba marə kar ngaji.

Apokalisi 20:7

Bbo bbal doro kâra le tunga a, dâ kɔru Satan kəy-kula tə̂,