Jaw tɔju kəm-karɛ lə Lubba kə̂ to nɛ̂n kə̂ dum dɔ dəw ngaâ iya rɔɛ̂. Kete bba karə duninya to le, Lubba gɔl kəm-karɛ le tokə kete, ta dda karə jinga nɛ̂n piti laa.
Lubba kə̂ ajije njaa bbarje karə n-ddee to dəwje laa. Mba kula kə̂ maji kə̂ n-dda bba n̂-bbar nɛ̂n je ang. N̂-bbarje mba to nɛ̂n kə̂ n̂-gɔl kete ta dda ddəm mba mə-maji laa ddəm. N̂-dda kə je mə-maji le ddəw tə̂ lə Jeju-Kristə kete bba duninya to.
A gɔl kəy kə̂ mɔngu kə̂ Lubba unda nangə̂ le nayn kə singɛ̂. Tar kə̂ n̂-dda gɔl kəy tə̂ le nan: «Əbbə-dəwje gərə njê kə̂ toje to dəwje laa» ngaâ «Maji karə dəw kə̂ bbar ri Əbbə-dəwje mban, mbətə majang.»
Ngakɔnʼmje kə̂ m-ndikise, kə̂ bbasinɛn nəənn n-toje to ngann lə Lubba ngaa. Ndɔ kə̂ bara a, ja toje tokə baânn wa? Yeenn â n-gərəje ang bbay. A n-gərəje to ndɔ kə̂ Jeju-Kristə ddee a, ja toje tokə ne, mba ja kooeje se n̂-to tokə baânn wa!
Dəwje tɔyn kə̂ dɔ nangə tə̂ a poloje da kə̂ in mə ba-katə tə̂ tee le. To njê kə̂ ləw baa kə̂ Lubba dda duninya, ride goto makəturu təbbə tə̂ lə Ngonn Batə kə̂ n̂-tɔlɛ̂ to nɛ̂n-polo le.