Rɔmɛnje 8:17 - Dɔnɔn kə̂ Siki: Tar kə̂ aw arə təbbə

¹⁷ Yeenn a, bbo n-toje to ngannɛ̂ a, ja kingaje nɛ̂nje kə̂ maji kə̂ Lubba unn ndue ta karə dəwje laa. Ja kingaje nɛ̂nje le naan tə̂ kâra baa kə Kristə. Mba bbo jaw jooje ndoo saa a, ja kingaje piti saa tɔ.

Rɔmɛnje 8:17 ပူးပေါင်းရင်းမြစ်များ

Matiye 16:24

Yeenn bba, Jeju pa arə njê-njaje goe tə̂ nan: «Bbo dəw ndiki ta kuwa gom a, maji karə nəjə rɔɛ̂ ang, maji karə noto kakə-dəsə laa bba ta nuwa gom.

Matiye 25:21

Əbbeeje pa arɛ̂ nan: ‹Maji, ə-to nje-kula kə̂ maji ddəm ə-dda nɛ̂n kə dɔgɔlɛ̂ ddəm. Ə-dda nɛ̂n kə dɔgɔlɛ̂ kə nɛ̂n kə̂ tɛn baa kə̂ mari. Yeenn a, mâ kinya nɛ̂nje kə̂ bo jii tə̂. Ə-ddee arə rɔi nəəli səm.›

Luku 12:32

Sese kə̂ ə-toje tokə lə nɛ̂n-kuulje kə̂ banya ang le ə-bbəəlje ang, mba Bɔsese oo maji ta karəse Bbe-kɔn le.»

Luku 24:26

Maji karə Kristə le oo ndoo tokə baann kete bba karə ninga piti ji Lubba tə̂ ang wa?»

Tar kə̂ Maji kə̂ Jan dda makəturu tə̂ 17:24

Bɔy, əi â arəm dəwje le, yeenn bba m-ndiki karə deeje səm lo tə̂ kə̂ mee tə̂. Baann bba karə dooje piti kə̂ ə-pitim, mba ə-ndikim kete bba ə-dda duninya.

Kulaje 14:22

Mə bbeje tə̂ənn, n̂-ndəjəje njê-mə-kunnje karə duwaje mə-kunn ləde darə ngəng. N̂-paje nan: «Maji karə joo ndoo nya mba kandə nɛ̂n mə Bbe-kɔn tə̂ lə Lubba.»

Kulaje 20:32

«A bbasinɛn minyase ji Lubba tə̂ kə tar mə-maji tə̂ laa kə̂ asə ta dda karə ə-sangəje ddəm karə ingaje nɛ̂nje kə̂ maji kə̂ n̂-gɔl mba dəwje laa ddəm.

Kulaje 26:18

Mulai rɔde tə̂ karə ə-təəyn kəmde ta ɔrude lo ndul tə̂ ə-tee kə de lo-karɛ tə̂. Karə ɔrude ji Satan tə̂ kə̂ ɔn dɔde ə-ddee kə de rɔ Lubba tə̂. Yeenn bba Lubba a kɔru tar majang ləde dɔde tə̂ ngaâ dâ kingaje lo horo dəwje tə̂ kə̂ ooje məde tə̂ səm kə̂ majije tɔyn.› »

Rɔmɛnje 5:17

Tɔkɔrɔ, yo aw ubba singa dɔ dəwje tə̂ mba dəw kâra kə majang lə dəw kâra. A ddəw tə̂ lə dəw kâra kə̂ to Jeju-Kristə, dəwje ingaje nɛ̂n uta dɔɛ̂. Bbo baann a, ddi bba a kɔku ddəw karə dede tɔyn kə̂ Lubba dda kə de mə-maji nya ddəm dda arə n̂-ddeeje gatə gatə kəmɛ̂ tə̂ ddəm, disije kə təbbə ngaâ dɔnje mbay ddəw tə̂ lə Kristə wa?

Rɔmɛnje 8:3

Lubba dda nɛ̂n kə̂ ndu lə Mɔyijə asə ta dda ang, mba da-rɔ dəw kə̂ ubba singa ang dda arə Ndu le dda kula ang. Nɛ̂n kə̂ Lubba dda le to Ngonnɛ̂ njaa kə̂ nulɛ̂ narə unn da-rɔ kə̂ to tokə da-rɔ dəw kə̂ to nje-nɛ̂n-dda kə̂ maji ang, mba kɔru nɛ̂n dəwje mə majang tə̂. Ddəw tə̂ənn le. Lubba gangə sariya dɔ majang tə̂ kə̂ to mə da-rɔ dəwje tə̂.

1 Kɔrɛntinyɛje 2:9

Ddəw kâra baa tokə Makəturu lə Lubba pa tarɛ̂ nan: «Nɛ̂n kə̂ kəm dəw oo ang ddəm mbi dəw oo ang ddəm Nɛ̂n kə̂ dəw əjə ndɔ kâra ang, Lubba gɔl mba dəwje kə̂ ndikeje.»

2 Kɔrɛntinyɛje 1:5

Ddəw kâra baa tokə jaw joo ndoo nya kə Kristə le, Kristə kara aw dda arə məje aw wul nya tɔ.

2 Kɔrɛntinyɛje 1:7

Jaw junda məje dɔse tə̂ nya. Mba n-gərə to ndoo kə̂ jaw joo le ooje kə je tɔ arə məse a wul kə je tɔ.

Galatəje 3:29

Bbo ə-toje to ənga Kristə a, yeenn pa nan, ə-toje to ngaka Abaraham. Ə-toje to dəwje kə̂ Lubba unn ndue ta karəse nɛ̂n le.

Galatəje 4:7

Yeenn a, ə-to bbərə ang ngaa, ə-to Ngonn lə Lubba. A bbo ə-to Ngonn lə Lubba a, nɛ̂nje kə̂ Lubba gɔl mba karə ngannɛ̂ le to mbai tɔ.

Epɛjinyɛje 3:6

Nɛ̂n kə̂ to lo-kiyɛ̂ tə̂ le tokə be: Ddəw Tar tə̂ kə̂ Maji, Lubba gɔl dəwje kə̂ toje to Jiipije ang karə ingaje nɛ̂nje kə̂ n̂-gɔl mba Jiipije naan tə̂ kə de. N̂-ddeeje to da-rɔ kə̂ kâra baa ngaâ nɛ̂n kə̂ Lubba unn ndue ta karə ddəw tə̂ lə Jeju-Kristə to mbade tɔ.

Pilipinyɛje 1:29

Mba Lubba dda kə se mə-maji karə ooje məse tə̂ kə Kristə njaa a bbayɛ̂ ang, n̂-dda kə se mə-maji karə ooje ndoo mbɛɛ̂ tɔ.

Pilipinyɛje 3:10

Nɛ̂n kə̂ m-ndiki kâra baa njaa to gərə Kristə kə gərə singa-mɔngu kə̂ noy, a ndole, ta koo ndoo saa ngaâ ta ddee tokə laa ddəw yo tə̂ kə̂ noy.

Kolosinyɛje 1:24

Bbasinɛn maw dda rɔ-nəəl mba ndoo kə̂ maw moo mba tar ləse. Ngaâ, maw moo kəsə ndoo lə Kristə mba Egilisi kə̂ to da-rɔɛ̂.

Titə 3:7

Yeenn a, ddəw mə-maji tə̂ laa le n̂-dda narə n-ddeeje gatə gatə kəmɛ̂ tə̂ ddəm karə jingaje təbbə kə̂ to kə ndɔ kə ndɔ kə̂ junda məje dɔɛ̂ tə̂ le ddəm.

Ebərəje 1:14

Anjəje tɔyn toje to ndilje kə̂ aw ddaje kula arə Lubba. Naw nulade narə daw dumanje dəwje kə̂ n̂-ndiki ta kajide.

Ebərəje 1:2

A bbasinɛn, ddutu ndɔje tə̂ nəənn, Lubba pa kə je tar ddəw tə̂ lə Ngonnɛ̂. Ddəw tə̂ lə Ngonnɛ̂ le â n̂-dda nɛ̂nje tɔyn ngaâ nunn ngonnɛ̂ le karə ddee to nje-nɛ̂nje tɔyn.

Ebərəje 6:17

Ddəw kâra baa, Lubba ndiki ta tɔju dəwje kə̂ nunn ndue narəde le to, ndue le a turu ndɔ kâra ang. Yeenn bba nunda yo.

Jakə 2:5

Ngakɔnʼmje kə̂ m-ndikise nya, ooje tar nəənn: Lubba mbərə dəwje kə̂ dəwje kə̂ duninya tə̂ nəənn oojede to njê-ndooje, ta karə n̂-ddeeje to njê-nɛ̂n-kingaje ddəw mə-kunn tə̂ ddəm ta karə Bbe-kɔn kə̂ Lubba unn ndue ta karə dəwje kə̂ ndikeje le ddee to ləde ddəm.

1 Piyɛr 1:4

ta kinga nɛ̂nje kə̂ Lubba ngəm mba dəwje laa. To nɛ̂nje kə̂ a tujuje ang ddəm nɛ̂n-yərəw a kɔru ang ddəm ndoko ləde a goto ang ddəm. Lubba ngəm nɛ̂nje le arəse darâ,

1 Piyɛr 4:13

A maji karə ə-ddaje rɔ-nəəl, mba aw ooje ndoo kə Kristə, ta bbo ndɔ kə̂ ooje piti laa a, sese kara rɔse nəəlse nya.

Apokalisi 21:7

Dəw kə̂ tətə ddɔ a, mâ karə nɛ̂njeenn le ddeeje to laa. Mâ to Lubba laa ngaâ nâ to ngonnəm.

Apokalisi 3:21

Dəw kə̂ tətə ddɔ a, mâ karɛ ddəw karə nisi səm dɔ ngende-mbay tə̂ ləm tokə m-tətə ddɔ ngaâ maw misi kə Bɔmje dɔ ngende-mbay tə̂ laa le.