Rɔmɛnje 7:5 - Dɔnɔn kə̂ Siki: Tar kə̂ aw arə təbbə

⁵ Ləw kə̂ jaw ddaje nɛ̂nje kə̂ məje ndiki le Ndu dda arə bbo kə̂ da-rɔje tə̂ ndasəje arə n-ddaje majang kə̂ aw aw kə̂ je karə jinga yo.

Rɔmɛnje 7:5 ပူးပေါင်းရင်းမြစ်များ

Matiye 15:19

Mba kəjəje kə̂ maji ang aw inje bbəngərə dəw tə̂: Tɔl dəw, lo-to-majang, dda kaya, bboko, tar-naji kə̂ to kə dɔgɔlɛ̂ ang, nanɛn kə naan.

Tar kə̂ Maji kə̂ Jan dda makəturu tə̂ 3:6

Dəw kə̂ duje to kuju baa to dəw da-rɔ, a dəw kə̂ Ndil â uje, to ndil.

Rɔmɛnje 1:26

Mba yeenn bba, Lubba tusude inyade arə n̂-ddaje nɛ̂nje kə̂ bboe uta dɔde kə̂ aw arəde rɔ-kul. Dɛnɛ̂nje ləde inyaje dingawje, a dɛnɛ̂n marədeje â aw ddaje lo-to-majang kə de. Yeenn to nɛ̂nje kə̂ dəw asə ta dda ang.

Rɔmɛnje 3:20

Mba yeenn bba, dəw kâra kə̂ a dda nɛ̂n kə turu Ndu ta to nɛ̂n gatə gatə kəm Lubba tə̂ goto. Tɔkɔrɔ, Ndu arə ddəw dəw ta gərə majang laa njaa, a bbayɛ̂.

Rɔmɛnje 4:15

Mba Ndu dda arə wungu dɔrɔ â aw ɔn Lubba. A lo kə̂ Ndu goto tə̂, nje-mbətə Ndu goto tə̂ tɔ.

Rɔmɛnje 5:20

Ndu ddee mba karə majangje ddeeje tokə banya. A lo kə̂ majang banya tə̂, mə-maji lə Lubba bo tə̂ kə kete kete bbay tɔ.

Rɔmɛnje 6:13

Unnje dəbbə rɔse kâra ilaje majang tə̂ ang ngaa, mba a təl to nɛ̂n-dda kula kə̂ gatə gatə ang. A unnje rɔse arəje Lubba tokə dəwje kə̂ oyje bba ndolje. Unnje rɔse tɔyn ilaje kula tə̂ lə Lubba karə rɔse le təl to nɛ̂n kə̂ ta dda nɛ̂n kula kə̂ gatə gatə.

Rɔmɛnje 6:19

Munn nɛ̂n-kɔju-marɛ̂ dɔ dəwje tə̂ bba maw pa nɛ̂n tar nəənn, mba ə-gərəje nɛ̂n tɔyn kə majɛ̂ ang bbay. Dɔngɔr, unnje rɔse tɔyn tokə lə bbərəje ə-ddaje nɛ̂n kula yərəw kə nɛ̂n kə ngabula. Nɛ̂njeenn le aw ddaje arə aw mbətəje ta Lubba. Yeenn a, bbasinɛn maji karə unnje rɔse tɔyn to bbərəje ə-ddaje nɛ̂n kula kə̂ gatə gatə bba karə isije to dəwje kə̂ ngəmje rɔde dang mba Lubba.

Rɔmɛnje 6:21

Nɛ̂nje kə̂ ə-ddaje ləw arə to rɔ-kul ləse bbasinɛn nəənn le ddi â ingaje tə̂ wa? Nɛ̂njeenn le aw aw kə dəw karə inga yo.

Rɔmɛnje 6:23

Mba kuka kə̂ dəw aw inga go majang tə̂ to yo. A mə-maji lə Lubba kə̂ to nɛ̂n-karə-baa le to təbbə kə̂ to kə ndɔ kə ndɔ ddəw ddee tə̂ kə̂ n-ddeeje kâra baa kə Əbbəjeje Jeju-Kristə.

Rɔmɛnje 7:23

A moo marə ndu kə̂ dang da-rɔm tə̂ kə̂ aw dda ddɔ kə nɛ̂n kə̂ nɛ̂n-gərə ləm tɔjum arə m-ndiki tə̂. Nɛ̂n le ddam arə m-ddee to bbərə lə singa-mɔngu lə majang kə̂ to məm tə̂.

1 Kɔrɛntinyɛje 15:56

Nɛ̂n kə̂ yo aw tɔl nɛ̂n dəwje to majang, a ndu aw dda arə majang aw inga singa.

2 Kɔrɛntinyɛje 10:3

N-toje to dəwje ddəw da-rɔ tə̂ njaa, a jaw ddaje ddɔ ddəw da-rɔ tə̂ ang.

Galatəje 3:10

A ndu-ndɔɔl to dɔ dəwje tə̂ tɔyn kə̂ aw undaje məde dɔ ngəm Ndu tə̂. Mba Makəturu lə Lubba pa nan: «Tarje tɔyn kə̂ to Makəturu-Ndu tə̂, bbo dəw ngəm ang ddəm dda nɛ̂n kula ang ddəm a, Ndu-ndɔɔl to dɔɛ̂ tə̂.»

Galatəje 5:24

Dəwje kə̂ toje to ənga Jeju-Kristə ddaje arə bboje kə̂ da-rɔde tə̂ oy kakə-dəsə tə̂ mban.

Epɛjinyɛje 2:11

Sese kə̂ dujuse to Jiipije ang le, Jiipije kə̂ dəwje â ujade ganja ndikije karə dəwje bbarde to njê-ganjaje. A daw bbarse to «njê-kuja ganja ang».

Epɛjinyɛje 2:3

Ləw, jeje tɔyn njaa jee horo dəwje tə̂ənn le mba jaw nja ddəw bbo kə̂ da-rɔ tə̂: Jaw dda nɛ̂nje ddəw bbo kə̂ da-rɔje tə̂ kə ddəw kəjəje tə̂ ləje kə̂ maji ang. Jeje kara, n-to ddəw kâra baa kə kəsə dəwje kə̂ asə karə wungu lə Lubba to dɔde tə̂.

Kolosinyɛje 3:5

Mba yeenn bba, maji karə arəje bbo nɛ̂nje kə̂ nangə̂ nəənn oy rɔse tə̂ kə ddang. Nɛ̂nje tokə: Kaya, nɛ̂n-yərəw, dda bbo nɛ̂n karə uta dɔɛ̂, dda bbo nɛ̂nje kə̂ maji ang, kunda kəm-nda kə̂ to ddəw kâra baa kə polo kɔr.

Titə 3:3

Mba jeje njaa kara, ləw toje to mbəje, n-toje to njê-dɔ-ngəngje, n-ndəəmje ddəw, bbo nɛ̂nje kə rɔ-nəəlje dang dang uta dɔje. Jaw ddaje majang ngaâ məje aw maji ang dɔ njê-marəjeje tə̂, n-nəəl kəm dəwje tə̂ ang ngaâ n-mbətəje naan tɔ.

Jakə 1:15

Goe tə̂ a, bbo kə̂ da-rɔ tə̂ le uwa səm ngaâ uju majang, majang le bbo tɔkə a, aw kə dəw arə oy.

Jakə 4:1

Ddɔje kə kɔlje kə̂ toje horose tə̂ inje dda wa? Dinje mə bbo nɛ̂nje tə̂ kə̂ to məse tə̂ ngaâ aw ddaje ddɔ rɔse tə̂.

1 Jan 3:4

Dəw kə̂ aw dda majang to nje-mbətə ndu Lubba, mba majang to mbətə ndu.