Rɔmɛnje 6:23 - Dɔnɔn kə̂ Siki: Tar kə̂ aw arə təbbə

²³ Mba kuka kə̂ dəw aw inga go majang tə̂ to yo. A mə-maji lə Lubba kə̂ to nɛ̂n-karə-baa le to təbbə kə̂ to kə ndɔ kə ndɔ ddəw ddee tə̂ kə̂ n-ddeeje kâra baa kə Əbbəjeje Jeju-Kristə.

Rɔmɛnje 6:23 ပူးပေါင်းရင်းမြစ်များ

Matiye 25:46

Dâ kaw koo ndoo kə ndɔ kə ndɔ, a njê kə̂ ddaje nɛ̂n kə̂ mə Lubba ndiki le a kisije kə təbbə kə̂ to kə ndɔ kə ndɔ.»

Tar kə̂ Maji kə̂ Jan dda makəturu tə̂ 10:28

Marəde təbbə kə̂ to kə ndɔ kə ndɔ, dâ koyje ndɔ kâra ang ddəm dəw kâra a kɔrude jim tə̂ ang ddəm.

Tar kə̂ Maji kə̂ Jan dda makəturu tə̂ 17:2

Mba arə Ngonni singa dɔ dəwje tə̂ tɔyn, karə dəwje kə̂ ungude mə jia tə̂ le, narəde təbbə kə̂ to kə ndɔ kə ndɔ.

Tar kə̂ Maji kə̂ Jan dda makəturu tə̂ 3:36

Dəw kə̂ oo məɛ̂ tə̂ kə Ngonn ee kə təbbə kə̂ to kə ndɔ kə ndɔ. A dəw kə̂ mbətə ta koo məɛ̂ tə̂ kə Ngonn a kinga təbbə le ang. Wungu lə Lubba nayn dɔɛ̂ tə̂.»

Tar kə̂ Maji kə̂ Jan dda makəturu tə̂ 4:14

A dəw kə̂ a kay maann kə̂ mâ karɛ̂, kunda a kɔɛ̂n ndɔ kâra ang ngaa. Maann kə̂ mâ karɛ̂ le a təl to kəy-maann kə̂ aw arə təbbə kə̂ to kə ndɔ kə ndɔ.»

Tar kə̂ Maji kə̂ Jan dda makəturu tə̂ 4:36

Nje-kuja kandə-ko inga kuka laa mban. Naw mbɔn kandə-ko le mba kisi nɛ̂n kə təbbə kə̂ to kə ndɔ kə ndɔ. Yeenn bba karə nje-dubbu ko kə nje-kuja ko, dede joo kəm rɔde nəəlde.

Tar kə̂ Maji kə̂ Jan dda makəturu tə̂ 5:24

«Tɔkɔrɔ njaa m-pa marəse: Dəw kə̂ oo tar ləm ngaâ unn məɛ̂ arə dəw kə̂ ulam a, nâ kisi kə təbbə kə̂ to kə ndɔ kə ndɔ. Dâ gangə sariya dɔɛ̂ tə̂ ang, n̂-tee ta yo tə̂ ninga təbbə mban.

Tar kə̂ Maji kə̂ Jan dda makəturu tə̂ 6:27

Maji karə nɛ̂n-kusa kə̂ aw tuju â ə-ddaje kula mbɛɛ̂ ang. Maji karə ə-ddaje kula mba nɛ̂n-kusa kə̂ aw to kə ndɔ kə ndɔ ngaâ aw arə təbbə kə̂ to kə ndɔ kə ndɔ. Nɛ̂n-kusa kə̂ to kə ndɔ kə ndɔ le Ngonn lə dəw â, a karəse. Mba, ne â Lubba kə̂ Bɔ arɛ̂ singa.»

Tar kə̂ Maji kə̂ Jan dda makəturu tə̂ 6:40

Nɛ̂n kə̂ mə Bɔmje ndiki â nəənn: Karə dəwje tɔyn kə̂ ooje Ngonn le ngaâ ooje məde tə̂ saa, ingaje təbbə kə̂ to kə ndɔ kə ndɔ. Ngaâ əman, ddutu ndɔ tə̂ a, mâ ndolde.»

Tar kə̂ Maji kə̂ Jan dda makəturu tə̂ 6:68

Simɔn Piyɛr ilɛ̂ tə̂ nan: «Əbbə-dəwje, nân bba ja kaw rɔɛ̂ tə̂ wa? Əi â, tar kə̂ aw arə təbbə kə̂ to kə ndɔ kə ndɔ to tai tə̂.

Rɔmɛnje 1:32

N̂-gərəje sariya-yo kə̂ Lubba aw gangə dɔ dəwje tə̂ kə̂ baann kə majɛ̂, a daw ddaje nɛ̂njeenn le ddəm n̂-ndikije tə̂ kə dəwje kə̂ aw ddaje nɛ̂njeenn le ddəm.

Rɔmɛnje 2:7

Marə dəwje sangəje ddəw ta dda maji kə ndɔ tɔyn mba karə Lubba pitide, karə n̂-walde ngaâ karə narəde təbbə kə̂ a tuju ang. Lubba a karəde təbbə kə̂ to kə ndɔ kə ndɔ.

Rɔmɛnje 5:12

Majang ddee duninya tə̂ ddəw tə̂ lə dəw kâra kə̂ ria nan Adam. Ngaâ majang le ddee kə yo. Yeenn bba yo aw tɔl dəwje tɔyn, mba dəwje tɔyn ddaje majang.

Rɔmɛnje 5:17

Tɔkɔrɔ, yo aw ubba singa dɔ dəwje tə̂ mba dəw kâra kə majang lə dəw kâra. A ddəw tə̂ lə dəw kâra kə̂ to Jeju-Kristə, dəwje ingaje nɛ̂n uta dɔɛ̂. Bbo baann a, ddi bba a kɔku ddəw karə dede tɔyn kə̂ Lubba dda kə de mə-maji nya ddəm dda arə n̂-ddeeje gatə gatə kəmɛ̂ tə̂ ddəm, disije kə təbbə ngaâ dɔnje mbay ddəw tə̂ lə Kristə wa?

Rɔmɛnje 5:21

Ddəw kâra baa tokə majang ee kə singa ta kaw kə dəwje karə ingaje yo le, mə-maji lə Lubba ee kə singa mba dda karə dəwje ddeeje gatə gatə kəmɛ̂ tə̂, ta karə dingaje təbbə kə̂ to kə ndɔ kə ndɔ ddəw tə̂ lə Əbbəjeje Jeju-Kristə.

Rɔmɛnje 6:16

Ə-gərəje ang wa? Bbo unnje rɔse to bbərə lə marə dəw ta koo tɛɛ̂ a, ə-ddeeje to bbərə lə dəw kə̂ aw ooje tɛɛ̂ le. Ddəw kâra baa, bbo unnje rɔse ilaje majang tə̂ a, majang le a kaw kə se karə oyje. A bbo unnje rɔse ta koo ta Lubba a, Lubba a dda karə ə-ddeeje to dəwje kə̂ gatə gatə.

Rɔmɛnje 6:21

Nɛ̂nje kə̂ ə-ddaje ləw arə to rɔ-kul ləse bbasinɛn nəənn le ddi â ingaje tə̂ wa? Nɛ̂njeenn le aw aw kə dəw karə inga yo.

Rɔmɛnje 8:13

Mba bbo ə-njaje ddəw da-rɔ tə̂ a, â koyje. A bbo ə-njaje ddəw tə̂ lə Ndil-mə-nda ngaâ arəje nɛ̂n-ddaje kə̂ maji ang kə̂ rɔse tə̂ oyje a, â kisije kə təbbə.

Rɔmɛnje 8:38

Tɔkɔrɔ, m-gərə kə majɛ̂ to marə nɛ̂n kə̂ a tinje kə ndiki laa goto. Yo ang ddəm təbbə ang ddəm anjəje ang ddəm marə ndilje kə̂ maji ang kə̂ darâ kə̂ ɔn dɔ dəwje ang ddəm nɛ̂n kə̂ bbokənɛn nəənn ang ddəm nɛ̂n kə̂ mə ndɔje tə̂ kə̂ aw ddee ang ddəm

Rɔmɛnje 8:39

singa-mɔnguje kə̂ darâ ang ddəm singa-mɔnguje kə̂ nangə̂ ang ddəm marə nɛ̂n kə̂ Lubba dda to dda ang ddəm. Marə nɛ̂n kâra kə̂ a tinje kə ndiki lə Lubba goto. N̂-tɔjuje ndiki laa le ddəw tə̂ lə Əbbəjeje Jeju-Kristə.

Rɔmɛnje 8:6

Dəw kə̂ kəjə laa to kə dɔ bboje tə̂ kə̂ da-rɔ tə̂ a kinga yo. A dəw kə̂ kəjə laa to kə̂ dɔ nɛ̂n tə̂ kə̂ Ndil-mə-nda ndiki a kinga təbbə kə mə-wul-lɔm.

Galatəje 3:10

A ndu-ndɔɔl to dɔ dəwje tə̂ tɔyn kə̂ aw undaje məde dɔ ngəm Ndu tə̂. Mba Makəturu lə Lubba pa nan: «Tarje tɔyn kə̂ to Makəturu-Ndu tə̂, bbo dəw ngəm ang ddəm dda nɛ̂n kula ang ddəm a, Ndu-ndɔɔl to dɔɛ̂ tə̂.»

Titə 1:2

Yeenn bba dâ kundaje məde to dingaje təbbə kə̂ to kə ndɔ kə ndɔ. Lubba kə̂ ərə ngəm ndɔ kâra ang unn ndue ləw baa nu ta karəje təbbə kə̂ to kə ndɔ kə ndɔ le.

Jakə 1:15

Goe tə̂ a, bbo kə̂ da-rɔ tə̂ le uwa səm ngaâ uju majang, majang le bbo tɔkə a, aw kə dəw arə oy.

1 Jan 2:25

Ooje, nɛ̂n kə̂ Kristə unn ndue ta karəje â to təbbə kə̂ to kə ndɔ kə ndɔ.

Apokalisi 21:8

A njê-bbəəlje, njê kə̂ tusuje mə-kunn inyaje, njê-nɛ̂n-ddaje kə̂ maji ang, njê-tɔlje dəwje, njê-ddaje lo-to-majang, njê-maalje, njê-poloje kɔr kə njê-ngəmje tɔyn, lo ləde to mə ndakə puru kə supərə tə̂. Yeenn to yo kə̂ gɔl joo laa.»