Dəwje le ooje tarjeenn le a, əwje rɔde ngaâ ɔsuje gaji Lubba paje nan: «Lubba arə ddəw dəwje kə̂ toje to Jiipije ang karə n̂-turuje məde mba kinga nɛ̂n təbbə tɔ.»
Ddəw tə̂ lə Jeju le, Lubba dda səm mə-maji karə m-ddee to nje-kaw-kula, ta dda karə kəsə gəl-dəwje tɔyn ooje məde tə̂ saa ngaâ ta dooje tɛɛ̂ mba ri Kristə.
A njê kə̂ ddaje dɔ-kətərə saa, mbətəje tar kə̂ tɔkɔrɔ ngaâ aw ddaje bbərə lə nɛ̂n kə̂ gatə gatə ang, Lubba a karə wungu laa kə̂ to bbəəl nya oso dɔde tə̂.
Ngakɔnʼmje, bbo m-tee horose tə̂ ngaâ maw pa kəsə tar kə ndɔn-tarje kə̂ dəw gərə ang a, ddi kə̂ maji â, â kingaje ddəw tə̂ ləm wa? Maji karə m-pa tar nɛ̂n kə̂ Lubba tɔjum marəse, m-pa tar nɛ̂n-gərə marəse, m-ndaji tar kə̂ ta Lubba tə̂ marəse wase m-tɔjuse nɛ̂n bba a dda kə se maji.
Ngakɔnje, to tar ləje ta karə wooyo Lubba kə kar tɔyn mbase. To nɛ̂n kə to kə dɔgɔlɛ̂ njaa. Mba mə-kunn ləse aw bo kə kete kete ngaâ aw ndikije naan kə kete kete.
Ddəw mə-kunn tə̂ â Abaraham oo ta Lubba kə̂ bbarɛ̂ ngaâ ɔtu aw nangə tə̂ kə̂ Lubba a ta karɛ̂ to laa. Naw njaa baann, bbo n̂-gərə lo kə̂ naw naw tə̂ le ang.
A sese, ə-toje to dəwje kə̂ Lubba mbərəse, ə-toje to njê-poloje lə tɔkə mbay. Ə-toje to gəl-dəwje kə̂ majije tɔyn, dəwje kə̂ Lubba uka dɔse ta karə ilaje mbər nɛ̂nje kə̂ maji nya kə̂ n̂-dda, ne kə̂ n̂-bbarse narə inje lo ndul tə̂ ə-teeje lo-karɛ tə̂ kə̂ dum dɔ dəwje le.
See dɛnɛ̂nje, sese kara maji karə ooje ta ngawsese. Yeenn bba karə, bbo marɛ̂je horode tə̂ mbətəje ta koo məde tə̂ kə Lubba kara, pa-nja ləse njaa a dda karə dooje məde tə̂ bbo â paje tar lə Lubba karəde ang ngaa,
Kar gangə sariya asə ngaa. Sariya le a kunn-kute dɔ dəwje tə̂ lə Lubba. A bbo jeje â sariya le unn kute dɔje tə̂ a, njê kə̂ mbətəje Tar kə̂ Maji le, ləde a to tokə baânn wa?
Minga rɔ-nəəl nya ddəw tə̂ ləi, mba marə ngakɔnjeje teeje nəənn ngaâ n̂-paje tar-naji ləi nan ə-nayn ddəw tar tə̂ kə̂ tɔkɔrɔ ngaâ aw nja ddəw tar tə̂ kə̂ tɔkɔrɔ le.