Rɔmɛnje 5:5 - Dɔnɔn kə̂ Siki: Tar kə̂ aw arə təbbə

⁵ Məje kə̂ jundaje dɔ Lubba tə̂ le a dda karə rɔje wul ang, mba Lubba arə Ndil-mə-nda kə̂ narəje le ula ndiki laa məje tə̂ tokə bo.

Rɔmɛnje 5:5 ပူးပေါင်းရင်းမြစ်များ

Kulaje 10:45

Njê-mə-kunnje kə̂ toje to Jiipije kə̂ dannje Piyɛr le dɔde ayn, mba dooje a, Lubba arə Ndil-mə-nda dəwje kə̂ toje to Jiipije ang tɔ.

Kulaje 2:17

‹Lubba pa nan: ddutu ndɔ a, mâ sanrɛ Ndil ləm dɔ dəwje tə̂ tɔyn, ngannse kə̂ dingaw kə ngannse kə̂ dɛnɛ̂n a təlje to njê-kilaje mbər tar ləm, ngann basanje ləse a kooje nɛ̂n tokə lə nin, bbukaje ləse a ninje.

Kulaje 2:33

Lubba unnɛ̂ undɛ̂ dɔ ji-kɔlɛ̂ tə̂ darâ. Ninga Ndil-mə-nda kə̂ Bɔ unn ndue ta karə le ngaâ n̂-sanrɛ Ndil le dɔje tə̂ ddəw kâra baa tokə aw ooje kə kəmse ddəm kə mbise ddəm nəənn.

Rɔmɛnje 1:7

M-dda makəturu nəənn marə sese kə̂ eeje Rɔm, sese tɔyn kə̂ Lubba ndikise ngaâ bbarse arə ə-ddeeje to dəwje laa. Maji karə Bɔjeje Lubba kə Əbbə-dəwje Jeju-Kristə, n̂-ddaje kə se mə-maji ngaâ darəje məse wul lɔm.

Rɔmɛnje 8:28

N-gərəje to nɛ̂nje tɔyn aw mbɔnje naan ta dda maji kə dəwje kə̂ ndikije Lubba, dede kə̂ Lubba bbarde ddəw nɛ̂n tə̂ kə̂ n̂-gɔl tokə kete.

Rɔmɛnje 9:33

tokə Makəturu lə Lubba pa nan: «Ooje, mila marə ər kə̂ dəwje a tukaje gɔlde tə̂ tɔkə bbe tə̂ kə̂ Sinyɔ, tɔkə ər kə̂ a dda karə dəwje tosoje, dəw kə̂ unn məɛ̂ arɛ̂ a, rɔ-kul a kɔru kəmɛ̂ ang.»

1 Kɔrɛntinyɛje 8:3

 bbo dəw ndiki Lubba a, Lubba a gəre.

2 Kɔrɛntinyɛje 1:22

Nula Ndil-mə-nda məje tə̂ to əndaji laa, ta nginan nɛ̂n kəsə nɛ̂nje kə̂ n̂-gɔl mba tar ləje.

2 Kɔrɛntinyɛje 3:18

Jeje tɔyn kə̂ marə nɛ̂n ɔnn kəmje ang, ndoko lə Əbbə-dəwje aw təəl rɔje tə̂ tokə lə nɛ̂n-koo-rɔ. N̂-turuje narə n-to tokə laa, jaw ndoko kə kete kete tokə lə Əbbə-dəwje kə̂ to Ndil.

2 Kɔrɛntinyɛje 4:6

Mba Lubba kə̂ pa nan: «Maji karə lo ndoko lo tə̂ kə̂ ndul» le, ne njaa n̂-ndoko məje tə̂, ta dda karə joo ndoko laa kə̂ aw ndoko kəm Kristə tə̂.

Galatəje 4:6

Lubba ula Ndil lə Ngonnɛ̂ məje tə̂ ta tɔju to n-to ngannɛ̂ njaa. Ndil le aw uru əkii nan: «Aba», kandə tar le nan «Bɔy!»

Galatəje 5:22

A nɛ̂nje kə̂ Ndil-mə-nda aw ddee nɛ̂n to: Ndiki naan, rɔ-nəəl, mə-wul-lɔm, tɔ-wur, mə-maji, dda maji kə dəwje, mə-kunn,

Epɛjinyɛje 1:13

Ddəw tə̂ lə Kristə le tɔ a, sese kara ooje nɛ̂n tar kə̂ tɔkɔrɔ, Tar kə̂ Maji kə̂ ajise, ooje məse tə̂ kə Kristə ngaâ Lubba uja əndaji rɔse tə̂. Əndaji le to Ndil-mə-nda kə̂ nunn ndue ta karə le.

Epɛjinyɛje 4:30

Maji karə ulaje wungu mə Ndil-mə-nda tə̂ kə̂ Lubba arəse le ang. Ndil-mə-nda to tokə əndaji kə̂ Lubba unda rɔse tə̂ ta tɔju to marə ndɔ a, nâ kɔruse mə majang tə̂ tɔyn njaa kə ddang.

Pilipinyɛje 1:20

Nɛ̂n kə̂ maw ngəbbə kə̂ munda məm dɔɛ̂ tə̂ nya dda arə rɔm a wul ang. A unn kute bbokənɛn nyɔm kə ləw, bbo misi kəm baa wase moy kara, pa-nja ləm a tɔju to Kristə le to nje-tɔkə-mbangə.

1 Tesalonisinyɛje 4:8

Yeenn bba bbo dəw kə̂ mbətə nduje nəənn a, to dəw â n̂-mbəte ang, Lubba kə̂ arəse Ndil-mə-nda laa â n̂-mbəte.

2 Tesalonisinyɛje 2:16

Bɔjeje Lubba ndikije ngaâ ddəw mə-maji tə̂ laa n̂-dda narə jubba singa kə ndɔ tɔyn ngaâ narə junda məje dɔɛ̂ tə̂ kə majɛ̂. Yeenn a, n-dujude, ne de kə Əbbəjeje Jeju-Kristə njaa karə

2 Timɔte 1:12

Gəle kə̂ nəənn le bba maw moo nɛ̂n ndoo. A rɔ-kule ddam ang, mba m-gərə dəw kə̂ munn məm marɛ̂ le kə majɛ̂ ngaâ m-gərə kə majɛ̂ to nee kə singa ta ngəm nɛ̂n kə̂ ninya mə jim tə̂ ndərəng ddutu ndɔ tə̂.

1 Jan 4:19

Jeje, ndiki to məje tə̂, mba Lubba ndikije dɔngɔr.