Rɔmɛnje 4:21 - Dɔnɔn kə̂ Siki: Tar kə̂ aw arə təbbə

²¹ N̂-gərə kə majɛ̂ to nɛ̂n kə̂ Lubba unn ndue ta dda le nee kə singa ta dda njaa.

Rɔmɛnje 4:21 ပူးပေါင်းရင်းမြစ်များ

Matiye 19:26

Jeju aade ngaâ pa arəde nan: «Nɛ̂ɛnn, to nɛ̂n kə̂ nya dəwje. A Lubba asə ta dda nɛ̂n tɔyn.»

Luku 1:1

Dəw kə̂ bo Topil, marə nɛ̂nje njaje horoje tə̂ ngaâ marə dəwje kə̂ ooje nɛ̂nje le kə kəmde, kunn-kute tə̂ njaa paje arəjeje. Dede kə̂ dooje nɛ̂nje le kə kəmde le n̂-təlje n̂-ddeeje to njê-paje tar lə Lubba. Yeenn bba dəwje nya unnje kutu dda makəturu mba kɔru nɛ̂n gəl nɛ̂nje kə̂ ndayje horoje tə̂ ləw.

Luku 1:37

Mba marə nɛ̂n kâra kə̂ nya Lubba goto.»

Luku 1:45

Maji ari, əi dɛnɛ̂n kə̂ unda məi to tar kə̂ Əbbə-dəwje arə n̂-pa dari, a ddee to tar kə̂ tɔkɔrɔ.»

Rɔmɛnje 14:4

Əi kə̂ aw gangə sariya dɔ nje-kula tə̂ lə marə dəw nəənn le, ə-to nân wa? Bbo nje-kula le nayn aw dda kula kə majɛ̂ bbay wase n̂-dda kə majɛ̂ ang kara, to tar lə əbbeeje njaa. A nâ dda kə majɛ̂ njaa, mba Əbbə-dəwje ee kə singa ta dda karə n̂-dda kə majɛ̂.

Rɔmɛnje 14:5

Marə dəw əjə to marə ndɔje utaje marɛ̂je, a marə dəw əjə to ndɔje tɔyn njaa asəje naan. Maji karə dəw kâra kâra gərə to tar kə̂ naw nəjə məɛ̂ tə̂ le to kə dɔgɔlɛ̂ njaa bba.

Rɔmɛnje 8:38

Tɔkɔrɔ, m-gərə kə majɛ̂ to marə nɛ̂n kə̂ a tinje kə ndiki laa goto. Yo ang ddəm təbbə ang ddəm anjəje ang ddəm marə ndilje kə̂ maji ang kə̂ darâ kə̂ ɔn dɔ dəwje ang ddəm nɛ̂n kə̂ bbokənɛn nəənn ang ddəm nɛ̂n kə̂ mə ndɔje tə̂ kə̂ aw ddee ang ddəm

2 Kɔrɛntinyɛje 9:8

Lubba ee kə singa ta karəse nɛ̂nje kə̂ maji dang dang tɔyn baa kə nangə̂. Baann bba karə nɛ̂n to jise tə̂ kə ndɔ tɔyn ddəm marə nɛ̂n kâra duse ang ddəm ngaâ karə ingaje marɛ̂ dɔɛ tə̂ ə-ddaje nɛ̂n-kulaje kə̂ maji tɔyn.

2 Timɔte 1:12

Gəle kə̂ nəənn le bba maw moo nɛ̂n ndoo. A rɔ-kule ddam ang, mba m-gərə dəw kə̂ munn məm marɛ̂ le kə majɛ̂ ngaâ m-gərə kə majɛ̂ to nee kə singa ta ngəm nɛ̂n kə̂ ninya mə jim tə̂ ndərəng ddutu ndɔ tə̂.

Ebərəje 11:13

Dəwjeenn le tɔyn naynje ddəw mə-kunn tə̂ ndərəng oyje nɛ̂n. A dingaje nɛ̂nje kə̂ Lubba unn ndue ta karəde le ang. N̂-naynje ddəw əw bba dooje ngaâ n̂-ddaje rɔ-nəəl mbɛɛ̂. N̂-paje kə tade to n̂-toje to njê-mbaje ddəm dəwje kə̂ aw ndayje to nday dɔ nangə tə̂ ddəm.

Ebərəje 11:19

Abaraham pa məɛ̂ tə̂ nan: «Dəw kə̂ oy kara, Lubba ee kə singa ta ndole.» Mba yeenn bba Lubba təl kə ngonnɛ̂ le arɛ̂ tokə dəw kə̂ oy bba ndol.