Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Rɔmɛnje 3:5 - Dɔnɔn kə̂ Siki: Tar kə̂ aw arə təbbə

5 Majang kə̂ jaw dda â dəwje gərəje nɛ̂n to Lubba to gatə gatə. Yeenn a, tar ddi â ja paje wa? Ja pa nan Lubba to gatə gatə ang mba kunda kə̂ naw nundaje kə ndəy mba majang ləje wa? (Tar-pa lə dəwje â maw pa nəənn.)

အခန်းကိုကြည့်ပါ။ ကော်ပီ




Rɔmɛnje 3:5
32 ပူးပေါင်းရင်းမြစ်များ  

«Ngakɔnʼmje kə̂ m-ndikise nya, sese njaa ilaje barə ang, a inyaje arə wungu lə Lubba â dda kula. Mba Əbbəjeje pa Makəturu tə̂ laa nan: Əman â mâ kila barə! Əman â mâ kuka dəw kâra kâra asə kula-ddɛɛ̂.»


A məi kətərə arə ə-ndiki ta turu ddəw ləi ang. Aw mbɔn wungu lə Lubba dɔi tə̂ mba nginan nɛ̂n ndɔ kə̂ Lubba a gangə nɛ̂n sariya laa kə̂ gatə gatə dɔ dəwje tə̂.


A n-gərə to nɛ̂n tɔyn kə̂ Ndu lə Lubba pa le, n̂-pa mba dəwje kə̂ Ndu ɔn dɔde le. Yeenn bba karə dəw kâra oo tar ta pa ang ngaâ karə dəwje tɔyn gərəje to sariya lə Lubba to dɔ dəwje tə̂ tɔyn kə̂ duninya tə̂.


A bbo ngəm kə̂ maw mərə â dəwje gərəje nɛ̂n to tar lə Lubba to tar kə̂ tɔkɔrɔ ngaâ dəwje aw ɔsuje nɛ̂n gajɛ̂ a, dâ gangə sariya dɔm tə̂ tokə nje-nɛ̂n-dda kə̂ maji ang mba ddi wa?


Bbasinɛn nəənn, tar ddi bba ja paje dɔ kajeje Abaraham tə̂ wa? Ddi â ninga kə dɔ rɔɛ̂ njaa wa?


A Lubba tɔjuje ndiki kə̂ n̂-ndikije tokə be: Kar tə̂ kə̂ n-naynje mə nɛ̂n-ddaje tə̂ kə̂ maji ang bbay le, Kristə oy mba tar ləje.


Yeenn a, tar ddi bba ja paje wa? Ja paje nan, maji ta nayn mə majang tə̂ bba karə Lubba dda kə je mə-maji arə uta dɔɛ̂ wa?


Munn nɛ̂n-kɔju-marɛ̂ dɔ dəwje tə̂ bba maw pa nɛ̂n tar nəənn, mba ə-gərəje nɛ̂n tɔyn kə majɛ̂ ang bbay. Dɔngɔr, unnje rɔse tɔyn tokə lə bbərəje ə-ddaje nɛ̂n kula yərəw kə nɛ̂n kə ngabula. Nɛ̂njeenn le aw ddaje arə aw mbətəje ta Lubba. Yeenn a, bbasinɛn maji karə unnje rɔse tɔyn to bbərəje ə-ddaje nɛ̂n kula kə̂ gatə gatə bba karə isije to dəwje kə̂ ngəmje rɔde dang mba Lubba.


Yeenn a, ja paje nan ddi wa? Ja paje nan Ndu to majang wa? Baann ang! Ndu â tɔjum majang arə m-gərə. N̂-dda makəturu tə̂ lə Lubba nan: «Maji karə unda kəm-nda ang» Yeenn a bbo ndu goto a, mâ gərə nɛ̂n kə̂ to kunda kəm-nda le ang.


Ja paje nan ddi bbay wa? Bbo Lubba ee kə je a, nân njaa a kasə ta mbətəje wa?


Yeenn a, ja paje nan ddi wa? Dəwje kə̂ toje to Jiipije ang kə̂ aw sangəje ddəw ta ddee gatə gatə kəm Lubba tə̂ ang ddəm â Lubba oode to dəwje kə̂ gatə gatə kəmɛ̂ tə̂, mba dooje məde tə̂ saa.


Bbo maw məjə tar tokə lə dəwje a, mâ dda ddɔ kə dəwje kə̂ Epɛjə kə̂ toje tokə lə daje kə̂ muû mba ddi wa? Bbo ndol lə dəwje kə̂ oyje goto a, maji karə n-ddaje tokə marə dəwje kə̂ aw paje nan: «Jusaje ta jayje mba ndɔ kə̂ bara a, ja koyje.»


Nɛ̂n-ddaje lə dəwje â mar dɔɛ tə̂ bba maw pa nɛ̂n tar nəənn ang. Ndu lə Mɔyijə kara pa tokə baann tɔ.


A mə nɛ̂nje tə̂ tɔyn, n-tɔju to n-to njê-kulaje lə Lubba njaa. Juwa jarə ngəng mə nɛ̂n kəm-to-ndooje tə̂, mə nɛ̂n-singaje tə̂ kə mə nɛ̂n-bbəəlje tə̂.


Ooje: Nɛ̂nje kə̂ rɔ-katə kə̂ Lubba ndiki tə̂ dda rɔse tə̂ a nəənn: Ə-toje ngɔsi ngɔsi ta dda kula. Ə-toje ngɔsi ngɔsi ta duju karə dɔru tar dɔse tə̂. Bbo ooje nɛ̂n-dda kə̂ maji ang a, aw arəse wungu nya. Bbəəl aw to məse tə̂ nya. Maal təl koom aw ddase nya. Bbo dda kula to məse tə̂ nya. Aw ə-gangəje sariya dɔ dəw tə̂ kə̂ dda majang. Uta tɔyn, ə-tɔjuje to aw ngəmje rɔse ddəw nɛ̂n tə̂ənn le.


Bbo m-təl maw ngəm Ndu kə̂ m-mbətə le a, əman njaa m-dda rɔm to nje-mbətə Ndu le.


Ngakɔnʼmje, junnje nɛ̂n-kɔju-marɛ̂ dɔ nɛ̂n-ddaje tə̂ lə dəwje. Bbo dəw gɔl makəturu nɛ̂n-ndubba laa kə dɔgɔlɛ̂ a, dəw a kasə tuju ang ddəm a kasə kila marə nɛ̂n dɔɛ̂ tə̂ ang ddəm.


Daw dɔsuje pa lə Mɔyijə kə̂ to nje-kula lə Lubba ddəm pa lə Ngonn batə ddəm nan: «Əbbə-dəwje Lubba kə̂ Nje-singa-mɔngu, nɛ̂nje kə̂ ə-dda bo nya ddəm kura ləde dum dɔ dəwje ddəm! Tɔkə mbay lə gəl-dəwje, nɛ̂n kə̂ aw dda to gatə gatə ddəm to nɛ̂n kə̂ tɔkɔrɔ ddəm.


Dəwje kə̂ darâ, ə-ddaje rɔ-nəəl mba koso lə Babilɔnn le. See dəwje lə Lubba, see njê-kaw-kulaje kə njê-kilaje mbər tar lə Lubba, ə-ddaje rɔ-nəəl tɔ, mba Lubba gangə sariya dɔɛ̂ tə̂ mba nɛ̂n kə̂ n̂-dda kə se le.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ