Rɔmɛnje 3:21 - Dɔnɔn kə̂ Siki: Tar kə̂ aw arə təbbə

²¹ A bbasinɛn, Lubba tɔju gusu kə̂ n̂-dda narə dəwje ddeeje nɛ̂n gatə gatə kəmɛ̂ tə̂. Gusu le to ddəw Ndu tə̂ ang. Ndu kə makəturu lə njê-kilaje mbər tar lə Lubba tɔjuje nɛ̂ɛnn le mban.

Rɔmɛnje 3:21 ပူးပေါင်းရင်းမြစ်များ

Luku 24:44

Goe tə̂ a, n̂-pa narəde nan: «Nɛ̂n kə̂ m-pa marəse kar tə̂ kə̂ m-nayn kə se le â nəənn. Maji karə tar kə̂ dɔm tə̂ kə̂ mə makəturu-ndu tə̂ lə Mɔyijə kə makəturu tə̂ lə njê-kilaje mbər tar lə Lubba kə makəturu Sɔmje tə̂ ddee to nɛ̂n kə̂ tɔkɔrɔ.»

Tar kə̂ Maji kə̂ Jan dda makəturu tə̂ 1:45

Goe tə̂ a, Pilipi inga Natanayɛl ngaâ pa arɛ̂ nan: «Jinga marə dəw kə̂ Makəturu-Ndu lə Mɔyijə kə lə njê-kilaje mbər tar lə Lubba paje tar laa le. Dəw le to Jeju kə̂ Najarɛtə, n̂-to ngonn lə Jojɛpə.»

Kulaje 10:43

Njê-kilaje mbər tar lə Lubba tɔyn paje tar laa nan: ‹Dəw kə̂ unn məɛ̂ arə Jeju a, Lubba ɔru tar majang laa dɔɛ̂ tə̂ kə ri Jeju le.› »

Kulaje 15:11

A, n-gərə tɔ to ddəw mə-maji tə̂ lə Əbbə-dəwje Jeju â junda məje to Lubba aji nɛ̂n je tokə najide le.»

Kulaje 26:22

A Lubba njaa ngəməm ndərəng bbokənɛn karə mɔru gəle nɔn dəwje tə̂ tɔyn, njê kə̂ tɛn wase njê kə̂ bo kara m-nayn maw pa tar-naji laa bbay. Nɛ̂n kə̂ a ta ddee kə̂ njê-kilaje mbər tar lə Lubba kə Mɔyijə n̂-paje tarɛ̂ le njaa maw pa tarɛ̂. Mila marə nɛ̂n dɔɛ̂ tə̂ ang.

Kulaje 28:23

Dɔjuje ndɔ darə Pɔl ngaâ ndɔ le asə a, n̂-ddeeje tokə banya dingɛ̂je lo-toe tə̂. Pɔl pa tar arəde kə əndɔɔ ndərəng lo-kul. N̂-pa tar kɔn-mbay lə Lubba narəde. Nunn tar Ndu lə Mɔyijə kə tar lə njê-kilaje mbər tar lə Lubba n̂-pa nɛ̂n tar lə Jeju karə n̂-ndikije tə̂.

Rɔmɛnje 1:17

Tar kə̂ Maji le tɔju ddəw kə̂ Lubba aw dda arə dəwje aw ddeeje nɛ̂n gatə gatə kəmɛ̂ tə̂ kə ddaka: Ddəw mə-kunn tə̂ kâra baa, kunn-kutu nɛ̂n tə̂ ndərəng kɔnyɛ̂ tə̂. Ddəw kâra baa tokə makəturu lə Lubba pa nan: «Dəw kə̂ ddee gatə gatə ddəw mə-kunn tə̂ a kisi kə təbbə.»

Rɔmɛnje 1:2

Lubba unn ndue ləw baa, ddəw tə̂ lə njê-kilaje mbər tar laa makəturu tə̂ laa ta karə Tar kə̂ Maji nəənn dəwje.

Rɔmɛnje 16:26

Nɛ̂n kə̂ to lo-kiyɛ̂ tə̂ le bbasinɛn tee lo-karɛ tə̂ ddəw makəturuje tə̂ lə njê-kilaje mbər tar lə Lubba. Lubba kə̂ nje-kisi kə ndɔ kə ndɔ unn ndu tokə baann karə gəl-dəwje tɔyn ooje məde tə̂ saa ngaâ ooje tɛɛ̂.

Rɔmɛnje 3:28

Tɔkɔrɔ n-pa nan: Dəw ddee gatə gatə mba mə-kunn, bbo mba ngəm kə̂ dəw le ngəm Ndu ang.

Rɔmɛnje 5:19

Dəwje nya ddeeje to njê-nɛ̂n-ddaje kə̂ maji ang ddəw tə̂ lə dəw kâra kə̂ aal ta Lubba. Ddəw kâra baa, dəwje nya ddeeje gatə gatə kəm Lubba tə̂ ddəw tə̂ lə dəw kâra kə̂ oo ta Lubba.

Rɔmɛnje 5:21

Ddəw kâra baa tokə majang ee kə singa ta kaw kə dəwje karə ingaje yo le, mə-maji lə Lubba ee kə singa mba dda karə dəwje ddeeje gatə gatə kəmɛ̂ tə̂, ta karə dingaje təbbə kə̂ to kə ndɔ kə ndɔ ddəw tə̂ lə Əbbəjeje Jeju-Kristə.

Rɔmɛnje 9:30

Yeenn a, ja paje nan ddi wa? Dəwje kə̂ toje to Jiipije ang kə̂ aw sangəje ddəw ta ddee gatə gatə kəm Lubba tə̂ ang ddəm â Lubba oode to dəwje kə̂ gatə gatə kəmɛ̂ tə̂, mba dooje məde tə̂ saa.

1 Kɔrɛntinyɛje 1:30

Ddəw mə-maji tə̂ lə Lubba â ə-ddaje nɛ̂n mə-kâra kə Jeju-Kristə kə̂ to kəm-karɛ kə̂ in rɔ Lubba tə̂. Kristə le dda arə n-ddeeje gatə gatə kəm Lubba tə̂, narə n-ngəm rɔje dang ngaâ nɔruje mə-majang tə̂.

2 Kɔrɛntinyɛje 3:9

Bbo kula lə ndu kə̂ aw gangə sariya-yo dɔ dəwje tə̂ ləw ndoko a, kula kə̂ aw dda arə dəw aw ddee gatə gatə kəm Lubba tə̂ a ndoko kuta yeenn ang wa?

2 Kɔrɛntinyɛje 5:21

Kristə dda majang kâra ang. A Lubba arə noto majang ləje. Yeenn bba karə n-ddeeje to dəwje kə̂ gatə gatə kəm Lubba tə̂ ddəw tə̂ lə Kristə.

Galatəje 3:8

Tɔ bbay, Makəturu lə Lubba pa kete mban nan Lubba a koo dəwje kə̂ toje to Jiipije ang to dəwje kə̂ gatə gatə kəmɛ̂ tə̂ ddəw mə-kunn tə̂ le. Mba yeenn bba, Makəturu le pa tar kə̂ maji nəənn tokə kete arə Abaraham nan: «Lubba a bbar tar kə̂ maji dɔ kəsə gəl-dəwje tə̂ tɔyn ddəw tə̂ ləi.»

Galatəje 5:5

Jeje, jaw junda məje dɔ Lubba tə̂ kə̂ a dda karə n-ddee gatə gatə kəmɛ̂ tə̂ ddəw mə-kunn tə̂. Ndil-mə-nda â a dda karə n-nginan nɛ̂ɛnn le.

Pilipinyɛje 3:9

ngaâ m-dda mə-kâra saa. M-ddee gatə gatə mba məm kə̂ munn marə Kristə bbo mba ngəm kə̂ m-ngəm ndu lə Mɔyijə le ang. Lubba â to nje-karə ddəw dəw karə ddee to dəw kə̂ gatə gatə, tokə dəw le unn məɛ̂ arɛ̂.

1 Piyɛr 1:10

Njê-kilaje mbər tar lə Lubba kə̂ ilaje mbər mə-maji kə̂ Lubba a ta dda kə se le uruje gəl kaji nəənn le nya ta gərə.

2 Piyɛr 1:1

Əman Simɔn Piyɛr kə̂ m-to bbərə-kula lə Jeju-Kristə ddəm nje-kaw-kula lə Jeju-Kristə ddəm m-dda makəturu nəənn marə dəwje kə̂ ingaje mə-kunn kə̂ ngəng kə̂ kâra baa kə̂ jinga le. Dingaje mə-kunn le ddəw nɛ̂n-dda tə̂ kə̂ gatə gatə lə Jeju-Kristə kə̂ to Lubba ləje ddəm Nje-kajije ddəm.