Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Rɔmɛnje 2:10 - Dɔnɔn kə̂ Siki: Tar kə̂ aw arə təbbə

10 A dəwje tɔyn kə̂ aw ddaje maji, Lubba a kɔsu gajide, nâ walde, nâ karə məde wul lɔm, a kunn-kute dɔ Jiipije tə̂ dɔngɔr bba a tee dɔ Gɛrɛkəje tə̂.

အခန်းကိုကြည့်ပါ။ ကော်ပီ




Rɔmɛnje 2:10
45 ပူးပေါင်းရင်းမြစ်များ  

A bbo njê-kəyje le asəje ta kinga mə-wul-lɔm a, maji karə lapiya ləse le arəde mə-wul-lɔm. A bbo dasəje ang a, maji karə mə-wul-lɔm ləse təl rɔse tə̂.


mba karə njê kə̂ isije lo ndul tə̂, kə njê kə̂ isije kɔ ndil yo tə̂, kəmde uja ddəm, mba tɔjuje ddəw kə̂ ja kinga nɛ̂n mə-wul-lɔm ddəm tɔ.»


Maji arəde, dede kə̂ njê-kulaje kə̂ əbbədede a tee kingade dɔ bbi tə̂ ang. Tɔkɔrɔ m-pa marəse, əbbədede le a kula kubbu kula laa, nâ karə disije ta tabələ tə̂ ngaâ nâ ddee karəde nɛ̂n-kusa.


N̂-pa nan: «Jerujalɛm, bbo to əi njaa kara ə-gərə gusu kə̂ ta kinga nɛ̂n mə-wul-lɔm mə ndɔ tə̂ nəənn a, maji nya! A bbasinɛn nɛ̂ɛnn nɛ̂n le iya rɔɛ̂ arə asə ta koo ang.


Kar nɛ̂n-kusa le asə a, Jeju isi ta nɛ̂n-kusa tə̂ le, ne kə njê-kaw-kulaje le.


ngaâ n̂-pa narəde nan: «Dəw kə̂ taa ngonn nəənn kə rɔɛ̂ tə̂ kə rim a, əman njaa n̂-taam kə rɔɛ̂ tə̂ənn. A bbo dəw kə̂ taam kə rɔɛ̂ tə̂ a, taa dəw kə̂ ulam kə rɔɛ̂ tə̂ tɔ. Mba dəw kə̂ to ngaji baa horose tə̂ tɔyn, ne â n̂-to dəw kə̂ bo.»


Bbo dəw ndiki ta dda kula ləm a, maji karə nunn gom. Baann bba lo kə̂ mee tə̂ a, nje-kula ləm a kee tə̂ tɔ. Bbo dəw aw dda kula ləm a, Bɔmje a walɛ̂.»


«Marəse mə-wul-lɔm. Mə-wul-lɔm ləm njaa marəse. Marə mə-wul-lɔm le nayn kəse tokə mə-wul-lɔm lə dəwje kə duninya tə̂ ang. Əjəje tar ang ddəm arəje bbəəl ddase ang ddəm.


M-pa nɛ̂njeenn tɔyn marəse karə məse wul lɔm ddəw tə̂ ləm. A kooje ndoo duninya tə̂. A maji karə uwaje arəje ngəng, mba əman m-tətə duninya nəənn kə ddɔ mban.»


Horo gəl-dəwje tə̂ tɔyn, dəw kə̂ bbəəl Lubba ddəm dda nɛ̂n kə̂ gatə gatə ddəm a, a ddee maji kəm Lubba tə̂.


Tɔkɔrɔ tə̂, tar Bbe-kɔn lə Lubba to tar nɛ̂n-kusa ang ddəm to tar nɛ̂n-kay ang ddəm. Bbe-kɔn lə Lubba to tar nɛ̂n-dda kə̂ gatə gatə, to mə-wul-lɔm, to rɔ-nəəl kə̂ Ndil-mə-nda aw arə dəwje.


Maji karə Lubba kə̂ aw dda bba dəwje aw undaje məde dɔ marə nɛ̂n tə̂ arə rɔ-nəəl kə mə-wul-lɔm ddusu məse ddəw mə-kunn tə̂. Baann bba â kundaje məse nya dɔ nɛ̂n tə̂ənn le ddəw singa-mɔngu tə̂ lə Ndil-mə-nda.


Marə dəwje sangəje ddəw ta dda maji kə ndɔ tɔyn mba karə Lubba pitide, karə n̂-walde ngaâ karə narəde təbbə kə̂ a tuju ang. Lubba a karəde təbbə kə̂ to kə ndɔ kə ndɔ.


Nɛ̂n kəm-to-ndoo kə nɛ̂n-bbəəl a koso dɔ dəwje tə̂ tɔyn kə̂ ddaje majang, a kunn-kute dɔ Jiipije tə̂ dɔngɔr bba a tee dɔ Gɛrɛkəje tə̂.


Yeenn a, n-ddeeje gatə gatə kəm Lubba tə̂ mban mba məje kə̂ junn jarə Əbbəjeje Jeju-Kristə arə məje wul lɔm kə Lubba ddəw tə̂ laa ngaa.


Dəw kə̂ kəjə laa to kə dɔ bboje tə̂ kə̂ da-rɔ tə̂ a kinga yo. A dəw kə̂ kəjə laa to kə̂ dɔ nɛ̂n tə̂ kə̂ Ndil-mə-nda ndiki a kinga təbbə kə mə-wul-lɔm.


Nje-kubba jo asə dda nɛ̂n kə̂ məɛ̂ ndiki. Anjə kə̂ kâra baa njaa nâ kasə kubba nɛ̂n jo kə̂ ta wal nɛ̂n dəwje ndɔ kusu tə̂ ddəm jo dda kula kə̂ baa ddəm.


Lubba ndiki ta tɔju piti laa kə̂ bo nya kəsə dəwje, dede kə̂ noo kəm-to-ndoo ləde kə̂ n̂-gɔlde tokə kete mba karə dingaje piti saa.


A nɛ̂nje kə̂ Ndil-mə-nda aw ddee nɛ̂n to: Ndiki naan, rɔ-nəəl, mə-wul-lɔm, tɔ-wur, mə-maji, dda maji kə dəwje, mə-kunn,


Mba dəw kə̂ to lə Jeju-Kristə a, kuja ganja wase kuja ganja ang dda marə nɛ̂n kâra ang. Tɔkə nɛ̂n â to mə-kunn kə̂ aw dda bba dəw aw ndiki nje-marɛ̂.


Baann a, mə-wul-lɔm lə Lubba kə̂ uta nɛ̂n-gərə lə dəwje tɔyn a ngəm məse ddəm kəjə ləse ddəm mba ə-ddaje mə-kâra kə Jeju-Kristə.


Asə karə dəwje tɔyn ndɔyje ri tɔkə mbay kə̂ nje-kisi kə ndɔ kə ndɔ ngaâ piteje, ne kə̂ noy ang, ne kə̂ kəm dəw ooe ang, Lubba kə̂ kâra baa, Amɛnn.


Mba ə-dda arə n̂-ddee to dəw kə̂ ta-gɔl anjəje tə̂ mba gɔju kar, ə-dda arə ninga piti kə kɔsu gaji,


Mə-kunn laa dda nɛ̂n ddəw kâra baa kə kulaje laa ngaâ kulaje laa le ddaje arə mə-kunn laa ddee to nɛ̂n kə̂ maji tɔyn.


Nân horose tə̂ â to nje-kəm-karɛ kə nje-nɛ̂n-gərə wa? Maji karə n̂-tɔju kəm-karɛ kə nɛ̂n-gərə laa ddəw pa-nja tə̂ kə̂ maji kə̂ tɔju to n̂-dda kulaje laa ddəw kəm-karɛ tə̂ ddəm kə mə ngonn-kasə ddəm.


Ndoo kə̂ aw ooje le to mba nan nɛ̂n mə-kunn ləse koo, tokə andə kə̂ to nɛ̂n kə̂ aw tuju, a n̂-nan kə puru doo. Baann bba karə mə-kunn ləse kə̂ to nɛ̂n kə̂ ngəng uta andə le a dda karə Lubba ɔsu gajise ddəm pitise ddəm walse ddəm ndɔ tə̂ kə̂ Jeju-Kristə a kunda nɛ̂n lo tee kəm dəwje tə̂.


A bbo ndɔ kə̂ Mbay kə̂ dɔ njê-ngəmje dəwje tə̂ lə Lubba tɔyn unda lo tee a, â kingaje əjɔkudɔ kə̂ a tuju ndɔ kâra ang kə̂ to nɛ̂n-piti.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ