Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Rɔmɛnje 16:25 - Dɔnɔn kə̂ Siki: Tar kə̂ aw arə təbbə

25 Piti to lə Lubba kə̂ asə ta dda karə ubbaje singa ddəw mə-kunn tə̂, ddəw Tar kə̂ Maji tə̂ lə Jeju-Kristə kə̂ m-ddee mila mbəre marəse le. Ddəw Tar kə̂ Maji tə̂ le bba Lubba dda arə n-gərəje nɛ̂n nɛ̂n kə̂ to lo-kiyɛ̂ tə̂ ləw baa.

အခန်းကိုကြည့်ပါ။ ကော်ပီ




Rɔmɛnje 16:25
42 ပူးပေါင်းရင်းမြစ်များ  

Mba m-pa tar kə̂ tɔkɔrɔ marəse, njê-kilaje mbər tar lə Lubba nya kə dəwje kə̂ toje gatə gatə kəm Lubba tə̂ tokə banya ndikije ta koo nɛ̂n kə̂ aw ooje kə kəmse nəənn, a dooje ang, n̂-ndikije ta koo nɛ̂n kə̂ aw ooje kə mbise nəənn, a dooje ang.»


Yeenn bba tar lə Lubba kə̂ nje-kila mbər tar pa le ddee to tar kə̂ tɔkɔrɔ. N̂-pa nan: «Mâ kunn gusu-tar bba mâ pa nɛ̂n tar, Mâ kila mbər nɛ̂nje kə̂ toje lo-kiyɛ̂ tə̂, unn kute dɔ ndɔ tə̂ kə̂ m-dda nɛ̂n duninya.»


Dilɛ̂je tə̂ nan: ‹Jar baa, mba joo dəw kə̂ ta kotoje kula tə̂ ang.› N̂-pa narəde nan: ‹Aw ddaje kula ndɔɔ binyə tə̂ ləm tɔ.›


«A bbasinɛn minyase ji Lubba tə̂ kə tar mə-maji tə̂ laa kə̂ asə ta dda karə ə-sangəje ddəm karə ingaje nɛ̂nje kə̂ maji kə̂ n̂-gɔl mba dəwje laa ddəm.


ngaâ njangə baa a, Sɔl aw ila mbər kəy mbɔn-naanje tə̂ lə Jiipije pa nan Jeju to Ngonn lə Lubba.


Ngakɔnʼmje, m-ndiki karə ə-gərəje marə nɛ̂n dɔ nɛ̂n tə̂ kə̂ Lubba əjə ta dda ngaâ nayn lo-kiyɛ̂ tə̂ bbay nəənn nan kin karə ooje rɔse to njê-kəm-karɛje. Marə dəbbə dəwje kə̂ Ijarayɛl məde aw kətərə ndərəng karə kɔr dəwje kə̂ toje to Jiipije ang le tɔyn ingaje kaji bba.


Əi kə̂ aw gangə sariya dɔ nje-kula tə̂ lə marə dəw nəənn le, ə-to nân wa? Bbo nje-kula le nayn aw dda kula kə majɛ̂ bbay wase n̂-dda kə majɛ̂ ang kara, to tar lə əbbeeje njaa. A nâ dda kə majɛ̂ njaa, mba Əbbə-dəwje ee kə singa ta dda karə n̂-dda kə majɛ̂.


Maji karə mə-maji lə Əbbəjeje nayn kə se tɔyn. Amɛnn.]


Nɛ̂ɛnn a tee kə ddaka kəm dəwje tə̂ dɔ ndɔ tə̂ kə̂ Lubba a karə Jeju-Kristə gangə sariya dɔ nɛ̂nje tə̂ kə̂ dəwje aw ddaje lo-kiyɛ̂ tə̂ tokə Tar kə̂ Maji kə̂ maw mila mbəre pa.


A jeje, jaw jila mbər tar lə Kristə kə̂ n̂-tɔlɛ̂ kakə-dəsə tə̂. Jiipije ooje tar le to tar-kɔbbu, a Gɛrɛkəje ooje to tar mbə.


Jaw tɔju kəm-karɛ lə Lubba kə̂ to nɛ̂n kə̂ dum dɔ dəw ngaâ iya rɔɛ̂. Kete bba karə duninya to le, Lubba gɔl kəm-karɛ le tokə kete, ta dda karə jinga nɛ̂n piti laa.


Maji karə dəwje oojeje to njê-kulaje lə Kristə, dəwje kə̂ Lubba inya nɛ̂nje kə̂ toje lo-kiyɛ̂ tə̂ jide tə̂ karə n̂-tɔjuje kə ddaka.


Bbo Tar kə̂ Maji kə̂ jaw jila mbəre le nayn uja mbi marə dəwje tə̂ ang bbay a, to dəwje kə̂ aw naynje kə kɔrɔ̂ â nayn uja mbide tə̂ ang bbay.


Jeje njaa jaw jila mbər tar ləje ang. Jeju-Kristə kə̂ to Əbbə-dəwje â jaw jila mbər tar laa. Jaw dda rɔje to njê-kulaje ləse ɔju dɔ Jeju.


Maw nunn, mba Lubba â pa arəm karə maw. Lo tə̂ənn, mɔru gəl Tar kə̂ Maji kə̂ maw mila mbəre marə dəwje kə̂ toje to Jiipije ang le. Mɔru gəle marə tɔkəje kə̂ dɔ Egilisi tə̂ marə mbɔn-naan tə̂ kə̂ m-dda kə de dang tɔ. M-dda baann mba m-ndiki karə kulaje ləm kə̂ takənɛn kə yəje kə̂ bbokənɛn kara toje to kulaje kə̂ baa ang.


Narə n-gərə nɛ̂n kə̂ nayn lo-kiyɛ̂ tə̂ kə̂ n̂-gɔl ta dda kə mə-maji laa njaa baa le ddəw tə̂ lə Kristə.


ddəw kâra baa kə nɛ̂n kə̂ n̂-gɔl ta dda kunn-kutu nɛ̂n tə̂ nu ngaâ n̂-dda ddəw tə̂ lə Əbbəjeje Jeju-Kristə le.


Narəm ddəw tɔ karə m-tɔju gusu kə̂ n̂-dda nɛ̂n nɛ̂nje kə̂ n̂-gɔl kə̂ toje lo-kiyɛ̂ tə̂ le marə uja kəm dəwje tə̂ kə majɛ̂. Ne Lubba kə̂ n̂-dda nɛ̂nje tɔyn le n̂-ngəm nɛ̂nje kə̂ n̂-gɔl le lo-kiyɛ̂ tə̂ ləw baa.


Ə-dujuje Lubba nya mbam tɔ, karə bbo mâ ta pa tar a, n̂-tɔjum tar kə̂ mâ pa, ta kila nɛ̂n mbər nɛ̂n kə̂ iya rɔɛ̂ mə Tar kə̂ Maji tə̂ le kə bbəəl ang.


M-ndiki ta karə dingaje singa məde tə̂ ngaâ n̂-ddeeje kâra baa ddəw ndiki naan tə̂, karə nɛ̂n-gərə kə̂ maji dda arə məde oso pɔn. Ngaâ n̂-gərəje nɛ̂n kə̂ Lubba ngəm lo-kiyɛ̂ tə̂. Nɛ̂n le to Kristə.


Maji karə ə-dujuje Lubba mba tar ləje tɔ, karə nɔru ddəw narə n-pa tar laa. Baann bba karə mila mbər tar lə Kristə kə̂ to lo-kiyɛ̂ tə̂ le. Mba nɛ̂ɛnn le â dilam kəy-kula tə̂ mbɛɛ̂.


Maji karə narə ubbaje singa ngaâ n̂-dda narə ə-ddeeje to dəwje kə̂ maji tɔyn ddəm dəwje kə̂ tar kâra to dɔde tə̂ ang ddəm nɔn Bɔjeje Lubba tə̂, ndɔ tə̂ kə̂ Əbbəjeje Jeju a ddee, ne kə dəwje laa tɔyn. Amɛnn!


Mba yeenn bba Lubba bbarse ddəw Tar tə̂ kə̂ Maji kə̂ jila mbəre jarəse karə ingaje piti lə Əbbəjeje Jeju-Kristə.


A Əbbə-dəwje aw dda nɛ̂n kə turu ndue. Nâ karə ubbaje singa ngaâ nâ ngəmse karə Nje-mə-majang le ɔruse ang.


Lubba kə̂ ajije njaa bbarje karə n-ddee to dəwje laa. Mba kula kə̂ maji kə̂ n-dda bba n̂-bbar nɛ̂n je ang. N̂-bbarje mba to nɛ̂n kə̂ n̂-gɔl kete ta dda ddəm mba mə-maji laa ddəm. N̂-dda kə je mə-maji le ddəw tə̂ lə Jeju-Kristə kete bba duninya to.


Ole məi dɔ Jeju-Kristə tə̂ kə̂ oy a, ndol. N̂-to ngonn-ka Dabbiti tokə Tar kə̂ Maji kə̂ maw mila mbəre le pa.


Yeenn bba dâ kundaje məde to dingaje təbbə kə̂ to kə ndɔ kə ndɔ. Lubba kə̂ ərə ngəm ndɔ kâra ang unn ndue ləw baa nu ta karəje təbbə kə̂ to kə ndɔ kə ndɔ le.


Mba yeenn bba, dəwje kə̂ aw ddeeje ngɔsi kə Lubba ddəw tə̂ laa le, nasə ta kajide nyɔm kə ləw. Mba n̂-nayn kəm baa kə ndɔ tɔyn arə nasə ta duju Lubba mba tar ləde.


Lubba mbəre kete bba dda duninya ngaâ tɔjɛ̂ kə ddaka ddutu ndɔ tə̂ mba maji ləse.


A kooje ndoo mba gɔju kar bbay. A Lubba kə̂ to nje-dda mə-maji nya kə̂ bbarse ddəw tə̂ lə Jeju-Kristə karə ingaje piti kə̂ to kə ndɔ kə ndɔ le, a dda karə ə-təlje ə-ddeeje maji uta, nâ karə gɔlse uwa nangə, nâ karə ubbaje singa ngaâ nâ karə marə nɛ̂n yəkəse ang.


Kar tə̂ kə̂ anjə kə̂ to siri laa to təbbə a, a to ndɔ kə̂ nɛ̂n lə Lubba kə̂ iya rɔɛ̂ a ddee to nɛ̂n kə̂ tɔkɔrɔ tokə Lubba pa tarɛ̂ arə bbərə-kulaje laa kə̂ toje to njê-kilaje mbər tar laa le.»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ