Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Rɔmɛnje 16:18 - Dɔnɔn kə̂ Siki: Tar kə̂ aw arə təbbə

18 mba dəwje kə̂ baann toje to bbərə-kulaje lə Əbbəjeje Kristə ang. A daw dəjəje kə dɔ məde tə̂ njaa. Daw dərəje dəwje kə̂ kəmde ɔru ang ddəw tarje tə̂ kə̂ tade tə̂ kə̂ rii to rii ddəm tarje kə̂ daw dərəje nɛ̂n kəm dəwje ddəm.

အခန်းကိုကြည့်ပါ။ ကော်ပီ




Rɔmɛnje 16:18
54 ပူးပေါင်းရင်းမြစ်များ  

Njê-kilaje mbər tar kə̂ tɔkɔrɔ ang tokə banya a kundaje lo teeje ngaâ dâ kərəje dəwje nya nya.


Mba kristəje kə̂ tɔkɔrɔ ang kə njê-kilaje mbər tar kə̂ tɔkɔrɔ ang a ddeeje. Dâ ddaje nɛ̂n-mɔrije kə nɛ̂nje kə̂ dum dɔ dəwje, ta bbo ddəw to a, njê kə̂ Lubba mbərəde kara dâ kərəjede tɔ.


«Dəw kâra, asə dda bbərə lə əbbeejedede joo ang, mba nâ mbətə marɛ̂ kâra, a nâ ndiki marɛ̂ kâra. Wase nâ kunn rɔɛ̂ karə marɛ̂ kâra, a nâ mbətə marɛ̂ kâra. A kasəje ta dda bbərə lə Lubba ddəm narɛ ddəm ang.»


«Aaje rɔse rɔ njê-kilaje mbər tar kə̂ tɔkɔrɔ ang tə̂. Dulaje ngira batə bba n̂-ddeeje nɛ̂n rɔse tə̂. A məde tə̂ nu, n̂-toje to ənjakəmnjarje kə̂ aw uwaje nɛ̂n aw usaje.


Bbo dəw ndiki ta dda kula ləm a, maji karə nunn gom. Baann bba lo kə̂ mee tə̂ a, nje-kula ləm a kee tə̂ tɔ. Bbo dəw aw dda kula ləm a, Bɔmje a walɛ̂.»


Dəw kə̂ dda kə Kristə kə ddəw kə̂ tokə baann a, nəəl kəm Lubba tə̂ ddəm dəwje piteje ddəm.


Tɔkɔrɔ njaa, dəwje tɔyn gərəje to aw ooje ta Əbbə-dəwje kə majɛ̂. Yeenn bba, rɔm nəələm nya mbase. A m-ndiki karə kəm-karɛ ddususe bba karə ə-ddaje nɛ̂n kə̂ maji, karə ə-ngəmje rɔse, karə aynje nɛ̂n kə̂ maji ang.


A tokə li ərə Ɛbə le, m-bbəəl mba karə kəjə ləse təl turu ngaâ karə awje ddəw əw kə Kristə kə̂ unnje rɔse tɔyn arɛ̂je kə mə-kâra le.


Mba dəwje nya ddaje tar lə Lubba to nɛ̂n-kinga narɛ ləde. A jeje n-toje tokə ləde ang. Jula nɛ̂n naan tə̂ ang. Lubba â ulaje arə jaw pa tar le nɔn Lubba tə̂, ddəw mə-kâra tə̂ kə̂ n-dda kə Kristə.


Jaw mbətə nɛ̂n-rɔ-kulje kə̂ toje lo-kiyɛ̂ tə̂. Jaw jərə dəwje ang ddəm jaw turu tar lə Lubba ang ddəm. Jaw tɔju tar kə̂ tɔkɔrɔ bba karə kəm Lubba tə̂, dəwje tɔyn undaje kəjə ləde dɔje tə̂.


A bbasinɛn nəənn, maw sangə ddəw ta ddee maji kəm dəwje tə̂ wase kəm Lubba tə̂ wa? Maw sangə ddəw ta nəəl kəm dəwje tə̂ wa? A bbo maw sangə ddəw ta nəəl kəm dəwje tə̂ a, mâ to bbərə-kula lə Kristə ang ngaa.


Kəsə dəwje tɔyn aw əjəje kə dɔ nɛ̂nje tə̂ ləde njaa bbo dəjəje dɔ nɛ̂nje tə̂ lə Jeju-Kristə ang.


Dunnje ddəw yo, mba məde â to lubba ləde. Daw dɔsuje rɔde mba nɛ̂n-rɔ-kul ləde. Kəjə ləde to kə dɔ nɛ̂nje tə̂ kə̂ nangə̂ dɔrɔ.


Maw pa tar nəənn bba karə dəw kâra ərəse kə tarje kə̂ tɛɛ̂ tə̂ kə̂ kura kura ang.


Mba ə-gərəje to â kingaje nɛ̂nje kə̂ maji kə̂ Əbbə-dəwje ngəm mba dəwje laa to kuka ləde. Əbbəsese to Kristə, ne â aw ddaje saa.


Nâ dda nɛ̂nje kə̂ gatə gatə ang ta kərə nɛ̂n dəwje kə̂ aw awje ta nayn kə kɔrɔ̂. Mba n̂-mbətəje ta taa ddəm ta ndiki tar kə̂ tɔkɔrɔ kə̂ a kajide ddəm


mayn tar kə̂ kɔnyɛ̂ goto horo dəwje tə̂ kə̂ kəjə ləde to kə dɔgɔlɛ̂ ddəm tar kə̂ tɔkɔrɔ goto tade tə̂ ddəm. Dooje kunn-mə karə Lubba to ddəw nɛ̂n-kinga ləde.


Əman, Jakə kə̂ m-to bbərə-kula lə Lubba ddəm Əbbə-dəwje Jeju-Kristə ddəm m-dda lapiya dəwje kə̂ toje to Jiipije kə̂ gəl-kujude dɔku gire joo kə̂ sarɛnje naan mə bbeje tə̂ dang dang.


Bbo nɛ̂n-kinga a ddade nya ngaâ dâ kərəjese taa nɛ̂n nɛ̂nje ləse. A sariya kə̂ dɔde tə̂ to ngɔsi ngɔsi ləw baa ngaâ mbɔr ang a, dâ kubbaje tuju.


Əman Judə ngokɔn Jakə kə̂ m-to bbərə-kula lə Jeju-Kristə, m-dda makəturu nəənn marə dəwje kə̂ Lubba bbarde kə ddaka, dəwje kə̂ Lubba kə̂ Bɔ ndikide nya ngaâ ngəmde mba Jeju-Kristə.


Dede le n̂-toje to nɛ̂n-yərəw horose tə̂, see njê-mə-kunnje ndɔ kɔn muru mə-kâra tə̂ ləse. Dusaje nɛ̂n ngaâ dayje nɛ̂n kə rɔ-kul ang darəje məde ndann ngaâ dəjəje kə dɔde tə̂, dede njaa. N̂-toje tokə lə ndi kə̂ in, a ərə ang, mba ləl ɔsu ɔtu nɛ̂n. N̂-toje tokə kakə kə̂ nɛyn kandə lə kakəje asə a, andə ang. Tokə kakəje kə̂ n̂-tɔru kə ngirɛ̂ baa darə oy njan.


Dede le, n̂-toje to dəwje kə̂ rɔde nəəlde ndɔ kâra ang. Daw dəmje rɔde kə ndɔ tɔyn. Bbo nɛ̂n kə̂ to məde tə̂ dɔrɔ â n̂-ddaje. Tam-tɔnde to ngəm dɔrɔ. Daw dɔsuje gaji dəwje mba kinga nɛ̂n nɛ̂n jide tə̂.


Makəturu nəənn pa tar dɔ nɛ̂nje tə̂ kə̂ Lubba arə Jeju-Kristə tɔju Jan, karə n̂-tɔju njê-kulaje laa karə n̂-gərəje nɛ̂n kə̂ nayn ngɔsi baa ta ddee. Kristə ula anjə laa arə nje-kula laa Jan karə tɔjɛ̂ nɛ̂njeenn le karə n̂-gərə.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ