Rɔmɛnje 15:26 - Dɔnɔn kə̂ Siki: Tar kə̂ aw arə təbbə

²⁶ Mba njê-mə-kunnje kə̂ Maseduwann ddəm njê kə̂ Akay ddəm ndikije ta mbɔn nɛ̂n kuman nɛ̂n njê-mə-kunnje kə̂ Jerujalɛm kə̂ toje to njê-ndooje.

Rɔmɛnje 15:26 ပူးပေါင်းရင်းမြစ်များ

Matiye 25:40

Yeenn ngaâ tɔkə mbay le a kilade tə̂ nan: ‹Tɔkɔrɔ njaa, m-pa marəse, kar tɔyn kə̂ ə-ddaje nɛ̂njeenn le kə marə ngakɔm kə̂ toje to dəwje kə̂ tɛn baa nəənn, nayn to əman â ə-ddaje səm.›

Matiye 26:11

Njê-ndooje aw nayn kə se kə ndɔ tɔyn. A əman, mâ nayn kə se kə ndɔ tɔyn ang.

Luku 14:13

A bbo ə-dda nɛ̂n-kusa tokə bo a, ə-bbar njê-ndooje, njê kə̂ jide wase gɔlde goto, njê-mətəje kə njê-kəm-tɔje.

Luku 6:20

Jeju unn kəmɛ̂ aa nɛ̂n njê-njaje goe tə̂ ngaâ pa nan: «Maji arəse, see dangətəje, mba Bbe-kɔn lə Lubba to ləse!

Kulaje 16:12

Jin tə̂ənn n̂-tee Pilipi kə̂ to tɔkə bbe kə̂ Maseduwann kə̂ dəwje kə̂ Rɔm â ɔnje dɔɛ̂. N-dda ndɔ ngaji Pilipi le.

Kulaje 16:9

Pɔl oo marə nɛ̂n tokə lə ninjeenn til tə̂. Noo marə dəw kə̂ Maseduwann kə̂ ar taar aw duje nan: «Ə-ddee Maseduwann umanje!»

Kulaje 18:12

Bbal tə̂ kə̂ Galiyɔn to ngonn mbay kə̂ Akay, Jiipije ooje ta naan ngaâ mbətəje Pɔl. Dawje saa lo gangə sariya tə̂.

Kulaje 19:21

Go nɛ̂nje tə̂ənn, Pɔl unn ndu ddəw tə̂ lə Ndil-mə-nda ta kaw Jerujalɛm kə ddəw kə̂ Maseduwann kə Akay. N̂-pa nan: «Bbo m-tee nunn a, maji karə m-tee Rɔm tɔ.»

Kulaje 9:13

Ananiyas le ila tə̂ nan: «Əbbəmje, dəwje nya paje tar nɛ̂nje kə̂ maji ang tɔyn kə̂ dəw nəənn dda kə dəwje ləi Jerujalɛm.

1 Kɔrɛntinyɛje 16:15

Ngakɔnʼmje, ə-gərəje to Ɛstepanas de kə njê kə̂ kə̂y laa n̂-toje to dəwje kə̂ Akay kə̂ dɔngɔr kə̂ ooje məde tə̂ ngaâ dumanje njê-mə-kunnje nya.

1 Kɔrɛntinyɛje 16:5

Mâ kaw bbe ləse kə ddəw kə̂ Maseduwann mba mâ nday dɔ nangə tə̂ kə̂ Maseduwann le.

2 Kɔrɛntinyɛje 1:16

Goe tə̂ a, mâ kin rɔse tə̂ kaw nangə tə̂ kə̂ Maseduwann. Ngaâ bbo min Maseduwann le a, mâ təl rɔse tə̂ bbay karə umanʼmje kaw tə̂ ləm kə mba tə̂ nangə tə̂ kə̂ Jude.

2 Kɔrɛntinyɛje 11:9

Ngaâ, kar tə̂ kə̂ mee nɛ̂n rɔse tə̂ le, bbo m-ndiki ta kinga marə nɛ̂n a, m-duju nɛ̂n ji dəw tə̂ kâra ang. Mba ngakɔnʼmje kə̂ inje Maseduwann ddeeje kə nɛ̂nje kə̂ dum arəmje. M-dda bba karə m-ddee to nɛ̂n-koto dɔse tə̂ ang. Mâ nayn nɛ̂n baann nyɔm.

2 Kɔrɛntinyɛje 2:13

A wurum oso nangə̂ ang, mba minga ngokɔnʼm Titə ang. Yeenn bba minya dəwje kə̂ Torowas le a maw Maseduwann.

2 Kɔrɛntinyɛje 7:5

Mba kar kə̂ n-tee Maseduwann be njaa nɛ̂n kəm-to-ndooje dang dang tɔyn ingajeje. Juwa rɔje ang. Dəwje uruje dɔje tə̂ kə kɔl ngaâ jisi kə bbəəl məje tə̂.

2 Kɔrɛntinyɛje 9:12

Mba kula nɛ̂n-mbɔn nəənn le aw uman dəwje lə Lubba njaa a bbayɛ̂ ang. Aw dda arə daw darəje wooyo Lubba nya.

2 Kɔrɛntinyɛje 9:2

M-gərə kəjə kə̂ maji kə̂ to məse tə̂ arə maw munda nɛ̂n gum marə dəwje kə̂ Maseduwann, m-pa nan, kaal baa njaa, Egilisije kə̂ Akay gɔlje rɔde ta karə nɛ̂n. Ngaâ bbo karə nɛ̂n kə̂ to məse tə̂ le dda arə nya lə Egilisije ddaje bbo ta karə nɛ̂n tɔ.

2 Kɔrɛntinyɛje 9:4

Bbo njê kə̂ Maseduwann ddeeje səm ngaâ gərəje to ə-gɔlje rɔse ang a, məje kə̂ junda dɔse tə̂ le a təl to nɛ̂n-rɔ-kul ləje ddəm ləse ddəm.

Pilipinyɛje 4:15

Pilipinyɛje, sese njaa kara ə-gərəje kə majɛ̂. Kar tə̂ kə̂ mɔtu Maseduwann kunn-kutu kila mbər Tar kə̂ Maji tə̂, Egilisi ləse kâra baa njaa aw arəm nɛ̂n, mba kumanʼm nɛ̂n kula tə̂ kə̂ maw dda.

1 Tesalonisinyɛje 1:7

Yeenn a, ə-ddeeje to nɛ̂n-kɔju-marɛ̂ lə njê-mə-kunnje kə̂ Maseduwann kə lə njê kə̂ Akay tɔyn.

1 Tesalonisinyɛje 1:8

Mba tar lə Əbbə-dəwje in bbeê ləse bba tee Maseduwann kə nangə tə̂ kə̂ Akay. Ngaâ, dəwje ooje tam məse kə̂ unnje arəje Lubba le kə lo tɔyn, yeenn a, ja təl pa tar dɔɛ̂ tə̂ ang ngaa.

1 Tesalonisinyɛje 4:10

Aw ə-ndikije ngakɔnje kə̂ Maseduwann tə̂ tɔyn tokə baann mban. A n-ndəjəse karə ə-ddaje arə uta yeenn bbay.

1 Timɔte 1:3

Maji karə ə-nayn Epɛjə ddəw ndu tə̂ kə̂ munn mari kar tə̂ kə̂ maw nɛ̂n kə Maseduwann le. Mə bbe tə̂ kə̂ Epɛjə le, marə dəwje aw tɔjuje nɛ̂n kə dɔgɔlɛ̂ ang. Maji karə ə-gangəde ddəwe tə̂.

Pilemɔn 1:5

Mba maw moo tam ndiki kə̂ aw ndiki njê-mə-kunnje ddəm məi kə̂ unn arə Əbbə-dəwje Jeju ngaâ ə-nayn ddəwe tə̂ le ddəm.