Rɔmɛnje 15:24 - Dɔnɔn kə̂ Siki: Tar kə̂ aw arə təbbə

²⁴ bbo kaw ləm kə Ɛspanyə a, mâ tee rɔse tə̂. M-ndiki ta koose karə asəm ngaji bba ta nday kaw ddəm munda məm ta karə umanʼmje kaw tə̂ ləm le ddəm.

Rɔmɛnje 15:24 ပူးပေါင်းရင်းမြစ်များ

Kulaje 15:3

Egilisi kə̂ Antiyos umande kə marə nɛ̂n nja tə̂ ləde le. N̂-ndayje kə ddəw kə̂ Penisi kə Samari ngaâ n̂-paje tar ddəw kə̂ dəwje kə̂ toje to Jiipije ang ooje nɛ̂n məde tə̂ le darə njê-bbeje le. Tar le arə rɔ-nəəl njê-mə-kunnje tɔyn.

Kulaje 19:21

Go nɛ̂nje tə̂ənn, Pɔl unn ndu ddəw tə̂ lə Ndil-mə-nda ta kaw Jerujalɛm kə ddəw kə̂ Maseduwann kə Akay. N̂-pa nan: «Bbo m-tee nunn a, maji karə m-tee Rɔm tɔ.»

Kulaje 21:5

Ndɔ le asə ngaâ junn ddəw ta kɔtu a, dəwje tɔyn dannjeje, dede kə dɛnɛ̂nje ləde kə ngannde ndərəng n̂-teeje kə je mə bbe tə̂ le ddaka. Jungu məkəjə-gɔlje nangə̂ ta ba-katə tə̂ ngaâ n̂-duju Lubba.

Rɔmɛnje 1:12

Uta tɔyn, m-ndiki ta tee horose tə̂ mba karə mə-kunn ləse ddəm ləm ddəm arəjeje singa kə yo kə nəənn.

Rɔmɛnje 15:28

Bbo m-dda nɛ̂njeenn le tɔyn, a bbo marəde nɛ̂n-mbɔn le a, mâ tee rɔse tə̂ bba mâ nday kaw Ɛspanyə.

2 Kɔrɛntinyɛje 1:16

Goe tə̂ a, mâ kin rɔse tə̂ kaw nangə tə̂ kə̂ Maseduwann. Ngaâ bbo min Maseduwann le a, mâ təl rɔse tə̂ bbay karə umanʼmje kaw tə̂ ləm kə mba tə̂ nangə tə̂ kə̂ Jude.

3 Jan 1:6

N̂-paje tar ndiki kə̂ ə-ndiki dəwje lo mbɔn-naan tə̂ lə njê-mə-kunnje. Maji karə umande mba tə̂ ləde kə daw dawje tə̂ kə gusu kə̂ a karə Lubba rɔ-nəəl.