Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Rɔmɛnje 15:14 - Dɔnɔn kə̂ Siki: Tar kə̂ aw arə təbbə

14 Ngakɔnʼmje, əman njaa m-gərə to isije kə bbo nya ta dda nɛ̂n kə̂ maji. Ə-gərəje nɛ̂nje tɔyn kə̂ to tar ləse ta gərə mban ngaâ asəje ta karə naan ndəjə.

အခန်းကိုကြည့်ပါ။ ကော်ပီ




Rɔmɛnje 15:14
25 ပူးပေါင်းရင်းမြစ်များ  

Mba, ddəw tə̂ lə Jeju-Kristə le bba ingaje nɛ̂n nɛ̂n-kingaje tɔyn, narəse gusu pa-tar kə gusu nɛ̂n-gərə.


Ndil aw arə marə dəw tar kəm-karɛ. Ndil kə̂ kâra baa le njaa tɔ â aw arə dəw tar nɛ̂n-gərə.


Bbo mee kə gusu kila mbər tar lə Lubba wase gusu kɔru gəl nɛ̂nje tɔyn kə̂ toje lo-kiyɛ̂ tə̂ ngaâ m-gərə nɛ̂nje tɔyn wase mə-kunn ləm asə ngəsə ddingirije, a bbo ndiki goto məm tə̂ a, m-to nɛ̂n kə̂ baa.


Bbasinɛn nəənn, jooje nɛ̂n kə̂ ɔju dɔ daje kə̂ darə kɔrje to nɛ̂n-polo. Tɔkɔrɔ, jeje tɔyn n-gərəje nɛ̂n. Nɛ̂n-gərə dda arə dəw oo rɔɛ̂ bo, a ndiki dda arə mbɔn-naan lə njê-mə-kunnje inga singa.


Mba bbo əi kə̂ ə-gərə tar kə̂ tɔkɔrɔ isi mə kəy-polo kɔr tə̂ aw usa nɛ̂n kəm dəw tə̂ kə̂ sangə ang bbay a, kəjə lə dəw le a kaw saa karə nusa daje kə̂ n̂-polo nɛ̂n kɔrje ang wa?


A dəwje tɔyn â gərəje nɛ̂n nəənn ang. Marə dəwje unnje go kɔrje kete bba inyaje gode bbasinɛn nəənn bbay, yeenn â bbo daw dusaje daje kə̂ darə to nɛ̂n-polo a, dəjəje to daje le to nɛ̂n kə̂ darə kɔrje njaa tɔkɔrɔ. Nɛ̂ɛnn le dda arə kəjə ləde kə̂ sangə ang jɔkude.


Nɛ̂nje tɔyn toje rɔse tə̂ nya mban. Nɛ̂nje tokə lə mə-kunn, gusu pa tar, nɛ̂n-gərə dang dang, bbo kula kə ndiki kə̂ ə-ndikijeje. Yeenn a, maji karə ə-ddaje kula mə-maji nəənn le nya nya tɔ.


Lo-karɛ aw ddee kə nɛ̂nje kə̂ maji dang dang kə̂ to nɛ̂nje kə̂ gatə gatə kə nɛ̂nje kə̂ tɔkɔrɔ.


Jeju-Kristə a dda karə kulaje kə̂ gatə gatə dɔrɔ â ə-ddaje. Â kɔsuje gaji Lubba ngaâ â piteje ddəw nɛ̂nje tə̂ənn le.


To kə dɔgɔlɛ̂ karə kəjə ləm to dɔse tə̂ tokə baann njaa, mba m-ndikise. Əsese tɔyn njaa umanʼmje ddəw mə-maji tə̂ kə̂ Lubba dda səm kar tə̂ kə̂ mee nɛ̂n kəy-kula tə̂ bbasinɛn nəənn ddəm kar tə̂ kə̂ maw mɔru nɛ̂n naji Tar tə̂ kə̂ Maji marə ngəng le ddəm.


Maji karə tar lə Kristə kə̂ nɛ̂nje kə̂ maji to məɛ tə̂ nayn horose tə̂ nya nya. Maji karə ə-tɔjuje naan nɛ̂n ddəm ə-ndəjəje naan ddəm kə kəm-karɛ tɔyn. Ɔsuje paje dang dang kə məse tɔyn ə-walje nɛ̂n Lubba ddəw tə̂ lə Ndil-mə-nda mba majije kə̂ n̂-dda kə se.


Yeenn bba, maji karə ə-ndəjəje naan, ə-ddaje arəje njê-marəse ubbaje singa ddəw kâra baa tokə aw ddaje mban le.


Ngakɔnje, n-dujuse nya karə ə-ndɔruje mbi dəwje kə̂ aw ddaje nɛ̂nje kə̂ to kə dɔgɔlɛ̂ ang. Maji karə ə-ddaje arəje dəwje kə̂ rɔde oy njururu təl ubbaje singa. Ngaâ umanje dəwje kə̂ mə-kunn ləde sangə ang bbay ddəm ə-tɔje wurse arəje dəwje tɔyn ddəm.


Mba yeenn bba, jaw duju Lubba kə ndɔ tɔyn mba tar ləse, karə narə pa-nja ləse to lə dəwje kə̂ ne njaa n̂-bbarde. Jaw duju karə ddəw singa-mɔngu tə̂ laa, narəse singa karə ə-ddaje nɛ̂nje tɔyn kə̂ maji kə̂ ə-ndikije ta dda ngaâ karə ə-ddaje kulaje ddəw mə-kunn tə̂ ləse.


Maw mole məm dɔ məi tə̂ kə̂ unn tokə tɔkɔrɔ le. To mə-kunn kə̂ Loyis kə̂ to kaije kə̂ dɛnɛ̂n kə kɔinje Ənis deeje nɛ̂n kete. Məjə tokə əi njaa kara unn məi tokə baann tɔ.


Makəturu kə̂ maw dda mari nəənn, m-gərə to â dda nɛ̂n kə̂ maw duji le ngaâ m-gərə to â dda kuta ye kə̂ m-duji bbay.


Kuru lo əw nya karə ə-ddeeje to njê-nɛ̂n-tɔjuje ngaa. A sese le tɔ bbay â ə-ndikije karə n̂-təl n̂-tɔjuse dɔngɔr nɛ̂nje kə̂ dɔ tar tə̂ lə Lubba wa? Ə-ddeeje to dəwje kə̂ ndikije ta kil mba bbay, bbo asəje ta kusa nɛ̂n kə̂ kətərə ang.


Ngakɔnje kə̂ n-ndikise nya, jaw pa tar be njaa, a n-gərə to ə-naynje ddəw tə̂ kə̂ maji kə̂ to ddəw kinga kaji le.


Mba yeenn bba, m-gərə to ə-gərəje nɛ̂njeenn le ngaâ aw ngəmje tar kə̂ tɔkɔrɔ kə̂ ingaje le kə majɛ̂ njaa, a mâ kole məse dɔɛ̂ tə̂ kə ndɔ tɔyn.


Ə-gərəje tar kə̂ tɔkɔrɔ mban ngaâ ə-gərəje to ngəm in mə tar kə̂ tɔkɔrɔ tə̂ ang. Mba yeenn bba, m-dda makəturu nəənn marəse.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ