Ddəw mə-kâra tə̂ kə̂ m-dda kə Əbbə-dəwje Jeju le m-gərə kə majɛ̂ to marə nɛ̂n kə̂ to nɛ̂n-yərəw kâra goto. A bbo dəw əjə to marə nɛ̂n to nɛ̂n-yərəw a, nɛ̂n le ddee to nɛ̂n-yərəw mba tar laa njaa.
A dəw kə̂ aw əjə tar mba nɛ̂n kə̂ nusa, sariya to dɔɛ̂ tə̂ mban. Mba n̂-dda nɛ̂n le ddəw mə-kunn tə̂ laa ang. Mba nɛ̂n tɔyn kə̂ dəw dda ddəw mə-kunn tə̂ ang to majang.
Marə dəw əjə to marə ndɔje utaje marɛ̂je, a marə dəw əjə to ndɔje tɔyn njaa asəje naan. Maji karə dəw kâra kâra gərə to tar kə̂ naw nəjə məɛ̂ tə̂ le to kə dɔgɔlɛ̂ njaa bba.
A əi kə̂ aw gangə sariya dɔ njê-marije tə̂ le, ə-to nân wa kara tar a kɔru dɔi tə̂ ang. Sariya kə̂ aw gangə dɔ njê-marije tə̂ le, nayn to əi njaa aw gangə sariya dɔi tə̂ənn, mba əi kara aw dda nɛ̂n tokə lə njê-marije le tɔ.
A dəwje tɔyn â gərəje nɛ̂n nəənn ang. Marə dəwje unnje go kɔrje kete bba inyaje gode bbasinɛn nəənn bbay, yeenn â bbo daw dusaje daje kə̂ darə to nɛ̂n-polo a, dəjəje to daje le to nɛ̂n kə̂ darə kɔrje njaa tɔkɔrɔ. Nɛ̂ɛnn le dda arə kəjə ləde kə̂ sangə ang jɔkude.
Ngakɔnʼmje, sese kə̂ Ndil-mə-nda aw tɔjuse ddəw le bbo ingaje marə dəw dɔ majang tə̂ a, maji karə ə-təlje saa ddəw tə̂ kə̂ maji kə ndu kə̂ wul pee. A aa rɔi kə majɛ̂ mba əi kara, nɛ̂n a kasə ta nain tɔ.