Rɔmɛnje 14:14 - Dɔnɔn kə̂ Siki: Tar kə̂ aw arə təbbə

¹⁴ Ddəw mə-kâra tə̂ kə̂ m-dda kə Əbbə-dəwje Jeju le m-gərə kə majɛ̂ to marə nɛ̂n kə̂ to nɛ̂n-yərəw kâra goto. A bbo dəw əjə to marə nɛ̂n to nɛ̂n-yərəw a, nɛ̂n le ddee to nɛ̂n-yərəw mba tar laa njaa.

Rɔmɛnje 14:14 ပူးပေါင်းရင်းမြစ်များ

Marke 7:2

Daaje a, marə njê-njaje goe tə̂ usaje nɛ̂n kə jide yərəw baa. N̂-tokoje jide ang.

Kulaje 10:28

Piyɛr pa arəde nan: «Ə-gərəje kə majɛ̂ to darə ddəw Jiipije karə uwaje buwa-kura kə dəwje kə̂ gəlde dang ang ddəm ta kubba mə kəy ləde ang ddəm. A əman, Lubba tɔjum to, to maji karə moo dəw to dəw kə̂ maji ang kəmʼm tə̂ ang wase m-yabbə dəw ang.

Rɔmɛnje 14:2

Junnje nɛ̂n-kɔju-marɛ̂: Marə dəw a kəjə to nasə ta kusa nɛ̂nje tɔyn, a marə dəw kə̂ mə-kunn laa sangə ang bbay, kam-naynje njaa dɔrɔ â aw usa.

Rɔmɛnje 14:20

Maji karə ə-tuju kula lə Lubba mba tar nɛ̂n-kusa ang. Tɔkɔrɔ njaa, nɛ̂n-kusa tɔyn njaa maji. A ta kusa nɛ̂n kə̂ a dda karə kəsə dəwje ddaje majang to nɛ̂n kə̂ maji ang.

Rɔmɛnje 14:23

A dəw kə̂ aw əjə tar mba nɛ̂n kə̂ nusa, sariya to dɔɛ̂ tə̂ mban. Mba n̂-dda nɛ̂n le ddəw mə-kunn tə̂ laa ang. Mba nɛ̂n tɔyn kə̂ dəw dda ddəw mə-kunn tə̂ ang to majang.

1 Kɔrɛntinyɛje 10:25

Maji karə usaje nɛ̂n tɔyn kə̂ dəwje aw labbəje lo nɛ̂n-labbə tə̂ bbo ə-dujuje tar dɔɛ tə̂ mba kəjə ləse kə̂ aw jɔkuse le ang,

1 Kɔrɛntinyɛje 8:10

Mba bbo əi kə̂ ə-gərə tar kə̂ tɔkɔrɔ isi mə kəy-polo kɔr tə̂ aw usa nɛ̂n kəm dəw tə̂ kə̂ sangə ang bbay a, kəjə lə dəw le a kaw saa karə nusa daje kə̂ n̂-polo nɛ̂n kɔrje ang wa?

1 Kɔrɛntinyɛje 8:7

A dəwje tɔyn â gərəje nɛ̂n nəənn ang. Marə dəwje unnje go kɔrje kete bba inyaje gode bbasinɛn nəənn bbay, yeenn â bbo daw dusaje daje kə̂ darə to nɛ̂n-polo a, dəjəje to daje le to nɛ̂n kə̂ darə kɔrje njaa tɔkɔrɔ. Nɛ̂ɛnn le dda arə kəjə ləde kə̂ sangə ang jɔkude.

1 Timɔte 4:4

Mba nɛ̂nje tɔyn kə̂ Lubba dda maji to maji dɔrɔ. Nɛ̂n kə̂ ta mbətə goto, a maji ta karə wooyo Lubba mban a, kusa.

Titə 1:15

Dəwje kə̂ nɛ̂n-yərəw ɔrude ang, nɛ̂n tɔyn to nɛ̂n-yərəw mbade ang. A dəwje kə̂ nɛ̂n-yərəw to məde tə̂ ngaâ mbətəje ta kunn məde, nɛ̂n kâra maji mbade ang, mba nɛ̂n-yərəw tuju nɛ̂n-gərə ləde ddəm kəjə ləde ddəm.