Rɔmɛnje 13:11 - Dɔnɔn kə̂ Siki: Tar kə̂ aw arə təbbə

¹¹ Yeenn a, maji karə ə-ddaje tokə baann. Mba ə-gərəje kar kə̂ jee tə̂ nəənn kə majɛ̂. Bbasinɛn to kar kə̂ ta karə ə-ndolje, mba kar kə̂ Lubba a kaji nɛ̂n je le nayn ngɔsi baa nya kə je uta kar kə̂ jooje nɛ̂n məje tə̂.

Rɔmɛnje 13:11 ပူးပေါင်းရင်းမြစ်များ

Matiye 16:3

Kə əndɔɔ a, ə-paje nan: ‹Ndi a kərə bbokənɛn, mba mə dara kasɛ ngaâ təl tuka ndul.› Bbo aaje kəm dara a, ə-gərəje nɛ̂n kə̂ a to. A asəje ta gərə nɛ̂n kə̂ a ddee go nɛ̂nje tə̂ kə̂ aw ooje bbasinɛn nəənn ang wa?

Luku 21:28

Bbo nɛ̂ɛnn unn kutu ta ddee a, arje njarara dɔ gɔlse tə̂ ta uwaje dɔse kə taar, mba ndɔ kɔruse mə bbərə tə̂ nayn ngɔsi ngaa.»

1 Kɔrɛntinyɛje 10:11

Nɛ̂njeenn ingaje kajejedede karə ddee to nɛ̂n-kɔju-marɛ̂. N̂-dda tarɛ̂ makəturu tə̂ ta ndəjə nɛ̂n jeje kə̂ n-ddee ngɔsi kə ddutu ndɔ.

1 Kɔrɛntinyɛje 15:34

Maji karə ə-təlje uwaje dɔse kə majɛ̂, inyaje nɛ̂n-ddaje kə̂ maji ang. Mba marə dəwje horose tə̂ gərəje Lubba ang. M-pa baann karə rɔ-kul ddase.

Epɛjinyɛje 5:14

Mba nɛ̂n tɔyn kə̂ tee kə ddaka to lo-karɛ. Mba yeenn bba Makəturu lə Lubba pa nan: «Əi kə̂ aw tibbi nəənn, ə-ndol In taar horo dəwje tə̂ kə̂ oyje, a Kristə a kuru ndoko laa dɔi tə̂.»

Jakə 5:8

Sese kara, maji karə oreje wurse, uwaje arə ngəng mba ndɔ ddee lə Əbbə-dəwje nayn ngɔsi ngaa.

1 Piyɛr 4:7

Nɛ̂nje tɔyn naynje ngɔsi baa ta kɔsu kɔyn ngaa. Yeenn a, maji karə ə-gərəje dɔ jise, arəje kəmse kətərə ta ə-dujuje Lubba.

2 Piyɛr 3:11

Nɛ̂njeenn tɔyn a gotoje, yeenn a, maji karə nɛ̂n-yərəw ɔru pa-nja ləse ang ngaâ ə-ngəmje rɔse mba Lubba.

2 Piyɛr 3:9

Marə dəwje aw paje nan Əbbə-dəwje aw tila nya bba ta dda nɛ̂n kə̂ nunn ndue ta dda le. A nɛ̂ɛnn to tokə baann ang. Naw tɔ wure mbase, mba n̂-ndiki ta karə dəw kâra nayn kə kɔrɔ̂ ang. N̂-ndiki ta karə dəwje tɔyn njaa turuje ddəw ləde.

1 Jan 2:18

Ngannje kə̂ ngaji, ddutu ndɔ asə ngaa. Ooje tar kə̂ n̂-pa darəse nan, nje-baan lə Kristə aw ddee le mban. A bbasinɛn, njê-baanje lə Kristə tokə banya ddeeje ngaa. Yeenn tɔju to jeeje ddutu ndɔ tə̂ ngaa.

Apokalisi 1:3

Maji arə dəw kə̂ tura makəturu nəənn. Maji arəde, de dəwje kə̂ dooje tarje kə̂ Lubba tee nɛ̂n kə ddaka nəənn ngaâ n̂-ngəmje tarje kə̂ n̂-dda makəturu tə̂ le. Mba kar kə̂ nɛ̂njeenn le a teeje nɛ̂n le nayn ngɔsi.

Apokalisi 22:10

Goe tə̂ a, n̂-pa narəm nan: «Ə-kusu tarje lə Lubba kə̂ dila mbəre makəturu tə̂ nəənn ang. Mba kar nayn ngɔsi baa ngaa.

Apokalisi 22:12

Jeju pa nan: «Oo, maw ddee ngɔsi baa. Maw ddee kə kuka lə dəw kâra kâra asə kula-ddɛɛ̂.

Apokalisi 22:20

Dəw kə̂ pa tar-naji nɛ̂nje nəənn le, pa nan: «Tɔkɔrɔ, maw ddee ngɔsi baa.» Amɛnn! Ə-ddee, Əbbə-dəwje Jeju!