Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Rɔmɛnje 12:6 - Dɔnɔn kə̂ Siki: Tar kə̂ aw arə təbbə

6 Lubba arəje gusuje dang dang ddəw mə-maji tə̂ laa kə̂ n̂-dda kə je. Dəw kə̂ Lubba arɛ̂ gusu karə ila nɛ̂n mbər tar lə Lubba a, maji karə dda kula laa le ddəw mə-kunn tə̂.

အခန်းကိုကြည့်ပါ။ ကော်ပီ




Rɔmɛnje 12:6
31 ပူးပေါင်းရင်းမြစ်များ  

Mba yeenn bba, mâ kula njê-kilaje mbər tar lə Lubba, njê-kəm-karɛje kə njê-gərəje-Ndu rɔse tə̂. Â tɔlje marɛ̂je, ta â bbərəje marɛ̂je dɔ kakə-dəsə tə̂. A tundaje marɛ̂je kə ndəy mə kəy mbɔn-naanje tə̂ ləse ngaâ â tubbajede kə bbe bbe.


Ne kə̂ narɛ̂ kandə narɛ kɔr joo le n̂-ddee tɔ ngaâ n̂-pa nan: ‹Əbbəmje, arəm kandə narɛ kɔr joo, a ye kə̂ kɔr joo kə̂ minga dɔɛ̂ tə̂ â nəənn.›


Mba yeenn bba Lubba pa tar ddəw kəm-karɛ tə̂ laa nan: ‹Mâ kula njê-kilaje mbər tar kə njê-kaw-kulaje karəde. Dâ tɔl marɛ̂je ngaâ dâ kula kəm marɛ̂je ndoo tə̂.›


Njê-kilaje mbər tar lə Lubba kə njê-nɛ̂n-tɔjuje eeje mə Egilisi tə̂ kə̂ Antiyos. Ride nan: Barnabas, Simenyɔ kə̂ daw bbarɛ̂ nan Dəw-ndul, Lusiyus kə̂ Sirɛnn, Manayɛn kə̂ ne kə Erodə kə̂ ɔn bbe kə̂ Galile n̂-tɔkəje naan tə̂ kə Sɔl.


Judə de kə Silas kə̂ n̂-toje to njê-kilaje mbər tar lə Lubba le ndəjəde nya karə dingaje nɛ̂n singa.


‹Lubba pa nan: ddutu ndɔ a, mâ sanrɛ Ndil ləm dɔ dəwje tə̂ tɔyn, ngannse kə̂ dingaw kə ngannse kə̂ dɛnɛ̂n a təlje to njê-kilaje mbər tar ləm, ngann basanje ləse a kooje nɛ̂n tokə lə nin, bbukaje ləse a ninje.


Ngannɛ̂ kə̂ dɛnɛ̂n eeje sɔ kə̂ gərəje ngaw ang bbay ngaâ aw ilaje mbər tar lə Lubba.


Mba maal koose ddam nya, ta kaw karə ingaje marə gusuje kə̂ Ndil-mə-nda aw arə bba karə ingaje singa.


Lubba dda səm mə-maji nya. Mba yeenn bba, m-ndəjəse kâra kâra tɔyn karə ooje rɔse bo uta dɔɛ̂ ang. A, maji karə dəw oo rɔɛ̂ ngaji baa asə kəm mə-kunn kə̂ Lubba arə dəw kâra kâra.


A Lubba tula barkəm-rɔje dang dang rɔ dəw tə̂ tokə məɛ̂ ndiki.


Bbo mee kə gusu kila mbər tar lə Lubba wase gusu kɔru gəl nɛ̂nje tɔyn kə̂ toje lo-kiyɛ̂ tə̂ ngaâ m-gərə nɛ̂nje tɔyn wase mə-kunn ləm asə ngəsə ddingirije, a bbo ndiki goto məm tə̂ a, m-to nɛ̂n kə̂ baa.


To tar ləse ta sangə ddəw nya mba ndiki njê-marəseje. To tar ləse ta dda bbo gusu kulaje lə Ndil, uta tɔyn gusu kila mbər tar lə Lubba.


Bbo sese tɔyn aw ilaje mbər tar lə Lubba ngaâ marə dəw kə̂ unn məɛ̂ ang wase marə dəw kə̂ baa andə dɔse tə̂ a, nâ gərə majang laa. Tar kə̂ noo le a gangə sariya dɔɛ̂ tə̂.


Nɛ̂n kə̂ ɔju dɔ kila mbər tar lə Lubba, maji karə dəwje joo wase mota paje tar. A kəseje isaje tar le ooje.


Apolos to nân wa? Pɔl to nân wa? N̂-toje to njê-kulaje lə Lubba baa kə̂ ooje məse tə̂ ddəw tə̂ ləde. Nân nân kara dda kula ddəw gusu tə̂ kə̂ Əbbə-dəwje arɛ̂.


M-ndiki karə dəwje tɔyn toje tokə əman. A dəwje kâra kâra tɔyn ingaje gusu dang dang ji Lubba tə̂. Narə marə dəwje gusu kə̂ be, a narə marɛ̂je gusu kə̂ be.


Bbo dəw ee kə kəjə kə̂ maji ta karə nɛ̂n nɛ̂n kə̂ to jia tə̂ a, Lubba a koo nɛ̂n le maji kəmɛ̂ tə̂. Nɛ̂n kə̂ to ji dəw tə̂ ang â Lubba a duju ang.


Ləw, Lubba tɔju nɛ̂nje kə̂ naynje lo-kiyɛ̂ tə̂ le arə dəwje ang. A bbasinɛn, ddəw tə̂ lə Ndil-mə-nda, n̂-tee nɛ̂n kə ddaka narə njê-kaw-kulaje laa kə njê-kilaje mbər tar laa kə̂ nundade dang.


Ne â narə gusu dəwje. Ne â narə marɛ̂je ddeeje to njê-kaw-kulaje, marɛ̂je to njê-kilaje mbər tar lə Lubba, marɛ̂je to njê-kilaje mbər Tar kə̂ Maji, marɛ̂je to njê-kulaje, a marɛ̂je to njê-nɛ̂n-tɔjuje.


Jeje kə̂ n-tɔkəje ddəw Ndil tə̂ lə Lubba mban, maji karə kəjə ləse to tokə baann. A bbo kəjə ləm to dang dɔ marə nɛ̂n tə̂ a, Lubba a kilaje ddəw-boô.


Maji karə ə-mbətəje mbər tarje lə Lubba kə̂ daw dila le ang.


Maji karə ə-gərəje nɛ̂n nəənn bba: Tarje kə̂ inje ta Lubba tə̂ bba n̂-dda makəturu tə̂ le, dəw kâra a kasə kɔru gəle kə dɔɛ̂ baa ang.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ