Rɔmɛnje 12:19 - Dɔnɔn kə̂ Siki: Tar kə̂ aw arə təbbə

¹⁹ «Ngakɔnʼmje kə̂ m-ndikise nya, sese njaa ilaje barə ang, a inyaje arə wungu lə Lubba â dda kula. Mba Əbbəjeje pa Makəturu tə̂ laa nan: Əman â mâ kila barə! Əman â mâ kuka dəw kâra kâra asə kula-ddɛɛ̂.»

Rɔmɛnje 12:19 ပူးပေါင်းရင်းမြစ်များ

Matiye 5:39

«A əman, m-pa marəse: Bbo dəw dda səi majang a, ila barɛ̂ ang. Bbo dəw unda ka-mbɔri a, ə-turu dəbbe kə̂ kâra arə nunda tɔ.

Rɔmɛnje 12:14

Maji karə ə-bbarje tar kə̂ maji dɔ dəwje tə̂ kə̂ aw ulaje kəmse ndoo tə̂. Ə-bbarje tar kə̂ maji dɔ dəwje tə̂, bbo ə-ndɔɔljede ang.

Rɔmɛnje 12:17

Nɛ̂n kə̂ maji ang kə̂ dəw dda kə se a, ə-ddaje saa tɔ ang. Ə-sangəje ddəw ta dda nɛ̂n kə̂ maji kəm dəwje tə̂ tɔyn.

Rɔmɛnje 13:4

Mba daw ddaje kula nɔn gɔl Lubba tə̂ ta karə isi nɛ̂n kə majɛ̂. A bbo ə-dda nɛ̂n kə̂ maji ang a, maji karə ə-bbəəl, mba Lubba arəde singa karə n̂-gangəje sariya dɔ dəwje tə̂. A daw gangəje sariya baa njaa baann ang. Daw ddaje kula nɔn gɔl Lubba tə̂ ta tɔju wungu laa dɔ dəwje tə̂ kə̂ ddaje nɛ̂n kə̂ maji ang.

Epɛjinyɛje 4:27

Inyaje ddəw arəje Əsu aal isi dɔse tə̂ ang.

1 Tesalonisinyɛje 4:6

Mə tar tə̂ nəənn, maji karə dəw kâra dda marə nɛ̂n kə̂ maji ang kə ngokɔɛ̂n ang ddəm ula nje-marɛ̂ naan tə̂ ang ddəm. Mba n-pa jarəse ngaâ n-ndɔru mbise nya mbɛɛ̂ mban. Əbbə-dəwje a kinya dəwje tɔyn kə̂ aw ddaje nɛ̂nje kə̂ baann baa ang.

2 Timɔte 4:14

Alɛkəjandərə kə̂ to nje-dda-kɔru ddam maji ang nya. Əbbə-dəwje a təl nɛ̂n karɛ̂ asə kula-ddɛɛ̂.

Ebərəje 10:30

Mba n-gərəje dəw kə̂ pa nan: «Əman â mâ kila barə! Əman â mâ kuka dəw kâra kâra asə kula-ddɛɛ̂.» N̂-pa tɔ bbay nan: «Əbbə-dəwje a gangə sariya dɔ dəwje tə̂ laa.»