Rɔmɛnje 11:11 - Dɔnɔn kə̂ Siki: Tar kə̂ aw arə təbbə

¹¹ M-nduju ta gərə: Koso kə̂ dosoje le dâ kinje ang nyɔm wa? Baann ang! Mbal dɔ majang kə̂ n̂-ddaje â dəwje kə̂ gəlde toje to Jiipije ang ingaje nɛ̂n kaji. Lubba dda baann karə mə dda ngann Ijarayɛlje.

Rɔmɛnje 11:11 ပူးပေါင်းရင်းမြစ်များ

Luku 20:16

Nâ ddee tɔl njê-ddaje kula binyə le ngaâ nâ kinya ndɔɔ le ji marə dəwje tə̂ kə̂ dang.» Dəwje kə̂ banya le ooje tar le a, n̂-paje nan: «Maji karə nɛ̂ɛnn ddee tokə baann ang!»

Kulaje 13:42

Kar tə̂ kə̂ Pɔl de kə Barnabas daw teeje kə ddaka a, dəwje le dujujede karə ndɔ-kuwa-rɔ kə̂ guku a, n̂-təlje dɔ tar tə̂ənn le bbay.

Kulaje 18:6

A Jiipije mbətəje tar laa ngaâ daw tajɛ̂je. Yeenn bba, Pɔl le tunda bum kə̂ kubbu tə̂ laa ngaâ pa arəde nan: «Məsəse təl kə dɔse tə̂, tarɛ̂ a kuwa dɔm ang. Bbasinɛn nəənn mâ kaw kə rɔ dəwje tə̂ kə̂ toje to Jiipije ang ngaa.»

Rɔmɛnje 10:19

M-duju ta koo bbay: Ngann Ijarayɛlje gərəje kandə tar le ang wa? Mɔyijə pa kete nan: «Mâ dda karə mə ddase dɔ dəwje tə̂ kə̂ toje to gəl-dəwje kə̂ tɔkɔrɔ ang. Mâ dda karə wungu ɔnse dɔ gəl-dəwje tə̂ kə̂ gərəje nɛ̂n ang.»

Rɔmɛnje 11:1

M-ndiki ta gərə: Lubba turu gire arə dəwje laa ngaa wa? Ndɔ kâra ang! Mba əman kə dɔm njaa m-to ngonn Ijarayɛl tɔ, m-to ngonn-ka Abaraham, dəw kə̂ mə nuju tə̂ lə Bɛnjamɛn.

Rɔmɛnje 11:12

Mbal dɔ majang kə̂ ngann Ijarayɛlje ddaje â dəwje kə̂ toje to Jiipije ang ingaje nɛ̂n nɛ̂n kə̂ maji ngaâ koso ləde dda arə dəwje kə̂ toje to Jiipije ang ingaje nɛ̂nje kə̂ maji. Bbo Jiipije tɔyn ooje məde tə̂ kə Jeju a, nɛ̂nje kə̂ maji kə̂ a ddeeje goe tə̂ a bo nya.

Rɔmɛnje 11:14

karə bbo ddəw to a, mə dda ngakɔnʼmje Jiipije bba karə marɛ̂je turuje məde arə Lubba ajide.

Rɔmɛnje 11:31

Ddəw kâra baa, dede kara bbasinɛn n̂-mbətəje ta koo ta Lubba, mba kəm-to-ndoo ləje kə̂ Lubba oo. Yeenn a, Lubba a kasə koo kəm-to-ndoo lə Jiipije tɔ ngaa.