Mba m-nja mə bbe tə̂ le a, moo kɔrje kə̂ aw polojede. A m-tee dɔ marə baann tə̂ kə̂ n̂-dda makəturu tə̂ nan: ‹Bann lə marə lubba kə̂ dəw gəre ang.› Maji, nɛ̂n kə̂ aw poloje, a ə-gərəje ang le â m-ddee maw mila mbəre marəse nəənn.
Mba n̂-gərəje Lubba kə majɛ̂ njaa. A n̂-walɛ̂je ang ngaâ darɛ̂je wooyo to Lubba ang. Kəjə ləde təl to kə dɔgɔlɛ̂ ang, n̂-gərəje nɛ̂n ang ngaâ n̂-naynje lo ndul tə̂.
Mba yeenn bba, Lubba tusude inyade arə n̂-ddaje nɛ̂nje kə̂ bboe uta dɔde kə̂ aw arəde rɔ-kul. Dɛnɛ̂nje ləde inyaje dingawje, a dɛnɛ̂n marədeje â aw ddaje lo-to-majang kə de. Yeenn to nɛ̂nje kə̂ dəw asə ta dda ang.
Nâ ddee dann ndɔn-puru tə̂ kə̂ aw ɔn ta kila barə dɔ dəwje tə̂ kə̂ gərəje Lubba ang ngaâ mbətəje ta dda nɛ̂n kə turu ndu Tar kə̂ Maji lə Əbbə-dəwje Jeju.
N̂-paje nan n̂-gərəje Lubba, a kula-ddade tɔju to n̂-gərəje Lubba ang. N̂-majije ang, n̂-toje to njê-dɔ-ngəngje, dasəje ta dda kula kə̂ maji kâra ang.
Dəwjeenn le, dede njaa n̂-ndikije tə̂ bba darə məde oy to ləw baa njaa ddəw tar tə̂ kə̂ ta Lubba tə̂, dara kə nangə toje. N̂-dda narə nangə in mə maann tə̂ tee.