Rɔmɛnje 1:25 - Dɔnɔn kə̂ Siki: Tar kə̂ aw arə təbbə

²⁵ Dunnje nɛ̂n kə̂ tɔkɔrɔ ang dilaje turu nɛ̂n kə̂ tɔkɔrɔ tə̂ lə Lubba. N̂-poloje nɛ̂n kə̂ Lubba dda kə jia ngaâ n̂-ddaje kula darə nɛ̂njeenn le. A dinyaje ta polo Lubba kə̂ asə karə dəwje ɔsuje gajɛ̂ kə bbal kə bbal. Amɛnn!

Rɔmɛnje 1:25 ပူးပေါင်းရင်းမြစ်များ

Matiye 10:37

«Dəw kə̂ ndiki bɔɛ̂je wase kɔɛ̂nje utam, a kasə ta ddee to dəw ləm ang. Dəw kə̂ ndiki ngonnɛ̂ kə̂ dingaw wase kə̂ dɛnɛ̂n utam, a ddee to dəw ləm ang.

Matiye 6:24

«Dəw kâra, asə dda bbərə lə əbbeejedede joo ang, mba nâ mbətə marɛ̂ kâra, a nâ ndiki marɛ̂ kâra. Wase nâ kunn rɔɛ̂ karə marɛ̂ kâra, a nâ mbətə marɛ̂ kâra. A kasəje ta dda bbərə lə Lubba ddəm narɛ ddəm ang.»

Tar kə̂ Maji kə̂ Jan dda makəturu tə̂ 2:8

Yeenn ngaâ Jeju pa arəde nan: «Bbasinɛn, ɔruje awje nɛ̂n arəje nje-kɔn dɔ nɛ̂n-kusa le.» Njê-kulaje le awje nɛ̂n arɛ̂je.

Rɔmɛnje 1:18

Wungu ɔn Lubba darâ nu dɔ dəwje tə̂ mba majangje ləde tɔyn kə nɛ̂n-ddaje ləde kə̂ gatə gatə ang kə̂ ore dɔ tar kə̂ tɔkɔrɔ kə nangə̂.

Rɔmɛnje 1:23

Dinyaje ta polo Lubba kə̂ asə piti kə ndɔ kə ndɔ, a kɔrje kə̂ n̂-dda darə unn da-rɔ dəwje kə̂ a toje kə ndɔ kə ndɔ ang kə əəlje kə daje kə̂ gɔlde sɔ kə nɛ̂nje kə̂ aw akəje â n̂-polojede.

Rɔmɛnje 9:5

Lubba dda arə ddəw kuju tə̂, Mesi kə̂ to Lubba kə̂ ee dɔ nɛ̂nje tə̂ tɔyn, in gəl kadedeje tə̂ kə̂ to Abaraham, Ijakə kə Jakobbo. Maji karə dəwje ɔsuje gajɛ̂ kə ndɔ kə ndɔ! Amɛnn!

2 Kɔrɛntinyɛje 11:31

Lubba kə̂ Bɔ Əbbə-dəwje Jeju, kə̂ dəwje aw piteje kə ndɔ kə ndɔ gərə to maw mərə ngəm ang.

Epɛjinyɛje 3:21

Maji karə Egilisi pite, ddəw tə̂ lə Jeju-Kristə kə kar tɔyn kə ndɔ kə ndɔ. Amɛnn.

1 Tesalonisinyɛje 1:9

Dəwje tɔyn aw paje tar tee kə̂ n-tee rɔse tə̂, ndɔ tə̂ kə̂ jaw nɛ̂n bbeê ləse kə gusu kə̂ inyaje nɛ̂n kɔrje kə̂ aw poloje, a ə-turuje rɔse kə rɔ Lubba tə̂ ta dda saa, ne Lubba kə̂ nisi kəm baa ddəm n̂-to Lubba kə̂ tɔkɔrɔ ddəm le

1 Timɔte 1:11

Nɛ̂n-tɔju kə̂ tɔkɔrɔ le to mə Tar kə̂ Maji tə̂, Tar kə̂ Maji le arəje ddəw karə n-gərə Lubba kə̂ piti to laa. Lubba kə̂ ndiki ta karə jisi kə majɛ̂ le njaa inya Tar kə̂ Maji le jim tə̂.

1 Timɔte 1:17

Asə karə dəwje tɔyn ndɔyje ri tɔkə mbay kə̂ nje-kisi kə ndɔ kə ndɔ ngaâ piteje, ne kə̂ noy ang, ne kə̂ kəm dəw ooe ang, Lubba kə̂ kâra baa, Amɛnn.

2 Timɔte 3:4

Dâ toje to njê-kunnje dɔ dəwje, dâ toje njê-wunguje, koo-rɔ-bo a dda karə dooje lo ang, rɔ-nəəl kə̂ nangə̂ nəənn â dâ ndikije bbo dâ ndikije Lubba ang.

1 Jan 5:20

Jeje, n-gərəje to Ngonn lə Lubba ddee ngaâ arəje kəm-karɛ karə n-gərəje Lubba kə̂ tɔkɔrɔ. Ngaâ n-ddaje mə-kâra kə Lubba kə̂ tɔkɔrɔ ddəw tə̂ lə Ngonnɛ̂ Jeju-Kristə. Ne â n̂-to Lubba kə̂ tɔkɔrɔ, ne â n̂-to təbbə kə̂ to kə ndɔ kə ndɔ.