Pilipinyɛje 4:9 - Dɔnɔn kə̂ Siki: Tar kə̂ aw arə təbbə

⁹ Nɛ̂n kə̂ m-ndose, nɛ̂n kə̂ ingaje wase nɛ̂n kə̂ m-dda kə̂ ooje tarɛ̂ kə mbise ddəm kəmse ddəm le, maji karə ə-ddaje. Lubba kə̂ Nje-mə-wul-lɔm a nayn kə se.

Pilipinyɛje 4:9 ပူးပေါင်းရင်းမြစ်များ

Matiye 1:23

«Ngonn mandə kə̂ gərə ngaw ang a kuwa səm, nâ kuju ngonn kə̂ dingaw, ngaâ dâ kunda ria nan Emanuwɛl.» Gəl ri le nan: Lubba isi kə je.

Matiye 28:20

Ə-tɔjujede arəje n̂-ddaje nɛ̂n kə turu nduje tɔyn kə̂ munn marəse. Ooje, mâ nayn kə se kə ndɔ tɔyn ndərəng ddutu ndɔ tə̂.»

Matiye 7:21

«Dəwje tɔyn kə̂ aw bbarəmje nan: ‹Əbbə-dəwje! Əbbə-dəwje!› Dede tɔyn â dâ kandəje Bbe-kɔn tə̂ kə̂ darâ ang. Bbayɛ̂ njaa to dede kə̂ n̂-ddaje nɛ̂n kə̂ mə Bɔmje kə̂ isi darâ ndiki.

Luku 6:46

«Mba ddi bba aw bbarəmje: Əbbə-dəwje, Əbbə-dəwje! A ə-ddaje nɛ̂n kə̂ maw pa marəse ang wa?

Luku 8:21

A nilade tə̂ nan: «Kɔnʼmje kə ngakɔnʼmje â toje to nje kə̂ ooje tar lə Lubba, a ddaje nɛ̂n kula.»

Tar kə̂ Maji kə̂ Jan dda makəturu tə̂ 13:17

Bbasinɛn, ə-gərəje nɛ̂ɛnn le ngaa. Bbo ə-ddaje nɛ̂ɛnn le a rɔ-nəəl to ləse.

Tar kə̂ Maji kə̂ Jan dda makəturu tə̂ 15:14

Bbo ə-ddaje nɛ̂n kə̂ munn ndu karə ə-ddaje a, yeenn tɔju to ə-toje to dəwje kə̂ m-ndikide.

Tar kə̂ Maji kə̂ Jan dda makəturu tə̂ 2:5

Kɔn Jejuje pa arə njê-kulaje nan: «Ə-ddaje nɛ̂n tɔyn kə̂ nâ pa karəse.»

Kulaje 9:6

A in taar andə mə bbe tə̂ le, a dâ tɔji nɛ̂n kə̂ to ta karə ə-dda.»

Rɔmɛnje 15:33

Maji karə Lubba kə̂ nje-karə mə-wul-lɔm isi kə se tɔyn. Amɛnn!

Rɔmɛnje 16:20

Mbɔr ang a, Lubba kə̂ nje-karə mə-wul-lɔm a rii Satan nangə̂ kɔ gɔlse tə̂. Maji karə mə-maji lə Əbbəjeje Jeju nayn kə se.

1 Kɔrɛntinyɛje 10:31

Yeenn bba, bbo aw usaje nɛ̂n, aw ayje nɛ̂n wase nɛ̂n ddi bba aw ddaje kara, maji karə ə-ddaje nɛ̂n tɔyn mba kɔsu nɛ̂n gaji Lubba.

1 Kɔrɛntinyɛje 14:33

Mba Lubba to nje-nɛ̂n-dda kə̂ ngabula ang, n̂-to Lubba kə̂ nje-mə-wul-lɔm. Ddəw kâra baa tokə daw ddaje Egilisije tə̂ lə dəwje lə Lubba tɔyn le,

1 Kɔrɛntinyɛje 4:16

Yeenn bba, m-dujuse nya karə ə-ndajimje.

2 Kɔrɛntinyɛje 13:11

Ta kutu nɛ̂n dɔɛ̂ a, ngakɔnʼmje, maji karə isije kə rɔ-nəəl. Ə-sangəje ddəw ta ddee maji tɔyn. Ə-ndəjəje naan bba karə rɔse oy njururu ang, ooje ta naan, isije kə mə-wul-lɔm. A Lubba kə̂ nje-ndiki dəwje ddəm nje-karə mə-wul-lɔm ddəm a nayn kə se.

Pilipinyɛje 3:17

Ngakɔnʼmje, maji karə sese tɔyn njaa ə-ndajije kula ddam. Jeje n-toje to nɛ̂n-kɔju-marɛ̂. Yeenn a, arəje kəmse to kə dɔ dəwje tə̂ kə̂ pa-nja ləde to tokə pa-nja ləm kə̂ n-nja nɛ̂n.

Pilipinyɛje 4:7

Baann a, mə-wul-lɔm lə Lubba kə̂ uta nɛ̂n-gərə lə dəwje tɔyn a ngəm məse ddəm kəjə ləse ddəm mba ə-ddaje mə-kâra kə Jeju-Kristə.

1 Tesalonisinyɛje 1:6

Sese le, ə-ddaje nɛ̂n tokə jeje ddəm ə-ddaje nɛ̂n tokə lə Əbbə-dəwje ddəm mba mə nɛ̂n-singaje tə̂ kə̂ ingase, ə-taaje tar le kə rɔ-nəəl kə̂ Ndil-mə-nda arəse.

1 Tesalonisinyɛje 2:14

Ngakɔnje kə̂ Tesalonikə, ə-ndajije nɛ̂n-dda lə dəwje kə̂ Egilisi tə̂ kə̂ nangə tə̂ kə̂ Jude mban, dede kə̂ dooje məde tə̂ kə Jeju-Kristə le. Dede le dooje ndoo ji Jiipije tə̂, a bbasinɛn sese kara njê kə̂ ləse njaa aw ula kəmse ndoo tə̂ tokə baann tɔ.

1 Tesalonisinyɛje 5:23

Maji karə Lubba njaa kə̂ to nje-karə mə-wul-lɔm dda arə ə-ddeeje maji tɔyn. Maji karə n̂-ngəm da-rɔse tɔyn, kəjə ləse, kəwn ləse kə rɔse, narə ndɔ ddee lə Əbbə-dəwje Jeju-Kristə a, tar kâra to dɔse tə̂ ang.

2 Tesalonisinyɛje 3:4

Ddəw tə̂ lə Əbbə-dəwje, jaw junda məje dɔse tə̂ to aw ddaje nɛ̂nje kə̂ n-dujuse karə ə-ddaje le ngaâ â ddaje kaw nɛ̂n kə kete kete.

2 Timɔte 4:22

Maji karə Əbbə-dəwje ngəmi! Maji karə mə-maji lə Əbbə-dəwje nayn kə se!

Jakə 1:22

Ərəje rɔse ang. Ə-ddaje kula kə tar lə Lubba bbo ooje kə mbise baa ang.

2 Piyɛr 1:10

Mba yeenn bba, ngakɔnʼmje, maji karə ə-ddaje singa nya mba nayn ddəw bbar tə̂ kə̂ Lubba bbarse kə mbərə kə̂ n̂-mbərəse le kə majɛ̂. Bbo ə-ddaje tokə baann a, â kosoje mə majang tə̂ ndɔ kâra ang.

1 Jan 3:22

Nɛ̂n tɔyn kə̂ n-dujuje a, ja kingaje jia tə̂, mba jaw ngəmje ndu laa ngaâ jaw ddaje nɛ̂n kə̂ məɛ̂ ndiki.