Pilipinyɛje 4:8 - Dɔnɔn kə̂ Siki: Tar kə̂ aw arə təbbə

⁸ Ngakɔnʼmje, tar kə̂ mâ kutu nɛ̂n dɔɛ̂ â nəənn: undaje kəjə ləse kə dɔ nɛ̂nje tə̂ kə̂ tɔkɔrɔ, nɛ̂n kə̂ asə karə dəwje ooje to nɛ̂n kə̂ ngəng kəmde tə̂, nɛ̂n kə̂ gatə gatə, nɛ̂n kə̂ to nɛ̂n-yərəw ang, nɛ̂n kə̂ asə karə dəw ndiki, nɛ̂n kə̂ maji kə̂ dəwje asəje ta piti, nɛ̂n tɔyn kə̂ maji, nɛ̂n kə̂ asə ta kɔsu gajɛ̂.

Pilipinyɛje 4:8 ပူးပေါင်းရင်းမြစ်များ

Matiye 22:16

Dulaje marə njê-njaje gode tə̂ kə dəwje kə̂ unnje go Erodə rɔ Jeju tə̂ le karə n̂-paje darɛ̂ nan: «Nje-nɛ̂n-tɔju, n-gərə to aw pa tar kə̂ tɔkɔrɔ, aw tɔju ddəw lə Lubba tokə tɔkɔrɔ njaa ddəm aw bbəəl kəm dəw ang ddəm. Dəw kə̂ bo wase dəw kə̂ tɛn kara osoi tə̂ ang.

Marke 6:20

mba Erodə aw bbəəl Jan le nya. N̂-gərə to Jan to dəw kə̂ to gatə gatə ddəm dəw kə̂ Lubba undɛ̂ dang ddəm arə naw ngəmɛ̂ kə majɛ̂. Noo tar kə̂ Jan aw pa a, n̂-gərə nɛ̂n kə̂ nâ dda ang. A dɔ ye tə̂ənn njaa kara, n̂-ndiki nya ta koo tarje laa.

Luku 16:15

Jeju pa arəde nan: «Sese aw ddaje rɔse to dəwje kə̂ gatə gatə kəm dəwje tə̂. A Lubba gərə məse, mba nɛ̂n kə̂ dəwje ooje to nɛ̂n kə̂ ngəng kəmde tə̂, to nɛ̂n kə̂ maji ang nya kəm Lubba tə̂.

Luku 2:25

Marə dingaw kâra ria nan Simenyɔ, nisi bbe tə̂ kə̂ Jerujalɛm. Dingaw le to gatə gatə ddəm unn rɔɛ̂ tɔyn arə Lubba ddəm Ndil-mə-nda to dɔɛ̂ tə̂ ddəm. Naw ngəbbə dəw kə̂ a ddee wul mə ngann Ijarayɛlje.

Luku 23:50

Marə dingaw, ria nan Jojɛpə, n̂-to dəw kə̂ maji ddəm dəw kə̂ gatə gatə ddəm. N̂-to dəw kə̂ Arimate kə̂ to marə tɔkə bbe lə Jiipije. Naw ngəbbə kɔn-mbay lə Lubba. Nee horo njê-gangəje sariya tə̂ le. A ne, n̂-mbətə sariya kə̂ njê-gangəje sariya marɛ̂je gangəje dɔ Jeju tə̂ kə nɛ̂nje kə̂ n̂-ddaje kə Jeju le.

Tar kə̂ Maji kə̂ Jan dda makəturu tə̂ 7:18

Dəw kə̂ aw pa tar kə̂ məɛ̂ tə̂ njaa, to dəw kə̂ aw sangə piti laa njaa. A dəw kə̂ aw sangə piti lə dəw kə̂ ulɛ̂, aw pa tar kə̂ tɔkɔrɔ, ngaâ nɛ̂n-dda kə̂ gatə gatə ang ɔrɛ̂ ang.

Kulaje 10:22

Dilaje tə̂ nan: «Kɔrnɛy kə̂ to nje-kɔn dɔ mbambaje â ulaje. N̂-to dəw kə̂ gatə gatə ngaâ naw bbəəl Lubba. Jiipije tɔyn aw paje tar laa maji. Anjə lə Lubba pa arɛ̂ karə n̂-bbari mə kəy tə̂ laa, karə noo tar kə̂ a ta pa karɛ̂.»

Kulaje 22:12

«Marə dingaw kə̂ ria nan Ananiyas ee nunn, n̂-to dəw kə̂ aw bbəəl Lubba, naw ngəm ndu lə Mɔyijə. Jiipije tɔyn kə̂ mə bbe tə̂ənn aw paje tar laa maji.

Kulaje 6:3

Be a, ngakɔnʼmje, maji karə ə-mbərəje dəwje siri horose tə̂ kə̂ dəwje aw paje tar ləde maji. Dəwje kə̂ Ndil-mə-nda kə kəm-karɛ ddusude arəje jinyaje kula nəənn jide tə̂.

Rɔmɛnje 13:13

Maji karə pa-nja ləje to gatə gatə tokə dəwje kə̂ aw njaje dann karâ. Jusaje nɛ̂n wase jayje koto jarə uta dɔɛ̂ ang. Maji karə n-ddaje kaya ang ddəm n-ddaje nɛ̂n kə ngabula ang ddəm. Jinyaje kɔl-naan ddəm jundaje mə kə naan ang ddəm.

Rɔmɛnje 13:3

Bbo dəw dda maji a, nâ kayn njê-kɔn-bbeje ang ngaa, tokə n̂-dda majang bba nâ kaynde. Bbo ə-ndiki ta kayn njê-kɔn-bbeje ang a, ə-dda nɛ̂n kə̂ maji arə n̂-pitije.

Rɔmɛnje 14:18

Dəw kə̂ dda kə Kristə kə ddəw kə̂ tokə baann a, nəəl kəm Lubba tə̂ ddəm dəwje piteje ddəm.

Rɔmɛnje 2:29

Dəw kə̂ to Jiipi məɛ̂ tə̂ nu â to Jiipi kə̂ tɔkɔrɔ. Kuja ganja kə̂ tɔkɔrɔ to ye kə̂ mə dəw tə̂, ddəw tə̂ lə Ndil lə Lubba bbo ddəw Ndu tə̂ kə̂ n̂-dda makəturu tə̂ ang. Jiipi kə̂ tɔkɔrɔ, Lubba â aw pite bbo dəwje â aw piteje ang.

1 Kɔrɛntinyɛje 4:5

Yeenn a, ə-gangəje sariya dɔ dəw tə̂ kete bba karə ndɔɛ̂ asə ang. N-nginanje ndɔ təl lə Əbbə-dəwje. Ne â nâ tee kə nɛ̂n kə̂ iya rɔɛ̂ lo ndul tə̂ kə ddaka ngaâ nâ tɔju kəjəje kə̂ mə dəwje tə̂ kə ddaka. Baann bba dəw kâra kâra a kinga piti kə̂ asə kəm kula laa ji Lubba tə̂.

2 Kɔrɛntinyɛje 13:7

Jaw duju Lubba karə ə-ddaje marə nɛ̂n kə̂ maji ang kâra ang. Le dəwje oojeje to n-nayn ddəw mə-kunn tə̂ ləje ang njaa kara, n-ndiki karə ə-ddaje maji kə dəwje bbo to mə-kunn ləje kə̂ n-nayn ddəwe tə̂ le â n-ndiki ta tɔju ang.

2 Kɔrɛntinyɛje 6:8

Dəwje aw waljeje ddəm daw dabbəjeje ddəm. Daw tajijeje ddəm daw dɔsuje gajije ddəm. Jaw pa tar kə̂ tɔkɔrɔ, a daw doojeje to njê-ngəmje.

2 Kɔrɛntinyɛje 8:18

Julɛ̂ kə marə ngokɔnje kə̂ Egilisije tɔyn aw piteje mba kula kə̂ naw dda mba Tar kə̂ Maji le.

2 Kɔrɛntinyɛje 8:21

Mba jaw sangə ddəw ta dda nɛ̂n kə̂ maji kəm Əbbə-dəwje tə̂ kə karɛ̂ baa ang, kəm dəwje tə̂ tɔ.

Galatəje 5:22

A nɛ̂nje kə̂ Ndil-mə-nda aw ddee nɛ̂n to: Ndiki naan, rɔ-nəəl, mə-wul-lɔm, tɔ-wur, mə-maji, dda maji kə dəwje, mə-kunn,

Epɛjinyɛje 4:25

Yeenn a, maji karə inyaje ngəm, ta dəw kâra kâra pa tar kə̂ tɔkɔrɔ arə nje-marɛ̂, mba jeje tɔyn njaa n-toje da-rɔ kə̂ kâra baa.

Epɛjinyɛje 5:9

Lo-karɛ aw ddee kə nɛ̂nje kə̂ maji dang dang kə̂ to nɛ̂nje kə̂ gatə gatə kə nɛ̂nje kə̂ tɔkɔrɔ.

Epɛjinyɛje 6:14

Arje dɔ gɔlse tə̂, arəje tar kə̂ tɔkɔrɔ to bbərəse tə̂ tokə əndaar-kuwa-bbər. Arəje kula-dda kə̂ gatə gatə to karse tə̂ tokə kubbu andə-narɛ lə njê-ddɔje

Pilipinyɛje 3:1

Bbasinɛn ngakɔnʼmje, maji karə ə-ddaje rɔ-nəəl, mba ə-ddaje mə-kâra kə Əbbə-dəwje. Ta karə muja tar kə̂ m-pa kete mban le makəturu tə̂ marəse bbay jɔkəm ang, mba a dda karə nɛ̂n yəkəse ang.

Kolosinyɛje 4:5

Maji karə ə-njaje horo dəwje tə̂ kə̂ ooje məde tə̂ ang kə kəm-karɛ. Arəje kar kə̂ Lubba inya arəse nday baa ang.

1 Tesalonisinyɛje 4:12

Baann bba pa-nja ləse a dda karə dəwje kə̂ ooje məde tə̂ ang bbəəlse. Ngaâ â ddeeje to nɛ̂n-koto dɔ dəw tə̂ ang.

1 Timɔte 2:2

Maji karə ə-dujuje Lubba mba tɔkə mbayje kə njê-kɔn-bbeje. Baann bba ja kisije ddekeke, ja kisije kə mə-wul-lɔm, karə pa-nja ləje to kə majɛ̂ ngaâ karə junn rɔje jarə Lubba.

1 Timɔte 3:11

Maji karə dɛnɛ̂n njɛɛ̂je kara ulaje gəl rɔde naan tə̂ ang, n̂-toje to njê-nanɛnje ang, n̂-gərəje dɔ jide. N̂-toje to dɛnɛ̂nje kə̂ toje gatə gatə ddəw nɛ̂nje tə̂ tɔyn.

1 Timɔte 3:4

Maji karə n̂-to dəw kə̂ gərə ta tɔju ddəw kə̂ maji njê kə̂ mə kəy tə̂ laa, n̂-to dəw kə̂ ngannɛ̂ ooje tɛɛ̂ ngaâ bbəəleje.

1 Timɔte 4:12

Maji karə dəw ooi to ngonn baa kəmɛ̂ tə̂ ang. A maji karə njê-mə-kunnje ooije to nɛ̂n-kɔju-marɛ̂ ddəw tar tə̂ kə̂ tai tə̂, ddəw kula-ddai tə̂, ddəw ndiki tə̂ kə̂ ə-ndiki dəwje, ddəw məi tə̂ kə̂ unn arə Jeju kə ddəw rɔi tə̂ kə̂ aw ngəm kə majɛ̂.

1 Timɔte 5:10

Maji karə ria bbar mba kula-ddaje kə̂ maji: Maji karə n̂-to dəw kə̂ ngəm ngannɛ̂, dəw kə̂ ngəm njê-mbaje, nje-toko gɔl dəwje lə Lubba. Maji karə n̂-to dəw kə̂ aw aa dəwje kə̂ nɛ̂n kəm-to-ndoo oso dɔde tə̂ oo. Maji karə n̂-to dəw kə̂ dda marə kulaje kə̂ maji dang dang.

1 Timɔte 5:2

Maji karə ə-ndəjə kɔn dɛnɛ̂nje tokə lə kɔinjedede. Ə-ndəjə dɛnɛ̂nje kə̂ naynje kə singade bbay kə mə-nda kayn tokə ngakɔn-nanni.

Titə 1:8

A maji karə n̂-gərə ngəm njê-mbaje ngaâ kəjə dda nɛ̂n kə̂ maji dɔrɔ â to məɛ̂ tə̂. Maji karə n̂-to dəw kə̂ dda nɛ̂n kə ddəwe, n̂-to gatə gatə, n̂-to dəw kə̂ ndiki nɛ̂n-yərəw ang ngaâ n̂-gərə ta tɔ bbo kə̂ da-rɔ tə̂.

Titə 2:14

Nunn rɔɛ̂ njaa narə yo mbaje, mba kɔruje mə majang tə̂ ngaâ ta toko nɛ̂n-yərəw ləje karə n-toje to dəwje laa njaa ddəm karə n-toje to dəwje kə̂ bbo dda kulaje kə̂ maji to məde tə̂ nya ddəm.

Titə 2:2

Ə-pa arə bbukaje gərəje dɔ jide, maji karə bbo kinga narɛ kə dɔgɔlɛ̂ ang ddade ang ngaâ n̂-ddaje nɛ̂n kə ddəwe. Arə darje dɔ mə-kunn tə̂ ləde kə̂ tɔkɔrɔ, arə n̂-ndikije naan ngaâ duwaje darə ngəng.

Titə 2:7

mə nɛ̂nje tə̂ tɔyn. Əi njaa kara, maji karə ə-to nɛ̂n-kɔju-marɛ̂ ddəw kula-ddai tə̂ kə̂ maji. Ə-tɔju nɛ̂n kə dɔgɔlɛ̂ ta ə-ndam nɛ̂n ang.

Titə 3:14

Maji karə kəsə njê-mə-kunnje kara unnje rɔde tɔyn ddaje kulaje kə̂ maji. Yeenn bba bbo marə nɛ̂n du a, dâ kasəje ta karə nɛ̂nje njangə baa kuman nɛ̂n ngaâ dâ toje to dəwje kə̂ kari baa ang.

Ebərəje 11:2

Ddəw mə-kunn tə̂ lə kajejedede â Lubba pa nɛ̂n tar ləde maji.

Ebərəje 13:18

Maji karə ə-dujuje Lubba mbaje. Mba n-gərə to kəjə ləje to kə majɛ̂ bbo jɔkuje ang ngaâ n-ndiki karə pa-nja ləje to kə majɛ̂ mə nɛ̂nje tə̂ tɔyn.

Jakə 1:27

Kə̂ kəm Lubba tə̂ kə̂ to Bɔjeje, dda kə Lubba tɔkɔrɔ tə̂ kə̂ nɛ̂n-yərəw ɔru ang, to kaw koo ngann-ndubbaje kə dɛnɛ̂n-ndubbaje lo-kisi ndoo tə̂ ləde ngaâ ta ngəm-rɔ ddəw kula yərəwje tə̂ kə̂ dɔ nangə tə̂ tɔ.

Jakə 3:17

A kete njaa kara, kəm-karɛ kə̂ in darâ to nɛ̂n-yərəw ang, to kəm-karɛ kə̂ aw dda arə mə-wul-lɔm to horo dəwje tə̂, aw dda arə dəwje wulje pee, dəwje ooje ta naan, dəwje ddaje kula kə̂ maji. Kəm-karɛ le dda arə dəwje ɔruje kəm naan ang, dəwje ooje kəm-to-ndoo lə naan ddəm n̂-ddaje nɛ̂n mba kəm dəwje ang ddəm.

1 Piyɛr 1:22

Maji karə ə-ddaje nɛ̂n ddəw tar tə̂ kə̂ tɔkɔrɔ, arəje nɛ̂n-yərəw ɔruse ang mba ndiki nɛ̂n ngakɔnse tokə tɔkɔrɔ tə̂ njaa. Yeenn a, maji karə ə-ndikije naan kə mə-kâra kə ndɔ tɔyn.

1 Piyɛr 2:12

Arəje pa-nja ləse to kə majɛ̂ horo dəwje tə̂ kə̂ gərəje Lubba ang. Yeenn bba karə, bbo daw dundaje tar dɔse tə̂ baa mba marə nɛ̂n a, dâ kooje kula-ddase kə̂ maji ngaâ dâ kɔsuje nɛ̂n gaji Lubba ndɔ tə̂ kə̂ nâ tee dɔde tə̂.

1 Piyɛr 4:8

Dɔngɔr nɛ̂n, arəje ndiki naan ləse to kə lo-toe, mba ndiki ɔnn dɔ majangje nya.

2 Piyɛr 3:1

Ngakɔnʼmje kə̂ m-ndikise nya, ooje, makəturu kə̂ to joo laa ngaa â mula nɛ̂n marəse nəənn. Mə makəturuje tə̂ le joo kəm, m-ndiki ta kole məse dɔ marə nɛ̂nje tə̂, mba ndol nɛ̂n dɔse karə kəjə ləse to kə majɛ̂.

1 Jan 3:18

Ngannje, maji karə n-ndikije naan kə tar kə̂ taje tə̂ baa ang. Maji karə n-ndikije naan ddəw dda marə nɛ̂n tə̂ kə ddəw ndiki tə̂ kə̂ tɔkɔrɔ.

1 Jan 3:3

Dəw kə̂ unda məɛ̂ dɔ Kristə tə̂, toko nɛ̂n-yərəw laa kə ddang tokə Kristə kə̂ nɛ̂n-yərəw kâra ɔrɛ̂ ang le.

1 Jan 4:1

Ngakɔnʼmje kə̂ m-dikise, bbo dəw pa nan Ndil-mə-nda to rɔɛ̂ tə̂ a, ooje məse tə̂ kə tar laa le kə ngɔru ang. Maji karə ə-nanje dəw le ooje se ndil kə̂ to məɛ̂ tə̂ to Ndil lə Lubba njaa wa bba. Mba njê-kilaje mbər tar kə̂ tɔkɔrɔ ang banyaje dɔ nangə tə̂ nya.