Pilipinyɛje 4:17 - Dɔnɔn kə̂ Siki: Tar kə̂ aw arə təbbə

¹⁷ Maw sangə ddəw ta kinga nɛ̂n jise tə̂ ang. Nɛ̂n kə̂ maw sangə to karə Lubba ila nɛ̂n dɔ marə tə̂ arəse.

Pilipinyɛje 4:17 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 15:16

Əman â m-mbərəse bbo sese â ə-mbərəmje ang ngaâ mulase karə awje, ta andəje kandə. Ngaâ karə kandə ləse le nayn kə ləw. Baann bba nɛ̂n tɔyn kə̂ ə-dujuje Bɔ kə rim a, nâ karəse.

Tar kə̂ Maji kə̂ Jan dda makəturu tə̂ 15:8

Nɛ̂n kə̂ a karə piti Bɔmje â nəənn: Maji karə andəje kandə nya ngaâ ə-tɔjuje to ə-toje to njê-njaje gom tə̂.

Rɔmɛnje 15:28

Bbo m-dda nɛ̂njeenn le tɔyn, a bbo marəde nɛ̂n-mbɔn le a, mâ tee rɔse tə̂ bba mâ nday kaw Ɛspanyə.

2 Kɔrɛntinyɛje 11:16

M-təl m-pa bbay: Maji karə dəw oom to nje-wooy ang. Wase bbo oomje tokə baann a, maji karə ə-ndikije tə̂ karə əman njaa kara munda gum ngaji.

2 Kɔrɛntinyɛje 9:5

Mba yeenn bba, moo maji ta duju ngakɔnje le karə awje rɔse tə̂ kete, karə n̂-gɔlje nɛ̂n-mbɔn kə̂ unnje nduse ta mbɔn le. Yeenn bba bbo m-tee ngaâ nɛ̂nje le toje dɔ naan tə̂ lo kâra a, a tɔju to arəje nɛ̂nje le kə mə-kâra bbo arəje kə̂ mə kə̂ joo ang.

Pilipinyɛje 1:11

Jeju-Kristə a dda karə kulaje kə̂ gatə gatə dɔrɔ â ə-ddaje. Â kɔsuje gaji Lubba ngaâ â piteje ddəw nɛ̂nje tə̂ənn le.

Pilipinyɛje 4:11

Maw pa tar baann mba nɛ̂n â dum wa? Baann ang. M-gərə ta kunda məm kə dɔ nɛ̂n tə̂ kə̂ to jim tə̂ njaa.

1 Tesalonisinyɛje 2:5

Sese kara ə-gərəje kə majɛ̂, jaw pa tarje ta kərə nɛ̂n dəw ndɔ kâra ang ngaâ kəjə ləje to dɔ nɛ̂n-kinga tə̂ ndɔ kâra ang. Lubba njaa kara a kɔru naji ləje.

1 Timɔte 3:3

Maji karə n̂-to bbərə lə koto ang, n̂-to nje-ddɔ kə dəwje ang, n̂-to dəw kə̂ wul pee, n̂-to dəw kə̂ ndiki kɔl ang, n̂-to dəw kə̂ ndiki narɛ nya ang.

1 Timɔte 6:10

Mba, bbo narɛ â to ngira nɛ̂nje kə̂ maji ang tɔyn. Marə dəwje kə̂ isije kə bbo narɛ inyaje mə-kunn ləde ddəw əw. Yeenn bba dede njaa n̂-darje dɔde nɛ̂n kəm-to-ndooje tə̂ dang dang.

Titə 1:7

Dəw kə̂ dɔ Egilisi tə̂ to nje-ngəm nɛ̂n lə Lubba. Yeenn a, maji karə tar to dɔɛ̂ tə̂ kâra ang. Maji karə noo rɔɛ̂ bo ang, n̂-to nje-wungu ang, n̂-to bbərə lə koto ang, n̂-to nje-ddɔ kə dəw ang, maji karə bbo kinga narɛ kə dɔgɔlɛ̂ ang ddɛɛ̂ ang.

Titə 3:14

Maji karə kəsə njê-mə-kunnje kara unnje rɔde tɔyn ddaje kulaje kə̂ maji. Yeenn bba bbo marə nɛ̂n du a, dâ kasəje ta karə nɛ̂nje njangə baa kuman nɛ̂n ngaâ dâ toje to dəwje kə̂ kari baa ang.

Ebərəje 6:10

Lubba to gatə gatə ang bba məɛ̂ a koy dɔ nɛ̂nje kə̂ aw ddaje le ang ddəm ndiki kə̂ ə-ndikeje le ang ddəm. Ə-tɔjuje ndiki ləse le ddəw maji tə̂ kə̂ ə-ddaje kə kəsə njê-mə-kunnje ləw ngaâ ə-naynje aw ddaje bbay bbasinɛn le.

1 Piyɛr 5:2

Ddəw kâra baa tokə njê-ngəmje nɛ̂n-kuulje, maji karə ə-ngəmje dəwje kə̂ banya kə̂ Lubba inyade mə jise tə̂ le kə majɛ̂. Lubba ndiki karə ə-ngəmjede kə mə-ndiki ləse njaa bbo tokə nɛ̂n kə̂ duwase kə singa bba karə ə-ddaje nɛ̂ɛnn le ang. Ə-ddaje nɛ̂ɛnn le mba kinga nɛ̂n narɛ ang. Maji karə ə-ddaje kə mə-kâra.

2 Piyɛr 2:15

Dinyaje ddəw kə̂ ndɔju, a n̂-ndəəmje ddəw. Ddəw kə̂ Balaam kə̂ to ngonn lə Bosɔr unn â dunnje. Ne kə̂ n̂-ndiki tə̂ ta kinga kuka nɛ̂n-dda kə̂ gatə gatə ang le.

2 Piyɛr 2:3

Bbo nɛ̂n-kinga a ddade nya ngaâ dâ kərəjese taa nɛ̂n nɛ̂nje ləse. A sariya kə̂ dɔde tə̂ to ngɔsi ngɔsi ləw baa ngaâ mbɔr ang a, dâ kubbaje tuju.

Judə 1:11

Nɛ̂n-wungu a ddee dɔde tə̂, mba n̂-ddaje nɛ̂n tokə lə Kayn. Dərəje ngəm tokə lə Balaam mba kinga nɛ̂n narɛ, n̂-ddaje dɔ-ngəng tokə lə Kore.