Pilipinyɛje 3:18 - Dɔnɔn kə̂ Siki: Tar kə̂ aw arə təbbə

¹⁸ M-pa marəse gɔl banya nya mban. A, m-təl ta pa karəse bbokənɛn kə maann-nɔn kəmʼm tə̂: dəwje nya aw njaje tokə dəwje kə̂ mbətəje tar koy lə Kristə kə̂ oy dɔ kakə-dəsə tə̂.

Pilipinyɛje 3:18 ပူးပေါင်းရင်းမြစ်များ

Luku 19:41

Jeju ddee ngɔsi kə Jerujalɛm ngaâ oo bbe le a nɔn mbɛɛ̂.

Kulaje 20:19

M-dda kula lə Əbbə-dəwje kə mə ngonn-kasə kə maann-nɔn kə kəm-to-ndoo, mba Jiipije unguje tar mə naan tə̂ ta ddam maji ang.

Rɔmɛnje 9:2

Mba rɔm nəələm ang ngaâ bbəngərəm aw ti kə ndɔ tɔyn.

1 Kɔrɛntinyɛje 1:18

Tɔkɔrɔ, tar koy lə Kristə dɔ kakə-dəsə tə̂ to nɛ̂n-mbə baa kəm dəwje tə̂ kə̂ aw unnje ddəw yo. A tar le to singa-mɔngu lə Lubba kəmje jeje tə̂ kə̂ naw najije.

1 Kɔrɛntinyɛje 6:9

Ə-gərəje ang wa? Dəwje kə̂ toje gatə gatə ang, lo ləde goto Bbe-kɔn tə̂ lə Lubba. Ərəje rɔse ang! Njê-kayaje wase njê-poloje kɔrje, njê-ddaje lo-to-majang wase dingawje kə̂ aw toje kə dingaw marədeje,

2 Kɔrɛntinyɛje 11:13

Dede, n̂-toje to njê-kaw-kulaje kə̂ tɔkɔrɔ ang. N̂-toje to njê-ngəmje kə̂ ddaje rɔde to njê-kaw-kulaje lə Kristə.

2 Kɔrɛntinyɛje 11:29

Bbo marə dəw singɛ̂ goto a, əman kara moo rɔm to mee kə singa ang tɔ. Bbo mə-kunn lə marə dəw oso a, tarɛ̂ sanʼm nya.

2 Kɔrɛntinyɛje 2:4

Makəturu kə̂ kete le, m-dda marəse kə mə-kɔn kə maann-nɔn, wurum a ta ti. Ta dda karə rɔse nəəlse ang bba m-dda nɛ̂n makəturu le marəse ang. M-dda karə ə-gərəje to m-ndikise nya.

Galatəje 1:7

To marə Tar kə̂ Maji kə̂ dang bba to ang. Marə dəwje â aw turuje dɔse ngaâ ndikije ta turu Tar kə̂ Maji lə Kristə le.

Galatəje 2:14

Moo a, daw njaje ddəw tar tə̂ kə̂ tɔkɔrɔ kə̂ Tar kə̂ Maji pa le ang. Mba yeenn bba, m-pa marə Piyɛr kəm dəwje tə̂ tɔyn m-pa nan: «Bbo əi kə̂ ə-to Jiipi, kisi ləi to tokə dəwje kə̂ toje to Jiipije ang a, â kuwa dəwje kə̂ toje to Jiipije ang le kə singa karə n̂-ddaje nɛ̂n tokə lə Jiipije tokə baânn wa?»

Galatəje 2:21

M-ndiki ta mbətə mə-maji kə̂ Lubba dda le ang. Mba bbo dəw aw ddee gatə gatə ddəw Ndu tə̂ kəm Lubba tə̂ a, yeenn pa nan Kristə oy baa be.

Galatəje 5:21

dda bbo nɛ̂n lə dəw, kay koto kə kusa nɛ̂n karə uta dɔɛ̂ kə marə nɛ̂nje kə̂ baann. M-pa marəse kete mban, a m-təl m-pa bbay, dəwje kə̂ aw ddaje nɛ̂nje kə̂ baann le. Bbe-kɔn lə Lubba a to ləde ang.

Galatəje 6:12

Dəwje tɔyn kə̂ uwajese karə ujaje ganja le ndikije karə dəwje oojede maji kəmde tə̂. Nɛ̂n kə̂ daw sangə njaa to, karə koy lə Kristə dɔ kakə-dəsə tə̂ le dəwje ulaje kəmde ndoo mbɛɛ̂ ang.

Galatəje 6:14

A əman, bbayɛ̂ njaa koy lə Əbbəjeje Jeju-Kristə kakə-dəsə tə̂ njaa mâ kunda nɛ̂n gum. Ddəw koy tə̂ laa le moo nɛ̂nje kə̂ duninya tə̂ nəənn tokə nɛ̂nje kə̂ oy ngaâ nɛ̂nje kə̂ duninya tə̂ oomje tokə dəw kə̂ oy tɔ.

Epɛjinyɛje 4:17

Mba yeenn bba, nɛ̂n kə̂ m-dujuse nya kə ri Əbbə-dəwje â nəənn: Dəwje kə̂ gərəje Lubba ang le arəje pa-nja ləse to tokə ləde ang. Kəjəje ləde aw aw kə de nɛ̂nje tə̂ kə̂ baa.

Pilipinyɛje 1:4

Kar tɔyn njaa bbo maw duju Lubba mba tar ləse tɔyn a, maw duje kə rɔ-nəəl nya,

1 Tesalonisinyɛje 4:6

Mə tar tə̂ nəənn, maji karə dəw kâra dda marə nɛ̂n kə̂ maji ang kə ngokɔɛ̂n ang ddəm ula nje-marɛ̂ naan tə̂ ang ddəm. Mba n-pa jarəse ngaâ n-ndɔru mbise nya mbɛɛ̂ mban. Əbbə-dəwje a kinya dəwje tɔyn kə̂ aw ddaje nɛ̂nje kə̂ baann baa ang.

2 Tesalonisinyɛje 3:11

A joo nan marə dəwje horose tə̂ aw ddaje dabbə. N̂-ddaje kula ang, a tar lə dəwje â daw dulaje tade kə tə̂.

2 Piyɛr 2:10

Uta tɔyn, nâ gangə sariya dɔ njê kə̂ aw ddaje nɛ̂n ddəw bboje tə̂ kə̂ da-rɔde tə̂, a ooje singa-mɔngu lə Lubba to nɛ̂n ang. Njê-nɛ̂n-tɔjuje kə̂ tɔkɔrɔ ang nəənn le əjəje to dasəje ta dda nɛ̂n tɔyn ngaâ daw dundaje gude nya nya. Ndilje kə̂ darâ kə̂ aw ingaje piti njaa kara n̂-bbəəlje ta tajide ang.

Judə 1:13

Daw teeje kə nɛ̂n-rɔ-kul ləde kə̂ n̂-ddaje kə ddaka tokə maann kə̂ aw ləngə kə singa ngaâ aw ubbu njum-tɛɛ̂. N̂-toje tokə əndɛtɛrɛndɛnje kə̂ arje lo kâra ang kə̂ Lubba ngəm marə lo kə̂ il biti biti kə̂ a to kə ndɔ kə ndɔ mbade.