Pilipinyɛje 2:8 - Dɔnɔn kə̂ Siki: Tar kə̂ aw arə təbbə

⁸ N̂-dda rɔɛ̂ ngaji baa. Noo ndu Lubba ndərəng, noy nɛ̂n yo kə̂ dɔ kakə-dəsə tə̂.

Pilipinyɛje 2:8 ပူးပေါင်းရင်းမြစ်များ

Matiye 17:2

Jeju turu to dang kəmde tə̂, kəmɛ̂ unn kutu ndoko tokə lə kar ngaâ kubbuje laa turu nda ngaâ aw ndoko.

Matiye 26:39

Goe tə̂ a, n̂-ngəsə kə kete tɛn be ngaâ n̂-tee noso kə ta məɛ̂, n̂-dəbbə kəmɛ̂ nangə̂ ngaâ n̂-duju Lubba n̂-pa nan: «Bɔy, bbo ddəw to a, uta əngo kəm-to-ndoo nəənn kə ddang. A ə-dda tokə məi ndiki bbo tokə məm ndiki ang.»

Matiye 26:42

Jeju təl aw ddəw əw bbay aw nduju Lubba nan: «Bɔy, bbo əngo nəənn le to ta karə may njaa, bbo ddəw kə̂ â kɔru nɛ̂n kə ddang goto a, maji karə ə-dda nɛ̂n kə̂ məi ndiki.»

Luku 9:29

Kar tə̂ kə̂ naw duju Lubba a, kəmɛ̂ turu to dang ngaâ kubbuje laa kara turu nda kayn kayn.

Tar kə̂ Maji kə̂ Jan dda makəturu tə̂ 10:18

Dəw kâra ɔru təbbə ləm jim tə̂ kə singa ang, əman njaa marə kə̂ mə-ndiki ləm. Masə ta karə təbbə ləm ngaâ masə ta təl kinga. Yeenn to ndu kə̂ Bɔ unn arəm.»

Tar kə̂ Maji kə̂ Jan dda makəturu tə̂ 14:31

A n̂-ddee bba karə dəwje kə̂ duninya tə̂ nəənn gərəje to m-ndiki Bɔ ngaâ maw dda nɛ̂n kə̂ Bɔ unn ndu arəm karə m-dda. Inje taar arə jɔtuje lo tə̂ nəənn.»

Tar kə̂ Maji kə̂ Jan dda makəturu tə̂ 15:10

Bbo ə-ngəmje nduje ləm a, mâ nayn kaw ndikise. Ddəw kâra baa tokə m-ngəm nduje lə Bɔmje ngaâ nayn aw ndikim.

Tar kə̂ Maji kə̂ Jan dda makəturu tə̂ 4:34

Jeju pa arəde nan: «Nɛ̂n-kusa ləm to ənga dda nɛ̂n kə̂ mə Lubba kə̂ ulam ndiki, ta dda kula kə̂ narəm le tunga.

Kulaje 8:33

N̂-ddɛɛ̂ darə n̂-ddee to nɛ̂n ang ngaâ darɛ̂ naji laa ang. Nân bba a pa tar lə ngannɛ̂ wa? Mba n̂-dda darə təbbə laa kə̂ dɔ nangə tə̂ unda ngangɛ̂.»

Rɔmɛnje 5:19

Dəwje nya ddeeje to njê-nɛ̂n-ddaje kə̂ maji ang ddəw tə̂ lə dəw kâra kə̂ aal ta Lubba. Ddəw kâra baa, dəwje nya ddeeje gatə gatə kəm Lubba tə̂ ddəw tə̂ lə dəw kâra kə̂ oo ta Lubba.

2 Kɔrɛntinyɛje 8:9

Mba ə-gərəje mə-maji lə Əbbəjeje Jeju-Kristə kə̂ to nje-nɛ̂n-kinga, bba təl dda rɔɛ̂ to nje-ndoo mba tar ləse, bba karə ndoo laa dda arə ə-ddeeje to njê-nɛ̂n-kingaje.

Galatəje 3:13

A Kristə ɔruje kɔ ndu-ndɔɔl tə̂ kə̂ Ndu ddee nɛ̂n dɔje tə̂ mban, n̂-ddee to dəw kə̂ ndu-ndɔɔl to dɔɛ̂ tə̂ ɔju dɔje. Mba Makəturu lə Lubba pa nan: «Dəw kə̂ n̂-tɔɛ̂ kakə tə̂ n̂-tɔlɛ̂ to dəw kə̂ ndu-ndɔɔl to dɔɛ̂ tə̂.»

Titə 2:14

Nunn rɔɛ̂ njaa narə yo mbaje, mba kɔruje mə majang tə̂ ngaâ ta toko nɛ̂n-yərəw ləje karə n-toje to dəwje laa njaa ddəm karə n-toje to dəwje kə̂ bbo dda kulaje kə̂ maji to məde tə̂ nya ddəm.

Ebərəje 12:2

Jarəje kəmje to kə dɔ Jeju tə̂ kə̂ ɔru ta-ddəw mə-kunn arəje ngaâ aw dda arə mə-kunn ləje le aw sangə kə majɛ̂ le. N̂-ndiki tə̂ ta koy dɔ kakə-dəsə tə̂ bbo n̂-dda rɔ-kule ang. N̂-ndiki tə̂ mba noo rɔ-nəəl kə̂ nâ kinga goe tə̂ tokə kete ngaâ bbasinɛn, nisi dɔ ji-kɔl Lubba tə̂.

Ebərəje 12:4

Mba ddɔ kə̂ aw ddɔje kə majang le, ə-ddɔje ndərəng ə-teeje nɛ̂n yo tə̂ ang bbay.

1 Piyɛr 2:24

Noto majangje ləje dɔɛ̂ tə̂ dɔ kakə-dəsə tə̂ mba karə jeje kə̂ jɔruje rɔje majang tə̂, ddəw koy tə̂ kə̂ joyje saa mban le jisije kəm baa mba dda nɛ̂n kə̂ gatə gatə. Ddəw doje tə̂ kə̂ ninga, najije rɔ-toje tə̂ ləje.

1 Piyɛr 3:18

Mba Kristə le njaa oy gɔl kâra baa mba majangje lə dəwje. Ne kə̂ n̂-to gatə gatə, noy mba dəwje kə̂ toje gatə gatə ang, mba kaw kə se rɔ Lubba tə̂. Dəwje tɔl da-rɔɛ̂, a Lubba ndole arə n̂-təl nisi kəm baa ddəw tə̂ lə Ndil-mə-nda.