Pilipinyɛje 2:5 - Dɔnɔn kə̂ Siki: Tar kə̂ aw arə təbbə

⁵ Maji karə pa-nja ləse horo naan tə̂ to ddəw kâra baa kə pa-nja lə Jeju-Kristə:

Pilipinyɛje 2:5 ပူးပေါင်းရင်းမြစ်များ

Matiye 11:29

Ə-taaje juku ləm otoje ngaâ arəje m-tɔjuse nɛ̂n, mba m-wul pee ddəm məm to mə ngonn-kasə ddəm. Yeenn bba â kuwaje rɔse.

Luku 22:27

Nân â to dəw kə̂ bo wa? Dəw kə̂ isi ta nɛ̂n-kusa tə̂ wase dəw kə̂ aw unda nɛ̂n-kusa nɔn nje-marɛ̂ tə̂ le wa? Dəw kə̂ isi ta nɛ̂n-kusa tə̂ le â to dəw kə̂ bo ang wa? A əman, mee horose tə̂ tokə lə nje-kula lə dəwje.

Kulaje 10:38

Ə-gərəje ddəw kə̂ Lubba ula nɛ̂n singa-mɔngu kə Ndil-mə-nda dɔ Jeju kə̂ Najarɛtə tə̂ kə majɛ̂. Narə n̂-dda maji kə dəwje tɔyn kə lo lo ddəm naji dəwje tɔyn kə̂ Əsu uwade bbərə tə̂ ddəm mba Lubba ee saa.

Kulaje 20:35

Kə ndɔ tɔyn, maw tɔjuse to, to maji ta dda kula tokə baann mba kuman nɛ̂n njê-ndooje, ta kole nɛ̂n məse dɔ tar tə̂ kə̂ Əbbə-dəwje Jeju njaa pa. Tar le nan: ‹Dəw kə̂ nje-karə nɛ̂n, rɔɛ̂ nəəle uta dəw kə̂ nje-taa nɛ̂n le.› »

Rɔmɛnje 14:15

Bbo ə-dda arə rɔ ngokɔin nəəle ang mba nɛ̂n kə̂ naw nusa a, yeenn tɔju to aw dda nɛ̂n ddəw ndiki tə̂ ang ngaa. Maji karə ə-dda arə ngokɔin kə̂ Kristə oy mba tar laa tuju mba nɛ̂n-kusa ang.

Rɔmɛnje 15:3

Mba Kristə le, nɛ̂n kə̂ nəəle â sangə ang. A Makəturu lə Lubba pa nan: «Nɛ̂n-tajije kə̂ dəwje aw tajije oso dɔm tə̂.»

Rɔmɛnje 15:5

Maji karə Lubba kə̂ to nje-dda karə dəwje aw tɔje wurde ddəm nje-karə singa dəwje le ddəm dda arə asəje ta koo-ta-naan horose tə̂ tokə Jeju-Kristə tɔjuse.

1 Kɔrɛntinyɛje 10:33

Mba yeenn bba, maw sangə ddəw ta ddee maji kəm dəwje tə̂ tɔyn, ddəw nɛ̂nje tə̂ tɔyn. Maw sangə kisi maji lə dəwje tokə banya, mba karə dingaje kaji bbo maw sangə kisi maji ləm njaa ang.

Epɛjinyɛje 5:2

Ə-ndikije njê-marəse tokə Kristə ndikije ngaâ unn təbbə laa arə Lubba to nɛ̂n-karə-baa ddəm to nɛ̂n-polo kə̂ tokə dukann kə̂ ətə maji ddəm.

Pilipinyɛje 1:1

Əman Pɔl kə Timɔte kə̂ n-to bbərə-kulaje lə Jeju-Kristə n-dda makəturu nəənn jula nɛ̂n jarə dəwje tɔyn kə̂ isije Pilipi kə̂ toje to njê-mə-ndaje ddəw tə̂ lə Jeju-Kristə. Jula nɛ̂n jarə njê-kɔnje dɔ Egilisi kə diyakərəje tɔ.

1 Piyɛr 2:21

Nɛ̂ɛnn njaa Lubba bbarse mbɛɛ̂, mba Kristə njaa kara oo ndoo mba tar ləse. N̂-dda baann to nɛ̂n-kɔju-marɛ̂ mba tɔju nɛ̂n se ddəw.

1 Piyɛr 4:1

Kristə oo ndoo da-rɔɛ̂ tə̂. Yeenn a, sese kara maji karə kəjə ləse to tokə baann tɔ. Mba dəw kə̂ oo ndoo da-rɔɛ̂ tə̂, to dəw kə̂ ɔru rɔɛ̂ majang tə̂ kə ddang ngaa.

1 Jan 2:6

Dəw kə̂ pa nan n̂-dda mə-kâra kə Lubba a, maji karə dəw le nja tokə Jeju nja.