Pilipinyɛje 2:17 - Dɔnɔn kə̂ Siki: Tar kə̂ aw arə təbbə

¹⁷ Le mə-kunn ləse aw dda arə aw ddaje kula arəje Lubba to nɛ̂n-polo njaa kara, əman, bbo n̂-tɔləm a, rɔm a nəələm, mba məsəm a to nɛ̂n-polo dɔ marɛ̂ tə̂ ləse ngaâ mâ dda rɔ-nəəl kə se.

Pilipinyɛje 2:17 ပူးပေါင်းရင်းမြစ်များ

Kulaje 20:24

Moo təbbə ləm to nɛ̂n kəmʼm tə̂ ang. Nɛ̂n kə̂ m-ndiki njaa to ənga dda kula kə̂ Əbbə-dəwje Jeju inya jim tə̂ ndərəng kɔsu kɔnyɛ̂. Kula le to kula kila mbər Tar kə̂ Maji kə̂ to mə-maji lə Lubba.

Kulaje 21:13

A Pɔl ila tə̂ nan: «Mba ddi bba aw nɔnje ngaâ aw ddaje arə məm aw gangə maann wa? Bbo n̂-tɔm kə kula wase n̂-tɔləm Jerujalɛm mba ri Əbbə-dəwje Jeju njaa kara m-ndiki tə̂.»

Rɔmɛnje 12:1

Ngakɔnʼmje, Lubba tɔju maji laa kə̂ n̂-dda kə je. Yeenn bba, m-walse nya karə unnje da-rɔse njaa arəje Lubba tokə nɛ̂n-polo kə̂ to kəm baa, nɛ̂n kə̂ dunda dang ngaâ maji kəm Lubba tə̂. Yeenn â to gusu kə̂ tɔkɔrɔ kə̂ ta polo nɛ̂n Lubba.

Rɔmɛnje 15:16

karə m-ddee to nje-kula lə Jeju-Kristə horo dəwje tə̂ kə̂ toje to Jiipije ang. Nundam dang karə mila mbər Tar kə̂ Maji. Yeenn bba dəwje kə̂ toje to Jiipije ang a ddeeje tokə nɛ̂n-karə-baa kə̂ maji kəm Lubba tə̂. Ndil-mə-nda â dda arə nɛ̂n-karə-baa le maji tɔyn.

2 Kɔrɛntinyɛje 12:15

Əman, m-ndiki ta tuju nɛ̂nje ləm ddəm ta tuju singam ddəm tɔyn mbase. Â ndikimje nya ang, mba ndiki kə̂ m-ndikise nya le wa?

2 Kɔrɛntinyɛje 4:12

Yeenn a, yo aw dda kula rɔje tə̂, a təbbə aw dda kula rɔse tə̂.

2 Kɔrɛntinyɛje 6:10

Dəwje aw ddaje arə rɔje nəəlje ang, a jaw jisi kə rɔ-nəəl kə ndɔ tɔyn. Dəwje aw oojeje to njê-ndooje, a jaw dda jarə dəwje nya aw ddeeje to njê-nɛ̂n-kingaje. Dəwje oojeje to marə nɛ̂n ləje goto, a jee kə nɛ̂n tɔyn.

2 Kɔrɛntinyɛje 7:4

Munda məm tɔyn kə dɔse tə̂. Maw munda gum mbase nya. Wurum oso pɔn ddəm maw minga rɔ-nəəl nya ddəm mə nɛ̂n kəm-to-ndooje tə̂ ləje.

Pilipinyɛje 1:20

Nɛ̂n kə̂ maw ngəbbə kə̂ munda məm dɔɛ̂ tə̂ nya dda arə rɔm a wul ang. A unn kute bbokənɛn nyɔm kə ləw, bbo misi kəm baa wase moy kara, pa-nja ləm a tɔju to Kristə le to nje-tɔkə-mbangə.

Pilipinyɛje 2:18

Maji karə sese kara rɔse nəəlse ta isije kə rɔ-nəəl səm tɔ.

Pilipinyɛje 2:30

mba nayn tɛn baa a noy mba kula lə Kristə. Nila rɔɛ̂ kɔrɔ̂ mba kumanʼm kula tə̂ kə̂ sese njaa ingaje ddəw ta kumanʼm tə̂ ang.

Pilipinyɛje 4:18

Minga nɛ̂n tɔyn jim tə̂ asə loe mban. M-təl minga uta dɔɛ̂ bbay. Nɛ̂n kə̂ arəje Epaporoditə ddee nɛ̂n arəm le minga kə majɛ̂. Nɛ̂n dum ang ngaa. Nɛ̂n kə̂ arəmje le to tokə yambo kə̂ ətə maji nya wase nɛ̂n-polo kə̂ maji kəm Lubba tə̂ ddəm nəəle ddəm.

Kolosinyɛje 1:24

Bbasinɛn maw dda rɔ-nəəl mba ndoo kə̂ maw moo mba tar ləse. Ngaâ, maw moo kəsə ndoo lə Kristə mba Egilisi kə̂ to da-rɔɛ̂.

1 Tesalonisinyɛje 2:8

N-ndikise nya, n-to ngɔsi ta pa Tar kə̂ Maji lə Lubba karəse ddəm ta karə təbbə ləje njaa mbase ddəm. Mba ə-ddeeje to dəwje kə̂ n-ndikise nya.

2 Timɔte 4:6

Əman, kar kə̂ dâ kunnum karə to nɛ̂n-polo asə mban ngaâ m-nayn ngɔsi baa ta koy ngaa.

1 Piyɛr 2:5

Sese njaa kara, ə-toje tokə lə ərje kə̂ naynje kəm baa tɔ, yeenn a, maji karə unnje rɔse kə̂ to ər le ə-ddaje nɛ̂n kəy lə Ndil-mə-nda. Baann bba a ddeeje to njê-poloje Lubba kə̂ dundade dang mba kula laa, ta kunn nɛ̂n-polo ddəw Ndil tə̂ karɛ̂, nɛ̂n-polo kə̂ maji kəmɛ̂ tə̂ ddəw tə̂ lə Jeju-Kristə.

1 Jan 3:16

Nɛ̂n kə̂ tɔju ndiki le â nəənn: Jeju unn təbbə laa ila kɔrɔ̂ mbaje. Baann a, maji karə jeje kara jarəje təbbə ləje mba ngakɔnje tɔ.