Pilipinyɛje 2:14 - Dɔnɔn kə̂ Siki: Tar kə̂ aw arə təbbə

¹⁴ Nɛ̂n tɔyn njaa kə̂ aw ddaje a, maji karə ə-ddaje ddəw kəm-rɔ tə̂ ang ddəm ddəw mayn-tar tə̂ ang ddəm.

Pilipinyɛje 2:14 ပူးပေါင်းရင်းမြစ်များ

Matiye 20:11

Kar tə̂ kə̂ dingaje narɛ le a, n̂-nanɛ̂nje kə nje-ndɔɔ le

Marke 14:5

Asə ta labbə yambo nəənn kandə narɛ kɔr mota kayn narɛ̂ njê-ndooje ang wa?» N̂-paje tar lə dɛnɛ̂n le maji ang.

Marke 9:14

Kar kə̂ Jeju kə njê-njaje goe tə̂ kə̂ mota le n̂-teeje ngɔsi kə kəseje a, dooje dəwje kə̂ banya kə̂ guku kəseje le kə njê-gərəje-Ndu kə̂ aw maynje tar kə de.

Luku 5:30

Parijinyɛje kə njê-gərəje-Ndu aw nyuruje ngaâ paje arə njê-njaje goe tə̂ nan: «Mba ddi bba aw usaje nɛ̂n ddəm aw ayje nɛ̂n ddəm kə njê-taaje narɛ lambo kə njê-nɛ̂n-ddaje kə̂ maji ang wa?»

Kulaje 15:2

Pɔl de kə Barnabas n̂-mbətəje nɛ̂n-tɔju ləde le ngaâ n̂-maynje kə de tar. Yeenn bba, njê-mə-kunnje unnje ndu karə Pɔl de kə Barnabas kə marə njê-mə-kunnje dawje Jerujalɛm daw dingaje njê-kaw-kulaje kə dəwje kə̂ dɔ Egilisi tə̂ mba tar nəənn le.

Kulaje 15:39

Tar ləde aw naan tə̂ ang ngaâ nân nân kara unn ddəw laa. Barnabas ila Markə goe tə̂ ngaâ dunnje tɔkə to dawje Sipərə.

Kulaje 15:7

N̂-maynje naan tar ngəng nya ngaâ Piyɛr in taar pa nan: «Ngakɔnʼmje, ə-gərəje to Lubba bbarəm horose tə̂ ləw baa karə m-pa Tar kə̂ Maji marə dəwje kə̂ toje to Jiipije ang, karə dooje tar le ngaâ dooje məde tə̂.

Kulaje 6:1

Dɔ ndɔɛ̂ tə̂ənn, kɔr njê-njaje go Jeju tə̂ aw kə kete kete. Jiipije kə̂ aw paje ndɔn-tar gɛrɛkə aw əmje rɔde kə ri dede kə̂ n̂-toje to Ebərəje. Mba kə ndɔ tɔyn bbo Ebərəje le aw kaynje nɛ̂n-kusa dɛnɛ̂n-ndubbaje a, dɔruje kəm dɛnɛ̂n-ndubbaje ləde.

Rɔmɛnje 12:18

Bbo ddəw to a, arəje mə-wul-lɔm to horose tə̂ kə dəwje tɔyn.

Rɔmɛnje 14:1

Dəw kə̂ mə-kunn laa sangə ang bbay, maji karə uwɛ̂je kə rɔse tə̂ ta kəjəje kə̂ məɛ̂ tə̂ ooje to kəjəje kə̂ maji ang ang.

Rɔmɛnje 16:17

Ngakɔnʼmje, nɛ̂n kə̂ mâ dujuse â nəənn: Aaje rɔse rɔ dəwje tə̂ kə̂ aw ddaje arə njê-mə-kunnje aw tinje naan. Dâ paje tar kə̂ to dang kə nɛ̂n-tɔju kə̂ n-tɔjuse ngaâ dâ ddaje karə njê-mə-kunnje osoje mə majang tə̂. Aynjede,

1 Kɔrɛntinyɛje 10:10

Maji karə n-nyuruje tokə marə kajejedede nyuruje le ang, mba anjə kə̂ nje-rasə dəwje rasəde.

2 Kɔrɛntinyɛje 12:20

M-bbəəl mba kin karə m-tee bbeê ləse a, ə-toje dang kə ye kə̂ m-ndiki ddəm əman kara m-to dang kə ye kə̂ ə-ndikije le ddəm. Ngaâ, m-bbəəl mba kin karə nɛ̂nje kə̂ maji ang to horose tə̂. Nɛ̂nje tokə: Koo-ta-naan ang, kunda-mə kə naan, dda wungu, nɛ̂n-dda kə̂ ta kuta nɛ̂n naan, nanɛn kə naan, tura tarje baa baa, koo-rɔ-bo kə nɛ̂nje kə̂ ngabula.

Galatəje 5:15

A bbo aw tɔnje naan ngaâ aw tiirje naan a, aaje kə majɛ̂ nan â tujuje naan.

Galatəje 5:26

Maji karə boro uta dɔje ang, n-ngaan naan ang, jundaje mə kə naan ang.

Pilipinyɛje 2:3

Ə-ddaje nɛ̂n to nɛ̂n-dda kuta nɛ̂n naan ang ddəm to nɛ̂n-kɔsu rɔ ang ddəm. A maji karə ooje rɔse ngaji ta ooje njê-marəseje to dəwje kə̂ utajese.

1 Tesalonisinyɛje 5:13

Maji karə oojede maji kəmse tə̂ ddəm ə-ndikijede ddəm ɔju dɔ kula ləde le. Maji karə isije kə mə-wul-lɔm horose tə̂.

1 Tesalonisinyɛje 5:15

Aaje kə majɛ̂ arə dəw kâra ila barə majang kə̂ dəw dda saa ang. A, maji karə ə-sangəje ddəw ta dda maji horose tə̂ ddəm ta dda maji kə dəwje tɔyn ddəm.

Ebərəje 12:14

Maji karə ə-sangəje ddəw kisi kə mə-wul-lɔm kə dəwje tɔyn. Ngaâ arəje nɛ̂n-yərəw ɔruse ang. Baann ang a, dəw kâra horose tə̂ a koo Əbbə-dəwje ang.

Jakə 1:20

mba wungu lə dəw dda nɛ̂n kə̂ gatə gatə kəm Lubba tə̂ ang.

Jakə 3:14

Bbo mə ddase nya wase kəjə kə̂ maji ang kə̂ ta nar nɛ̂n lo kə̂ bo to məse tə̂ a, maji karə ɔsuje gaji rɔse ang ddəm ərəje ngəm ə-tujuje nɛ̂n tar kə̂ tɔkɔrɔ ang ddəm.

Jakə 5:9

Ngakɔnʼmje, bbo ə-ndikije karə Lubba gangə sariya dɔse tə̂ ang a, əmje rɔse kə ri naan ang. Ooje, nje-gangə sariya ar ta-kəy tə̂ ngɔsi.

1 Piyɛr 3:11

Maji karə nayn majang ta n̂-dda maji, Maji karə n̂-sangə mə-wul-lɔm ta n̂-nayn ddəwe tə̂.

1 Piyɛr 4:9

Maji karə ə-taaje naan kə rɔ naan tə̂, a əmje rɔse ang.

Judə 1:16

Dede le, n̂-toje to dəwje kə̂ rɔde nəəlde ndɔ kâra ang. Daw dəmje rɔde kə ndɔ tɔyn. Bbo nɛ̂n kə̂ to məde tə̂ dɔrɔ â n̂-ddaje. Tam-tɔnde to ngəm dɔrɔ. Daw dɔsuje gaji dəwje mba kinga nɛ̂n nɛ̂n jide tə̂.