Pilipinyɛje 2:1 - Dɔnɔn kə̂ Siki: Tar kə̂ aw arə təbbə

¹ Mə-kâra kə̂ ə-ddaje kə Kristə le dda arə ingaje singa, ndiki kə̂ n̂-ndikise le dda arə rɔse ndɔɔ, ə-ddaje mə-kâra kə Ndil-mə-nda, ə-ndikije naan ddəm ə-ddaje mə-maji kə̂ naan ddəm.

Pilipinyɛje 2:1 ပူးပေါင်းရင်းမြစ်များ

Luku 2:25

Marə dingaw kâra ria nan Simenyɔ, nisi bbe tə̂ kə̂ Jerujalɛm. Dingaw le to gatə gatə ddəm unn rɔɛ̂ tɔyn arə Lubba ddəm Ndil-mə-nda to dɔɛ̂ tə̂ ddəm. Naw ngəbbə dəw kə̂ a ddee wul mə ngann Ijarayɛlje.

Tar kə̂ Maji kə̂ Jan dda makəturu tə̂ 14:18

«Mâ kinyase to ngann aalje ang, mâ təl ddee rɔse tə̂.

Tar kə̂ Maji kə̂ Jan dda makəturu tə̂ 14:27

«Marəse mə-wul-lɔm. Mə-wul-lɔm ləm njaa marəse. Marə mə-wul-lɔm le nayn kəse tokə mə-wul-lɔm lə dəwje kə duninya tə̂ ang. Əjəje tar ang ddəm arəje bbəəl ddase ang ddəm.

Tar kə̂ Maji kə̂ Jan dda makəturu tə̂ 17:13

«Bbasinɛn, maw maw kə rɔi tə̂. A maw pa tar be duninya tə̂ bba karə rɔ-nəəl kə̂ minga le dingaje məde tə̂ tɔ, rɔ-nəəl kə̂ asə loe njaa.

Kulaje 2:46

Dooje ta naan ngaâ kə ndɔ kâra kâra tɔyn daw dawje kəy-polo Lubba tə̂ naan tə̂. Daw dusaje nɛ̂n mə kəy tə̂ lə naan. Daw dusaje nɛ̂n ləde kə rɔ-nəəl kə mə ngonn-kasə.

Kulaje 4:32

Njê-mə-kunnje kə̂ banya le, məde kə kəjə ləde to kâra baa. Dəw kâra horode tə̂ pa nan marə nɛ̂n to lə ne kə karə ne baa ang, mba nɛ̂n-kingaje ləde tɔyn to ləde horo naan tə̂.

Rɔmɛnje 5:5

Məje kə̂ jundaje dɔ Lubba tə̂ le a dda karə rɔje wul ang, mba Lubba arə Ndil-mə-nda kə̂ narəje le ula ndiki laa məje tə̂ tokə bo.

Rɔmɛnje 8:26

Ddəw kâra baa, Ndil-mə-nda kara aw umanje ddəw singaje tə̂ kə̂ goto le tɔ. Mba n-gərəje nɛ̂n kə̂ to maji ta duju Lubba ang. A Ndil-mə-nda njaa aw duju Lubba mba tar ləje tokə lə dəw kə̂ aw tila məɛ̂, marə tila-mə kə̂ nya dəw karə pa to pa.

1 Kɔrɛntinyɛje 12:13

Mba jeje tɔyn, Jiipije wase Gɛrɛkəje, bbərəje wase bbərəje ang kara n-ddaje batɛm tɔyn ddəw Ndil tə̂ kə̂ kâra baa karə n-ddeeje da-rɔ kə̂ kâra baa ngaa. Ndil kə̂ kâra baa le â Lubba arəje tɔyn.

1 Kɔrɛntinyɛje 15:31

Mərəse ang, ngakɔnʼmje kə ndɔ kâra kâra tɔyn yo aw bbərə gom. Tɔkɔrɔ njaa rɔm nəələm nya mbase, sese kə̂ əman kə se n-ddaje mə-kâra kə Əbbəjeje Jeju-Kristə le.

1 Kɔrɛntinyɛje 3:16

Ə-gərəje ang wa? Ə-toje to kəy-polo Lubba ngaâ Ndil lə Lubba isi məse tə̂.

2 Kɔrɛntinyɛje 2:14

Jarəje wooyo Lubba, kə̂ dda arə ddəw tə̂ lə Kristə jee horo dəwje tə̂ kə̂ aw ɔsuje nja kə go kulɛ̂ go Kristə tə̂ kə̂ tətə ddɔ le. Ddəw tə̂ ləje, narə dəwje gərəje Kristə loje tə̂ tɔyn, tokə yambo kə̂ banyɛ̂ taa lo tɔyn.

Galatəje 4:6

Lubba ula Ndil lə Ngonnɛ̂ məje tə̂ ta tɔju to n-to ngannɛ̂ njaa. Ndil le aw uru əkii nan: «Aba», kandə tar le nan «Bɔy!»

Galatəje 5:22

A nɛ̂nje kə̂ Ndil-mə-nda aw ddee nɛ̂n to: Ndiki naan, rɔ-nəəl, mə-wul-lɔm, tɔ-wur, mə-maji, dda maji kə dəwje, mə-kunn,

Epɛjinyɛje 4:4

Da-rɔ kâra baa ngaâ Ndil-mə-nda kâra baa, tokə Lubba bbarse karə undaje məse dɔ nɛ̂n tə̂ kâra kə̂ n̂-bbarse mbɛɛ̂ le.

Pilipinyɛje 1:8

Tɔkɔrɔ Lubba kara gərə ndiki kə̂ m-dikise nya tokə Jeju-Kristə ndikise nya le tɔ.

Pilipinyɛje 3:3

Jeje â juja ganja kə̂ tɔkɔrɔ, mba jaw poloje Lubba ddəw Ndil tə̂ laa, jaw junda guje ddəw tə̂ lə Jeju-Kristə ngaâ junda məje kə dɔ rɔje tə̂ njaa ang.

Kolosinyɛje 2:2

M-ndiki ta karə dingaje singa məde tə̂ ngaâ n̂-ddeeje kâra baa ddəw ndiki naan tə̂, karə nɛ̂n-gərə kə̂ maji dda arə məde oso pɔn. Ngaâ n̂-gərəje nɛ̂n kə̂ Lubba ngəm lo-kiyɛ̂ tə̂. Nɛ̂n le to Kristə.

Kolosinyɛje 3:12

Lubba â mbərəse arə ə-ddeeje to dəwje laa kə̂ n̂-ndikise nya. Yeenn bba, maji karə ooje ndoo lə dəwje, ə-ddaje maji kə dəwje, ə-ddaje rɔse ngaji, ə-wulje pee ngaâ ə-tɔje wurse.

Ebərəje 6:18

Yeenn bba ndu-kunn kə yo-kunda lə Lubba toje to nɛ̂nje kə̂ a turuje ndɔ kâra ang. Ngaâ Lubba kara a kərə ngəm ddəwe tə̂ ang tɔ. Nɛ̂ɛnn arəje singa nya, jeje kə̂ bbay lo kiya-rɔ ləje njaa to karə junda məje dɔ nɛ̂n tə̂ kə̂ Lubba unn ndue ta karəje le.

1 Piyɛr 1:2

Lubba kə̂ Bɔ mbərəse undase dang, ddəw kâra baa kə nɛ̂n kə̂ n̂-gɔl tokə kete, ddəw tə̂ lə Ndil-mə-nda karə ooje ta Jeju-Kristə ngaâ karə məse tokose arə nɛ̂n-yərəw ɔruse ang. Maji karə Lubba dda kə se mə-maji nya ddəm narə məse wul nya ddəm.

1 Jan 3:24

Dəw kə̂ ngəm ndu lə Lubba nayn ddəw mə-kâra tə̂ kə Lubba ngaâ Lubba nayn ddəw mə-kâra tə̂ saa. Nɛ̂n kə̂ tɔju to Lubba dda mə-kâra kə je to Ndil-mə-nda kə̂ narəje.

1 Jan 4:12

Dəw oo Lubba ndɔ kâra ang. Bbo n-ndikije naan horoje tə̂ a, Lubba dda kə je mə-kâra ngaâ ndiki laa to məje tə̂ kə majɛ̂.

1 Jan 4:16

Jeje, n-gərəje ndiki kə̂ Lubba ndikije ngaâ jooje məje tə̂ kə ndiki le. Lubba to ndiki. Dəw kə̂ nayn ddəw ndiki tə̂, nayn ddəw mə-kâra tə̂ kə Lubba ddəm Lubba nayn ddəw mə-kâra tə̂ saa ddəm.