Pilipinyɛje 1:6 - Dɔnɔn kə̂ Siki: Tar kə̂ aw arə təbbə

⁶ Nɛ̂n kə̂ m-gərə â tokə be: Lubba kə̂ unn kutu kula kə̂ maji tɔyn nəənn ddəw tə̂ ləse a kaw nɛ̂n ndərəng karə tunga ndɔ tə̂ kə̂ Jeju-Kristə a təl.

Pilipinyɛje 1:6 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 6:29

Jeju ilade tə̂ nan: «Kula lə Lubba to karə ooje məse tə̂ kə dəw kə̂ nulɛ̂.»

Kulaje 11:18

Dəwje le ooje tarjeenn le a, əwje rɔde ngaâ ɔsuje gaji Lubba paje nan: «Lubba arə ddəw dəwje kə̂ toje to Jiipije ang karə n̂-turuje məde mba kinga nɛ̂n təbbə tɔ.»

Kulaje 16:14

Marə dɛnɛ̂n le kâra to dəw kə̂ Tiyatir, ria nan Lidi. N̂-to nje-labbə kubbu kə̂ kasɛ kə̂ narɛ̂ ngəng ngaâ naw polo Lubba. Noo tarje kə̂ jaw pa ngaâ Əbbə-dəwje unda məɛ̂ arə n̂-tuka mbia noo nɛ̂n tarje kə̂ Pɔl aw pa le.

1 Kɔrɛntinyɛje 1:8

Lubba le njaa a karəse singa ndərəng ddutu ndɔ tə̂ karə ndɔ təl lə Əbbəjeje Jeju-Kristə a, tar to dɔse tə̂ ang.

2 Kɔrɛntinyɛje 1:15

M-gərə to nɛ̂ɛnn a to tokə baann njaa. Ngaâ m-ndiki ta kaw rɔse tə̂ kete, karə tar kə̂ maji to dɔse tə̂ to gɔl joo laa.

2 Kɔrɛntinyɛje 2:3

Mba yeenn bba, m-dda nɛ̂n makəturu kə̂ keteenn le marəse, mba bbo m-tee rɔse tə̂ a, â ddaje karə rɔm nəələm ang. Mba sese â, â kasəje ta dda karə rɔm nəələm. M-gərə kə majɛ̂ to, rɔ-nəəl ləm to rɔ-nəəl ləse tɔyn tɔ.

2 Kɔrɛntinyɛje 7:16

Rɔm nəələm nya mba masə ta kunda məm dɔse tə̂ mə nɛ̂nje tə̂ tɔyn.

2 Kɔrɛntinyɛje 9:4

Bbo njê kə̂ Maseduwann ddeeje səm ngaâ gərəje to ə-gɔlje rɔse ang a, məje kə̂ junda dɔse tə̂ le a təl to nɛ̂n-rɔ-kul ləje ddəm ləse ddəm.

Galatəje 5:10

A Əbbə-dəwje dda arə munda məm dɔse tə̂ to â kəjəje marə tar dang ang. A dəw kə̂ aw turu dɔse le n̂-to nân njaa kara, sariya lə Lubba a to dɔɛ̂ tə̂.

Epɛjinyɛje 4:12

N̂-dda baann bba karə dəwje lə Lubba asəje tɔyn ta dda kula karə Egilisi kə̂ to da-rɔ Kristə sangə.

Pilipinyɛje 1:10

Yeenn bba â gərəje nɛ̂n kə̂ maji. Yeenn tɔ bba â toje kə majɛ̂ ddəm tar a to dɔse tə̂ ang ddəm ndɔ tə̂ kə̂ Kristə a təl.

Pilipinyɛje 1:29

Mba Lubba dda kə se mə-maji karə ooje məse tə̂ kə Kristə njaa a bbayɛ̂ ang, n̂-dda kə se mə-maji karə ooje ndoo mbɛɛ̂ tɔ.

Pilipinyɛje 2:12

Yeenn a, ngakɔnʼmje kə̂ m-dikise nya, ooje ta Lubba kə majɛ̂ njaa, kar tə̂ kə̂ mee nɛ̂n horose tə̂. A maji karə ooje tɛɛ̂ uta nya bbay, kar tə̂ kə̂ bbasinɛn nəənn kə̂ m-goto horose tə̂ le. Maji karə ə-ddaje kula kaji kə̂ ingaje le kə bbəəl ddəm rɔ-kisa ddəm.

Pilipinyɛje 2:13

Mba Lubba njaa a kila bbo kula məse tə̂ ddəm nâ karəse singa dda kula le ddəm ddəw kâra baa kə nɛ̂n kə̂ n̂-gɔl ta dda kə mə-ndiki laa.

Pilipinyɛje 2:16

sese kə̂ aw paje tar kə̂ aw arə təbbə arəjede le. Yeenn bba ndɔ kə̂ Kristə təl a, mâ kunda gum mbase. Nɛ̂ɛnn le a tɔju to m-dda kula m-tuju nɛ̂n singam baa ang ddəm moo nɛ̂n ndoo baa ang ddəm.

Kolosinyɛje 2:12

Batɛm kə̂ ingaje le nayn to n̂-dubbuse kə Kristə naan tə̂. Goe tə̂ a, ə-ndolje saa naan tə̂, mba ooje məse tə̂ to singa lə Lubba â ndole.

1 Tesalonisinyɛje 1:3

Kəm Lubba tə̂ kə̂ to Bɔjeje, jaw jole məje dɔ kulaje tə̂ kə̂ aw ddaje ddəw mə-kunn tə̂ ləse kə dɔ ndiki tə̂ ləse kə̂ aw dda kula. Jole məje dɔ məse tə̂ kə̂ aw undaje dɔ Əbbəjeje Jeju-Kristə tə̂ arəje ngəng le tɔ.

2 Tesalonisinyɛje 1:11

Mba yeenn bba, jaw duju Lubba kə ndɔ tɔyn mba tar ləse, karə narə pa-nja ləse to lə dəwje kə̂ ne njaa n̂-bbarde. Jaw duju karə ddəw singa-mɔngu tə̂ laa, narəse singa karə ə-ddaje nɛ̂nje tɔyn kə̂ maji kə̂ ə-ndikije ta dda ngaâ karə ə-ddaje kulaje ddəw mə-kunn tə̂ ləse.

2 Tesalonisinyɛje 3:4

Ddəw tə̂ lə Əbbə-dəwje, jaw junda məje dɔse tə̂ to aw ddaje nɛ̂nje kə̂ n-dujuse karə ə-ddaje le ngaâ â ddaje kaw nɛ̂n kə kete kete.

Pilemɔn 1:21

Makəturu kə̂ maw dda mari nəənn, m-gərə to â dda nɛ̂n kə̂ maw duji le ngaâ m-gərə to â dda kuta ye kə̂ m-duji bbay.

Ebərəje 10:35

Yeenn a, məse kə̂ undaje le, maji karə ə-tusuje inyaje ang. Mba kuka kə̂ bo nya to ddəwe tə̂.

Ebərəje 12:2

Jarəje kəmje to kə dɔ Jeju tə̂ kə̂ ɔru ta-ddəw mə-kunn arəje ngaâ aw dda arə mə-kunn ləje le aw sangə kə majɛ̂ le. N̂-ndiki tə̂ ta koy dɔ kakə-dəsə tə̂ bbo n̂-dda rɔ-kule ang. N̂-ndiki tə̂ mba noo rɔ-nəəl kə̂ nâ kinga goe tə̂ tokə kete ngaâ bbasinɛn, nisi dɔ ji-kɔl Lubba tə̂.

1 Piyɛr 5:10

A kooje ndoo mba gɔju kar bbay. A Lubba kə̂ to nje-dda mə-maji nya kə̂ bbarse ddəw tə̂ lə Jeju-Kristə karə ingaje piti kə̂ to kə ndɔ kə ndɔ le, a dda karə ə-təlje ə-ddeeje maji uta, nâ karə gɔlse uwa nangə, nâ karə ubbaje singa ngaâ nâ karə marə nɛ̂n yəkəse ang.

2 Piyɛr 3:10

Ndɔ lə Əbbə-dəwje a ddee tokə ddee lə nje-bboko. Ndɔɛ̂ tə̂ənn le, dara a kɔtu. Kar kɔtu laa a, kɔrɛ̂ a bbar kə singa nya. Puru a kɔn nɛ̂nje kə̂ mə dara tə̂ ngaâ nangə kə nɛ̂nje kə̂ dɔ nangə tə̂ a gotoje.