Pilipinyɛje 1:27 - Dɔnɔn kə̂ Siki: Tar kə̂ aw arə təbbə

²⁷ A maji karə pa-nja ləse dda mə-kâra kə Tar kə̂ Maji lə Kristə le. Baann bba karə bbo m-ddee ta koose wase mee horose tə̂ ang njaa kara, moo tamse. Maji karə dəwje paje arəm nan aw uwaje arəje ngəng ddəw kəjə tə̂ kə kâra baa. Ngaâ məse to kâra baa bba aw ddaje nɛ̂n ddɔ tokə dəwje kə̂ kâra baa, mba mə-kunn kə̂ ddee ddəw Tar tə̂ kə̂ Maji le.

Pilipinyɛje 1:27 ပူးပေါင်းရင်းမြစ်များ

Matiye 12:25

Jeju gərə kəjə ləde ngaâ pa arəde nan: «Bbe-kɔn tɔyn njaa kə̂ njê-bbeje le tinje naan ngaâ ddɔje naan, bbe le a tuju. Tɔkə bbe tɔyn njaa wase kəy njaa tɔyn kə̂ njɛɛ̂je ddɔje naan a kasə ta nayn bbay ang.

Kulaje 2:46

Dooje ta naan ngaâ kə ndɔ kâra kâra tɔyn daw dawje kəy-polo Lubba tə̂ naan tə̂. Daw dusaje nɛ̂n mə kəy tə̂ lə naan. Daw dusaje nɛ̂n ləde kə rɔ-nəəl kə mə ngonn-kasə.

Kulaje 24:24

Dda ndɔ ngaji goe tə̂ a, Peliksə de kə dɛnɛ̂n laa Durusil kə̂ to Jiipi n̂-ddeeje. Peliksə le ula bbar Pɔl ngaâ noo tar kə̂ naw tɔju dɔ kunn-mə karə Jeju-Kristə tə̂.

Kulaje 4:32

Njê-mə-kunnje kə̂ banya le, məde kə kəjə ləde to kâra baa. Dəw kâra horode tə̂ pa nan marə nɛ̂n to lə ne kə karə ne baa ang, mba nɛ̂n-kingaje ləde tɔyn to ləde horo naan tə̂.

Rɔmɛnje 1:16

Rɔ-kul kila mbər Tar kə̂ Maji le ddam ang. Mba to singa-mɔngu lə Lubba kə̂ aw aji nɛ̂n dəwje tɔyn kə̂ ooje məde tə̂, Jiipije dɔngɔr, goe tə̂ a, Gɛrɛkəje.

Rɔmɛnje 1:5

Ddəw tə̂ lə Jeju le, Lubba dda səm mə-maji karə m-ddee to nje-kaw-kula, ta dda karə kəsə gəl-dəwje tɔyn ooje məde tə̂ saa ngaâ ta dooje tɛɛ̂ mba ri Kristə.

Rɔmɛnje 1:9

Lubba gərə to tar kə̂ tɔkɔrɔ njaa maw pa nəənn. Ne Lubba kə̂ maw pole kə kəjə ləm tɔyn ddəw mbər Tar tə̂ kə̂ Maji kə̂ dɔ Ngonnɛ̂ tə̂ kə̂ maw mila. N̂-gərə to kar tɔyn kə̂ maw duje, maw mila rise məɛ tə̂.

Rɔmɛnje 10:8

A tar le nan ddi wa? Tar le nan: «Tar le to mbɔri tə̂ ngɔsi baa, to tai tə̂ ngaâ to məi tə̂ tɔ.» Tar le to tar mə-kunn kə̂ jaw jila mbəre.

Rɔmɛnje 15:16

karə m-ddee to nje-kula lə Jeju-Kristə horo dəwje tə̂ kə̂ toje to Jiipije ang. Nundam dang karə mila mbər Tar kə̂ Maji. Yeenn bba dəwje kə̂ toje to Jiipije ang a ddeeje tokə nɛ̂n-karə-baa kə̂ maji kəm Lubba tə̂. Ndil-mə-nda â dda arə nɛ̂n-karə-baa le maji tɔyn.

Rɔmɛnje 15:29

A m-gərə to bbo maw bbeê ləse a, Kristə a bbar tar kə̂ maji nya nya dɔse tə̂.

1 Kɔrɛntinyɛje 1:10

Ngakɔnʼmje, m-ndəjəse kə ri Əbbəjeje Jeju-Kristə karə ooje ta naan. Ə-tinje naan ang. Uwaje naan ta arəje kəjəje ləse to kâra baa.

1 Kɔrɛntinyɛje 15:58

Yeenn a, ngakɔnʼmje kə̂ m-ndikise nya, uwaje arə ngəng, arəje nɛ̂n yəkəse ang. Ə-ddaje arə kula lə Əbbə-dəwje aw kə kete kete bbo inyaje ddəwe ang, mba ə-gərəje kə majɛ̂ to kula kə̂ aw ddaje ddəw mə-kâra tə̂ kə Əbbə-dəwje a to baa ang.

2 Kɔrɛntinyɛje 13:11

Ta kutu nɛ̂n dɔɛ̂ a, ngakɔnʼmje, maji karə isije kə rɔ-nəəl. Ə-sangəje ddəw ta ddee maji tɔyn. Ə-ndəjəje naan bba karə rɔse oy njururu ang, ooje ta naan, isije kə mə-wul-lɔm. A Lubba kə̂ nje-ndiki dəwje ddəm nje-karə mə-wul-lɔm ddəm a nayn kə se.

2 Kɔrɛntinyɛje 4:4

Dooje məde tə̂ ang, mba Satan kə̂ to lubba kə̂ nangə̂ nəənn ɔku ddəw nɛ̂n-gərə ləde karə dooje ndoko lə Tar kə̂ Maji kə̂ aw tɔju piti lə Kristə. Kristə kə̂ to tokə Lubba le.

2 Kɔrɛntinyɛje 9:13

Dâ kooje nɛ̂n kə̂ ə-ddaje nəənn le ngaâ dâ kɔsuje gaji Lubba mba aw ddaje nɛ̂n kə turu ndu Tar kə̂ Maji lə Kristə ddəm mba mə-kâra kə̂ aw ddaje kə de ddəm kə kəsə dəwje lə Lubba tɔyn ddəm ddəw nɛ̂n tə̂ kə̂ aw arəjede le.

Galatəje 1:7

To marə Tar kə̂ Maji kə̂ dang bba to ang. Marə dəwje â aw turuje dɔse ngaâ ndikije ta turu Tar kə̂ Maji lə Kristə le.

Epɛjinyɛje 1:13

Ddəw tə̂ lə Kristə le tɔ a, sese kara ooje nɛ̂n tar kə̂ tɔkɔrɔ, Tar kə̂ Maji kə̂ ajise, ooje məse tə̂ kə Kristə ngaâ Lubba uja əndaji rɔse tə̂. Əndaji le to Ndil-mə-nda kə̂ nunn ndue ta karə le.

Epɛjinyɛje 1:15

Mba yeenn bba, əman njaa kara, unn kute ndɔ tə̂ kə̂ moo nan ooje məse tə̂ kə Əbbə-dəwje Jeju ddəm aw ndikije njê-mə-kunnje tɔyn ddəm le

Epɛjinyɛje 4:1

Yeenn bba, əman kə̂ dilam kəy-kula tə̂ mba Əbbə-dəwje, m-dujuse nya karə pa-nja ləse to pa-nja lə dəwje kə̂ Lubba bbarde njaa.

Pilipinyɛje 1:5

mba kuman kə̂ aw umanʼmje ddəw kila mbər Tar tə̂ kə̂ Maji arəje aw kə kete kete, kunn-kute tə̂ nu ndərəng bbokənɛn.

Pilipinyɛje 2:12

Yeenn a, ngakɔnʼmje kə̂ m-dikise nya, ooje ta Lubba kə majɛ̂ njaa, kar tə̂ kə̂ mee nɛ̂n horose tə̂. A maji karə ooje tɛɛ̂ uta nya bbay, kar tə̂ kə̂ bbasinɛn nəənn kə̂ m-goto horose tə̂ le. Maji karə ə-ddaje kula kaji kə̂ ingaje le kə bbəəl ddəm rɔ-kisa ddəm.

Pilipinyɛje 2:24

M-gərə to ddəw tə̂ lə Əbbəjeje, əman njaa kara, mbɔr ang a, mâ tee horose tə̂ tɔ.

Pilipinyɛje 3:18

M-pa marəse gɔl banya nya mban. A, m-təl ta pa karəse bbokənɛn kə maann-nɔn kəmʼm tə̂: dəwje nya aw njaje tokə dəwje kə̂ mbətəje tar koy lə Kristə kə̂ oy dɔ kakə-dəsə tə̂.

Pilipinyɛje 3:20

A jeje, bbe ləje to darâ. Jeje jaw ngəbbə Əbbə-dəwje Jeju-Kristə kə̂ to Nje-kajije kə̂ a kin darâ ddee.

Pilipinyɛje 4:1

Yeenn a, ngakɔnʼmje kə̂ m-dikise nya, sese kə̂ m-ndiki nya ta təl koose bbay, sese kə̂ ə-ddaje arə misi kə rɔ-nəəl, sese â minga nɛ̂n piti. Ngakɔnʼmje kə̂ m-dikise nya, maji karə ə-naynje ddəw mə-kâra tə̂ kə̂ ə-ddaje kə Əbbə-dəwje le arəje ngəng.

Kolosinyɛje 1:10

Yeenn bba pa-nja ləse a to tokə ye kə̂ Əbbə-dəwje ndiki ngaâ â ddaje nɛ̂n kə̂ nəəle kə ndɔ tɔyn. Â ddaje kulaje kə̂ maji dang dang ngaâ â gərəje Lubba kə kete kete.

Kolosinyɛje 1:4

Joo tar məse kə̂ unnje arəje Jeju-Kristə kə tar ndiki kə̂ aw ndikije dəwje lə Lubba tɔyn le.

1 Tesalonisinyɛje 3:6

A bbasinɛn Timɔte le in rɔse tə̂ təl ngaa. N̂-pa tar kə̂ maji dɔ mə-kunn tə̂ ləse kə dɔ ndiki tə̂ kə̂ to məse tə̂ narəje. N̂-pa narəje nan aw əjəjeje dɔje tə̂ kə ndɔ tɔyn ngaâ maal kooje aw ddase tokə jeje kara maal təl koose aw ddaje le tɔ.

1 Tesalonisinyɛje 4:1

Kəsə tar ləje tokə be: Ngakɔnje, n-tɔjuse ddəw kə̂ ta nja nɛ̂n karə nəəl kəm Lubba tə̂. To nɛ̂n kə̂ aw ddaje mban. A n-dujuse ddəm n-ndəjəse ddəm kə ri Əbbəjeje Jeju karə awje nɛ̂n kə kete kete.

1 Timɔte 1:11

Nɛ̂n-tɔju kə̂ tɔkɔrɔ le to mə Tar kə̂ Maji tə̂, Tar kə̂ Maji le arəje ddəw karə n-gərə Lubba kə̂ piti to laa. Lubba kə̂ ndiki ta karə jisi kə majɛ̂ le njaa inya Tar kə̂ Maji le jim tə̂.

1 Timɔte 1:19

ddəw kunda məi dɔ Lubba tə̂ kə ddəw ngəm kəjə kə̂ maji tə̂. Marə dəwje kə̂ ooje məde tə̂ mban ngaâ eeje kə kəjə kə̂ maji le təlje inyaje kəjə kə̂ maji le ngaâ dosoje ddəw mə-kunn tə̂ ləde.

2 Timɔte 4:7

M-dda ddɔ kə̂ maji, mayn ngɔru m-tee mban, m-ngəm mə-kunn ləm.

Titə 2:10

ngaâ n̂-bbokoje marə nɛ̂n ləde ang. Maji karə dasəje karə əbbədede undaje məde dɔde tə̂ kə ndɔ tɔyn. Baann bba dâ dda karə dəwje bbəəlje nɛ̂n-tɔju lə Lubba kə̂ to Nje-kajije.

Pilemɔn 1:5

Mba maw moo tam ndiki kə̂ aw ndiki njê-mə-kunnje ddəm məi kə̂ unn arə Əbbə-dəwje Jeju ngaâ ə-nayn ddəwe tə̂ le ddəm.

Jakə 3:18

Dəwje kə̂ ndikije mə-wul-lɔm ddaje arə dəwje kə̂ isije mbɔrde tə̂ isije kə mə-wul-lɔm tokə ko-ndɔɔ kə̂ dəw dubbu. Kandə-ko kə̂ dâ kujaje le to kula kə̂ gatə gatə.

2 Piyɛr 3:11

Nɛ̂njeenn tɔyn a gotoje, yeenn a, maji karə nɛ̂n-yərəw ɔru pa-nja ləse ang ngaâ ə-ngəmje rɔse mba Lubba.

2 Piyɛr 3:14

Mba yeenn bba, ngakɔnʼmje kə̂ m-ndikise nya, kar tə̂ kə̂ aw nginanje ndɔ le bbay le, maji karə ə-ddaje singa karə marə nɛ̂n-yərəw ɔruse ang ddəm karə marə tar to dɔse tə̂ ang ddəm ngaâ ta ə-naynje kə mə-wul-lɔm kə Lubba.

Judə 1:3

Ngakɔnʼmje, m-ndiki nya ta dda makəturu karəse ɔju dɔ kaji kə̂ Lubba ajije tɔyn kâra baa. A bbasinɛn, moo maji ta kula kə makəturu nəənn mba karə arəse singa, karə ə-ddaje ddɔ mba ngəm nɛ̂n tar mə-kunn kə̂ Lubba arəje nyɔm le.