Pilipinyɛje 1:20 - Dɔnɔn kə̂ Siki: Tar kə̂ aw arə təbbə

²⁰ Nɛ̂n kə̂ maw ngəbbə kə̂ munda məm dɔɛ̂ tə̂ nya dda arə rɔm a wul ang. A unn kute bbokənɛn nyɔm kə ləw, bbo misi kəm baa wase moy kara, pa-nja ləm a tɔju to Kristə le to nje-tɔkə-mbangə.

Pilipinyɛje 1:20 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 21:19

Jeju pa tar nəənn le ta tɔju nɛ̂n gar yo kə̂ Piyɛr a koy kə̂ a karə piti Lubba. Goe tə̂ a, Jeju le pa arɛ̂ nan: «Unn gom.»

Kulaje 20:24

Moo təbbə ləm to nɛ̂n kəmʼm tə̂ ang. Nɛ̂n kə̂ m-ndiki njaa to ənga dda kula kə̂ Əbbə-dəwje Jeju inya jim tə̂ ndərəng kɔsu kɔnyɛ̂. Kula le to kula kila mbər Tar kə̂ Maji kə̂ to mə-maji lə Lubba.

Kulaje 21:13

A Pɔl ila tə̂ nan: «Mba ddi bba aw nɔnje ngaâ aw ddaje arə məm aw gangə maann wa? Bbo n̂-tɔm kə kula wase n̂-tɔləm Jerujalɛm mba ri Əbbə-dəwje Jeju njaa kara m-ndiki tə̂.»

Kulaje 4:31

N̂-dujuje Lubba n̂-tungaje a, nangə yəkə lo tə̂ kə̂ n̂-mbɔnje naan tə̂ le. Ndil-mə-nda ddusude ngaâ dunnje kutu pa tar lə Lubba kə bbəəl ang.

Rɔmɛnje 12:1

Ngakɔnʼmje, Lubba tɔju maji laa kə̂ n̂-dda kə je. Yeenn bba, m-walse nya karə unnje da-rɔse njaa arəje Lubba tokə nɛ̂n-polo kə̂ to kəm baa, nɛ̂n kə̂ dunda dang ngaâ maji kəm Lubba tə̂. Yeenn â to gusu kə̂ tɔkɔrɔ kə̂ ta polo nɛ̂n Lubba.

Rɔmɛnje 5:5

Məje kə̂ jundaje dɔ Lubba tə̂ le a dda karə rɔje wul ang, mba Lubba arə Ndil-mə-nda kə̂ narəje le ula ndiki laa məje tə̂ tokə bo.

Rɔmɛnje 6:13

Unnje dəbbə rɔse kâra ilaje majang tə̂ ang ngaa, mba a təl to nɛ̂n-dda kula kə̂ gatə gatə ang. A unnje rɔse arəje Lubba tokə dəwje kə̂ oyje bba ndolje. Unnje rɔse tɔyn ilaje kula tə̂ lə Lubba karə rɔse le təl to nɛ̂n kə̂ ta dda nɛ̂n kula kə̂ gatə gatə.

Rɔmɛnje 6:19

Munn nɛ̂n-kɔju-marɛ̂ dɔ dəwje tə̂ bba maw pa nɛ̂n tar nəənn, mba ə-gərəje nɛ̂n tɔyn kə majɛ̂ ang bbay. Dɔngɔr, unnje rɔse tɔyn tokə lə bbərəje ə-ddaje nɛ̂n kula yərəw kə nɛ̂n kə ngabula. Nɛ̂njeenn le aw ddaje arə aw mbətəje ta Lubba. Yeenn a, bbasinɛn maji karə unnje rɔse tɔyn to bbərəje ə-ddaje nɛ̂n kula kə̂ gatə gatə bba karə isije to dəwje kə̂ ngəmje rɔde dang mba Lubba.

Rɔmɛnje 8:19

Nɛ̂nje tɔyn kə̂ Lubba dda aw nginanje kar kə̂ Lubba a tɔju nɛ̂n ngannɛ̂ kə̂ ddaka.

Rɔmɛnje 9:33

tokə Makəturu lə Lubba pa nan: «Ooje, mila marə ər kə̂ dəwje a tukaje gɔlde tə̂ tɔkə bbe tə̂ kə̂ Sinyɔ, tɔkə ər kə̂ a dda karə dəwje tosoje, dəw kə̂ unn məɛ̂ arɛ̂ a, rɔ-kul a kɔru kəmɛ̂ ang.»

1 Kɔrɛntinyɛje 15:31

Mərəse ang, ngakɔnʼmje kə ndɔ kâra kâra tɔyn yo aw bbərə gom. Tɔkɔrɔ njaa rɔm nəələm nya mbase, sese kə̂ əman kə se n-ddaje mə-kâra kə Əbbəjeje Jeju-Kristə le.

1 Kɔrɛntinyɛje 6:20

Lubba uka dɔse kə gatə kə̂ ngəng nya. Yeenn a, unnje da-rɔse le ɔsuje nɛ̂n gaji Lubba.

1 Kɔrɛntinyɛje 7:34

Yeenn a, kəjə laa to joo. Ddəw kâra baa, dɛnɛ̂n kə̂ taa ngaw ang kə ngonn mandə, dundaje kəjə ləde kə dɔ kula tə̂ lə Əbbə-dəwje. Baann bba dâ ngəmje rɔde kə kəjə ləde karə maji tɔyn. Dɛnɛ̂n kə̂ taa ngaw unda kəjə laa kə dɔ nɛ̂nje tə̂ kə̂ duninya tə̂. Naw sangə ddəw ta nəəl kəm ngawɛ̂je tə̂.

2 Kɔrɛntinyɛje 10:8

Əbbə-dəwje arəje singa karə n-dda jarə ubbaje singa, bbo ta dda karə singase ɔru ang. Yeenn bba bbo munda nɛ̂n gum uta dɔɛ̂ ngaji kara, rɔm a wul ang.

2 Kɔrɛntinyɛje 3:12

Junda məje tokə baann le arə məje oso pɔn.

2 Kɔrɛntinyɛje 4:10

Jaw joto yo lə Jeju rɔje tə̂ kə ndɔ tɔyn, bba karə dəwje ooje təbbə lə Jeju rɔje tə̂.

2 Kɔrɛntinyɛje 5:15

Noy mba dəwje tɔyn bba karə dəwje kə̂ isije kəm baa, isije kəm baa mba tar ləde njaa ang, a disije kəm baa mba dəw kə̂ oy ngaâ ndol mbade.

2 Kɔrɛntinyɛje 7:14

Mba gum kə̂ munda ngaji mbase kəmɛ̂ tə̂ le təl to nɛ̂n-rɔ-kul ləm ang. Jeje jaw pa tar kə̂ tɔkɔrɔ kə ndɔ tɔyn jarəse, yeenn bba guje kə̂ jaw junda mbase kəm Titə tə̂ le ddee to nɛ̂n kə̂ to kə dɔgɔlɛ̂ njaa.

2 Kɔrɛntinyɛje 7:4

Munda məm tɔyn kə dɔse tə̂. Maw munda gum mbase nya. Wurum oso pɔn ddəm maw minga rɔ-nəəl nya ddəm mə nɛ̂n kəm-to-ndooje tə̂ ləje.

Pilipinyɛje 1:14

Ngakɔnjeje nya kə̂ oomje kəy-kula tə̂ ingaje singa nya ddəw tə̂ lə Əbbə-dəwje ta kila mbər tar lə Lubba kə bbəəl ang.

Pilipinyɛje 2:17

Le mə-kunn ləse aw dda arə aw ddaje kula arəje Lubba to nɛ̂n-polo njaa kara, əman, bbo n̂-tɔləm a, rɔm a nəələm, mba məsəm a to nɛ̂n-polo dɔ marɛ̂ tə̂ ləse ngaâ mâ dda rɔ-nəəl kə se.

Kolosinyɛje 1:24

Bbasinɛn maw dda rɔ-nəəl mba ndoo kə̂ maw moo mba tar ləse. Ngaâ, maw moo kəsə ndoo lə Kristə mba Egilisi kə̂ to da-rɔɛ̂.

1 Tesalonisinyɛje 5:23

Maji karə Lubba njaa kə̂ to nje-karə mə-wul-lɔm dda arə ə-ddeeje maji tɔyn. Maji karə n̂-ngəm da-rɔse tɔyn, kəjə ləse, kəwn ləse kə rɔse, narə ndɔ ddee lə Əbbə-dəwje Jeju-Kristə a, tar kâra to dɔse tə̂ ang.

1 Piyɛr 4:16

A bbo dəw oo ndoo mba ddee kə̂ n̂-ddee to dəw lə Kristə a, narə rɔ-kul ddɛɛ̂ ang. Maji karə nɔsu gaji Lubba mba ri Kristə kə̂ to dɔɛ̂ tə̂ le.

1 Jan 2:28

Baann a, ngannje kə̂ ngaji, maji karə ə-naynje ddəw mə-kâra tə̂ kə Kristə, mba karə ndɔ kə̂ n̂-ddee a, bbəəl ddaje ang ddəm karə ndɔ təl laa a, rɔ-kul uta dɔje ngaâ jarje ddəw əw saa ang ddəm.