Ndil-mə-nda kə̂ jingaje le tɔju to ja kingaje nɛ̂nje kə̂ maji kə̂ Lubba a ta karəje le. Ja kinga nɛ̂njeenn le dɔ ndɔ tə̂ kə̂ Lubba a tee kə je mə nɛ̂n-ddaje tə̂ kə̂ maji ang kə ddang njaa nyɔm. Yeenn a, maji karə jɔsuje gaji Lubba.
Tar kə̂ Maji nəənn le aw andə kandə aw nɛ̂n kə kete kete dɔ nangə tə̂ tɔyn. Kar kə̂ Tar le tee bbeê ləse le to tokə baann tɔ, unn kute ndɔ tə̂ kə̂ ooje nɛ̂n tar mə-maji kə̂ tɔkɔrɔ kə̂ Lubba dda kə se le.
Maji karə kəsə njê-mə-kunnje kara unnje rɔde tɔyn ddaje kulaje kə̂ maji. Yeenn bba bbo marə nɛ̂n du a, dâ kasəje ta karə nɛ̂nje njangə baa kuman nɛ̂n ngaâ dâ toje to dəwje kə̂ kari baa ang.
Tɔkɔrɔ njaa, bbo daw dunda dəw mba tɔjɛ̂ nɛ̂n ddəw a, to nɛ̂n rɔ-nəəl karɛ̂ tə̂ənn le njaa ang. A ndərəng goe tə̂ a, dəw kə̂ dundɛ̂ le ddee to dəw kə̂ gatə gatə ngaâ isi kə mə-wul-lɔm.
A sese, ə-toje to dəwje kə̂ Lubba mbərəse, ə-toje to njê-poloje lə tɔkə mbay. Ə-toje to gəl-dəwje kə̂ majije tɔyn, dəwje kə̂ Lubba uka dɔse ta karə ilaje mbər nɛ̂nje kə̂ maji nya kə̂ n̂-dda, ne kə̂ n̂-bbarse narə inje lo ndul tə̂ ə-teeje lo-karɛ tə̂ kə̂ dum dɔ dəwje le.