Matiye 9:2 - Dɔnɔn kə̂ Siki: Tar kə̂ aw arə təbbə

² Dəwje ddeeje kə marə dingaw kə̂ dəbbə rɔɛ̂ oy kə̂ to tuwa tə̂ rɔɛ̂ tə̂. Jeju oo mə-kunn ləde le a, pa arə dəw kə̂ rɔɛ̂ oy le nan: «Ngonnəm, uwa arə ngəng, tar majangje ləi ɔru dɔi tə̂ ngaa.»

Maketuru le Lubba ke tar kabba

² Dewje ddeeje rɔe te ke mare dingaw ke debbe rɔe oy ke dilae dɔ tuwa te. Toke Jeju oo koo me te lede le a, pa are dew ke rɔe oy le na: «Ngunnum, uwa are ngeng, tar majang lei ɔru dɔi te ngaa.»

Matiye 9:2 ပူးပေါင်းရင်းမြစ်များ

Matiye 14:27

A Jeju pa arəde njangə baa nan: «Əman â nəənn, ə-bbəəlje ang!»

Matiye 4:24

Ri Jeju bbar dɔ nangə Siri tə̂ tɔyn arə dəwje ddeeje kə njê-rɔ-toje dang dang rɔɛ̂ tə̂: Dede kə̂ rɔ-toje dang dang ula kəmde ndoo, njê kə̂ ndilje kə̂ maji ang toje məde tə̂, njê-dɔ-kilaje kə nje kə̂ dəbbə rɔde oy ngaâ Jeju ajide.

Matiye 6:12

Ɔru tar majang ləje dɔje tə̂, tokə jeje kara jaw jɔru tar dɔ dəwje tə̂ kə̂ ddaje majang kə je tɔ.

Matiye 8:10

Jeju oo tar lə baw-ddɔ le baann a, tar le nəəle nya ngaâ n̂-pa narə dəwje kə̂ unnje goe nan: «M-pa tar kə̂ tɔkɔrɔ marəse, nangə tə̂ kə̂ Ijarayɛl tɔyn, m-nayn minga marə mə-kunn kə̂ be ang.

Matiye 8:16

Lo-kul a, n̂-ddee kə dəwje nya nya kə̂ ndilje kə̂ maji ang toje məde tə̂ rɔ Jeju tə̂. Tar kə̂ ta Jeju tə̂ njaa tubba nɛ̂n ndilje kə̂ maji ang le ngaâ aji njê-rɔ-toje le tɔyn.

Matiye 9:22

Jeju turu rɔɛ̂ ooe ngaâ pa nan: «Uwa arə ngəng, Ngonnəm kə̂ dɛnɛ̂n, mə-kunn ləi ajii mban.» A kar tə̂ənn njaa rɔ-to laa le goto.

Matiye 9:5

Ta pa nan: ‹Tar majang ləi ɔru dɔi tə̂›, wase ta pa nan: ‹In taar bbo ə-nja.› Ye kə̂ dda bba ngəng ang ta pa wa?

Matiye 9:6

M-ndiki karə ə-gərəje, Ngonn lə dəw ee kə singa ta kɔru tar majang dɔ dəwje tə̂ kə̂ nangə̂ nəənn.» Yeenn ngaâ n̂-pa narə dəw kə̂ rɔɛ̂ oy le nan: «In tar, unn tuwa ləi bbo aw bbeê.»

Marke 1:32

Lo-kul tə̂ kə̂ kar andə a, dəwje otoje njê-rɔ-toje tɔyn kə njê kə̂ ndilje kə̂ maji ang toje məde tə̂ ddeeje kə de rɔ Jeju tə̂.

Marke 10:49

Jeju ar lo kâra ngaâ pa nan: «Ə-bbarɛ̂je.» Dəwje le bbarɛ̂je ngaâ paje arɛ̂ nan: «Ə-dda singa in taar, naw bbari!»

Marke 5:34

Jeju pa arɛ̂ nan: «Ngonnəm, mə-kunn ləi ajii. Aw kə mə-wul-lɔm kə rɔ kə̂ maji.»

Marke 6:50

Mba dede tɔyn njaa daw dooeje ngaâ bbəəl uta dɔde. A njangə baa njaa n̂-pa kə de tar nan: «Arəje wurse oso nangə̂, ə-bbəəlje ang, əman â nəənn.»

Tar kə̂ Maji kə̂ Jan dda makəturu tə̂ 16:33

M-pa nɛ̂njeenn tɔyn marəse karə məse wul lɔm ddəw tə̂ ləm. A kooje ndoo duninya tə̂. A maji karə uwaje arəje ngəng, mba əman m-tətə duninya nəənn kə ddɔ mban.»

Tar kə̂ Maji kə̂ Jan dda makəturu tə̂ 2:25

N̂-duju karə dəw â pa tar dɔ dəwje tə̂ arɛ̂ ang, mba n̂-gərə kəjə kə̂ to mə dəw tə̂.

Tar kə̂ Maji kə̂ Jan dda makəturu tə̂ 21:5

Jeju dujude nan: «Ngannje, uwaje kanji ang wa?» Dilɛ̂je tə̂ nan: «Juwa nɛ̂n kâra ang.»

Kulaje 14:9

Marə ndɔ naw noo tar kə̂ Pɔl aw pa. Pɔl le ɛɛ̂ a, gərə to mə-kunn laa asə dda karə naji.

Kulaje 19:12

Yeenn bba bbo, dəw ddee kə mbita kubbu wase kubbu kə̂ ɔru rɔ Pɔl ɔru nɛ̂n nje-rɔ-to a, rɔ-to le goto ddəm ndilje kə̂ maji ang kara teeje kə ddang ddəm.

Kulaje 23:11

Lo ndul a, Əbbə-dəwje tee inga Pɔl ngaâ pa arɛ̂ nan: «Uwa arə ngəng, ə-pa tar-naji ləm Jerujalɛm mban, a maji karə ə-dda tokə baann Rɔm tɔ.»

Rɔmɛnje 5:11

Uta yeenn bbay, jaw ddaje rɔ-nəəl nɔn Lubba tə̂ ləje ddəw tə̂ lə Əbbəjeje Jeju-Kristə, mba ne â n̂-dda narə junguje naan tə̂ kə Lubba bbasinɛn.

Jakə 2:18

Marə dəw a pa nan: «Əi, mə-kunn ləi to, a əman kulaje kə̂ m-dda to. Ə-tɔjum mə-kunn ləi kə̂ kulɛ̂ goto le, a əman mâ tɔji mə-kunn ləm ddəw kulaje tə̂ kə̂ m-dda.»